ហាងកាបូបនៅ ចិន បង្កការរិះគន់តាម Tik Tok ព្រោះស្រដៀង Charles & Keith

អ្នកលេង Tik-Tok គណនី Ken Poon បានបង្ហោះវីដេអូខ្លីបង្ហាញពីហាងមួយនៅប្រទេសចិន ដោយដាក់ចំណងជើងថា “ដើរកាត់យីហោប្រហែលៗនៅ ចិន” ក្រឡេកមួយភ្លែតក៏ដឹងដែរ តើ Ken ចង់សំដៅទៅលើយីហោអ្វី ។

ការរៀបចំហាង និងរបៀបតាំងផលិតផល មានលក្ខណៈស្រដៀងទៅនឹងយីហោ Charles & Keith របស់សិង្ហបុរីសឹងតែ ១០០ ភាគរយ ប៉ុន្តែឈ្មោះវិញអានមិនដាច់សោះ បង្កការរិះគន់ពីមហាជនយ៉ាងចាស់ដៃ ។

យោងតាមគេហទំព័រទំនិញអនឡាញរបស់ចិន រៀបរាប់ថា “Chfpibs & Kslth គឺជាម៉ាករបស់អ៊ីតាលី ផលិតសម្រាប់ស្ត្រីនៅអាស៊ី ។ អ្នកបង្កើតទាំងពីរមានឈ្មោះថា Chfpibs Ricci និង Kslth Ricci ជាបងប្អូនស្រី ជនជាតិអ៊ីតាលី” ប៉ុន្តែជនជាតិសិង្ហបុរីមិនព្រមជឿរឿងដែលគេបកស្រាយឡើយ ។ អ្នកខ្លះថែមទាំងនិយាយថា គ្រាន់តែព្យាយាមអានឈ្មោះ Chfpibs & Kslth សោះ ទឹកមាត់ខ្ទាតពេញផ្ទះតែម្ដង ។

ទោះបីអតិថិជនម្នាក់បានបញ្ចេញមតិថា ម៉ាកយីហោ Chfpibs & Kslth មានគុណភាពល្អក៏ដោយ មនុស្សភាគច្រើននៅតែមិនឲ្យតម្លៃដដែល ព្រោះវាជាម៉ាកចម្លងសម្រាប់ពួកគេ ៕

ប្រែសម្រួល ៖ វារី

ប្រភព ៖ 8days

ចុចអាន ៖ ហេតុផល ៦ យ៉ាង យើងមិនគួរទិញកាបូបក្លែងក្លាយ ឬ Top Grade