ព័ត៌មានអន្ដរជាតិ
កម្ពុជានិងសហរដ្ឋអាមេរិកពង្រីកកាលានុវត្តភាពឥតដែនកំណត់ទាំងវិស័យយោធានិងពាណិជ្ជកម្ម
សហរដ្ឋអាមេរិកនិងប្រទេសកម្ពុជា បានបើកឱកាសឥតដែនកំណត់សម្រាប់ទំនាក់ទំនងទ្វេភាគី ក្រោយការចុះហត្ថលេខាលើកិច្ចព្រមព្រៀងសន្តិភាពរវាងកម្ពុជានិងថៃ ក្រោមការធ្វើជាសាក្សីរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ និងនាយករដ្ឋមន្ត្រីម៉ាឡេស៊ី។
សេចក្តីប្រកាសព័ត៌មានរបស់វិមានប្រធានាធិបតីសហរដ្ឋអាមេរិកនៅពេលរាត្រីថ្ងៃទី២៦ខែតុលា បានឲ្យដឹងថា សហរដ្ឋអាមេរិកនឹងពង្រីកទំនាក់ទំនងវិស័យយោធាជាមួយកម្ពុជា និងការធ្វើពាណិជ្ជកម្មរវាងប្រទេសទាំងពីរ។
ពាក់ព័ន្ធដល់ការពង្រីកទំនាក់ទំនងលើវិស័យយោធា សហរដ្ឋអាមេរិកនឹងសម្រេចដកបំរាមការលក់សព្វាវុធមកឲ្យប្រទេសកម្ពុជា ដែលសហរដ្ឋអាមេរិកបានដាក់ក្នុងពេលកន្លងមក។ លើសពីនោះ សហរដ្ឋអាមេរិកក៏នឹងបង្កើនចំនួនមន្ត្រីកម្ពុជាសម្រាប់ការសិក្សានៅសាលាបណ្ឌិតយោធាសហរដ្ឋអាមេរិក West Point។ អ្វីដែលសំខាន់ជាងនេះ សហរដ្ឋអាមេរិក បានព្រមទាំងបើកឲ្យរៀបចំសមយុទ្ធការពារជាតិឆ្មាំអង្គរ (ANGKOR SENTINEL defense exercise) ឡើងវិញ បន្ទាប់ពីប្រទេសទាំងពីរបានផ្អាកតាំងពីឆ្នាំ២០១៧។
យោងតាមសេចក្តីប្រកាសរបស់សេតវិមានដដែលនោះ សហរដ្ឋអាមេរិក និង កម្ពុជា បានព្រមព្រៀងគ្នាក្នុងការធ្វើប្រតិបត្តិការពង្រីកការប្រយុទ្ធប្រឆាំង និង អង្គការឧក្រិដ្ឋកម្មឆ្លងដែន រួមទាំងអ្នកជួញដូរគ្រឿងញៀន និង មជ្ឈមណ្ឌលបោកប្រាស់តាមអ៉ិនធឺណិត។
ក្រៅពីវិស័យយោធា សហរដ្ឋអាមេរិក និងកម្ពុជាបានយល់ព្រមលើកិច្ចព្រមព្រៀងពាណិជ្ជកម្មដែលនឹងផ្តល់ឱ្យអ្នកនាំចេញរបស់សហរដ្ឋអាមេរិកនូវការចូលទៅកាន់ទីផ្សារកម្ពុជាដែលមិនធ្លាប់មានពីមុនមក។ នៅក្នុងនោះ កម្ពុជាបានយល់ព្រមលុបចោលការយកពន្ធលើទំនិញអាមេរិកទាំងអស់ រួមទាំងផលិតផលចំណីអាហារ និងកសិផល និងទំនិញឧស្សាហកម្ម មានន័យថា ការនាំចេញរបស់សហរដ្ឋអាមេរិកមកកម្ពុជានឹងមិនប្រឈមមុខនឹងកាតព្វកិច្ចឡើយ។
ជាមួយគ្នានេះដែរ ភាគីកម្ពុជាបានប្តេជ្ញាចិត្តក្នុងការការធ្វើឲ្យស្មើភាពចំពោះការនាំចេញរបស់សហរដ្ឋអាមេរិក រួមទាំងការទទួលស្គាល់ការត្រួតពិនិត្យបទប្បញ្ញត្តិរបស់សហរដ្ឋអាមេរិក ដើម្បីធានាថាទំនិញរបស់សហរដ្ឋអាមេរិកមិនចាំបាច់ឆ្លងកាត់តម្រូវការធ្វើតេស្តបន្ថែមដែលនាំទៅដល់ការបង្កើនបន្ទុកធ្ងន់បន្ថែមទៀតនោះ។
កម្ពុជាក៏ធានាថា ការនាំចេញរបស់សហរដ្ឋអាមេរិកមកកម្ពុជានឹងលែងប្រឈមមុខនឹងគុណវិបត្តិប្រកួតប្រជែងទល់នឹងដៃគូពាណិជ្ជកម្មផ្សេងទៀត៕
រ៉ាន់ រើយ
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៥ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៧ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS