រដ្ឋបាលរាជធានីភ្នំពេញបង្ហាញផែនទី និងឈ្មោះភូមិសង្កាត់ដែលត្រូវបានបិទខ្ទប់ដើម្បីទប់ស្កាត់ជំងឺកូវីដ១៩

នៅរសៀលថ្ងៃទី១២មេសានេះ រដ្ឋបាលរាជធានីភ្នំពេញបានបង្ហាញពីផែនទីបិទខ្ទប់ភូមិសង្កាត់ជាច្រើននៅក្នុងមូលដ្ឋានរាជធានីភ្នំពេញ និងបានបង្ហាញពីឈ្មោះ ភូមិសង្កាត់ទាំងនោះផងដែរដើម្បីទប់ស្កាត់ការរីករាលដាលជម្ងឺកូវីដ-១៩ ។

លោក ម៉េត  មាសភក្ដី អ្នកនាំពាក្យសាលារាជធានីភ្នំពេញ បានអោយដឹងនៅរសៀលថ្ងៃទី១២មេសានេះថា រដ្ឋបាលរាជធានីភ្នំពេញ បានបង្ហាញពីផែនទីដែលត្រូវបានបិទខ្ទុប ភូមិ សង្កាត់ជាច្រើន នៅក្នុងមូលដ្ឋានរាជធានីភ្នំពេញ ដើម្បីទប់ស្កាត់ការរីករាលដាលជម្ងឺកូវីដ-១៩ ក្នុងនោះរួមមានភូមិត្រពាំងថ្លឹង២ និងភូមិទួលពង្រ នៃសង្កាត់ចោមចៅទី១ ភូមិចំការឪឡឹក១ ភូមិប៉ប្រកខាងត្បូង ភូមិប៉ប្រកខាងជើង និងភូមិត្រពាំងល្វា១ នៃសង្កាត់កាកាបទី១ និងភូមិចំការឪឡឹក១ នៃសង្កាត់កាកាបទី២ និងភូមិចំការឳឡឹក២ ក្នុងសង្កាត់កាកាបទី២ ។

ខណ្ឌមានជ័យ មានភូមិទ្រា៤ ភូមិតំណាក់ធំ២ និងភូមិតំណាក់ធំ៣ នៃសង្កាត់ស្ទឹងមានជ័យ៣ សង្កាត់ស្ទឹងមានជ័យទី១ ស្ទឹងមានជ័យទី២ ។ ភូមិទ្រុងមាន់ សង្កាត់អូរបែកក្អម ខណ្ឌសែន សុខ ដែលជាភូមិនិងសង្កាត់ ដែលបានរីករាលដាលជម្ងឺកូវីដ-១៩ ក្នុងព្រឹត្តិកាលសហគមន៍២០កុម្ភៈ៕

អត្ថបទ៖ ស្រីរ័ត្ន