ព័ត៌មានជាតិ

ផែនទីបង្ហាញគោលដៅទេសចរណ៍សំខាន់ៗមានចម្ងាយផ្លូវជិតជាងគេ ធ្វើដំណើរចេញពីក្រុងកំពត

បានផុស

៦ ខែ មុន

នៅ

ថ្ងៃចន្ទ ១២ មករា ២០២៦

ដោយ

មន្ទីរទេសចរណ៍ខេត្តកំពតបានរៀបចំផែនទី បង្ហាញពីគោលដៅទេសចរណ៍សំខាន់ៗចេញពីក្រុងកំពត។ ក្នុងចំណោមគោលដៅទេសចរណ៍សំខាន់ៗចំនួន ១៥ កន្លែងក្នុងខេត្តកំពត សហគ្រាសស្រែអំបិលជាគោលដៅទេសចរណ៍ដែលមានចម្ងាយផ្លូវធ្វើដំណើរជិតជាងគេចេញពីក្រុងកំពត។ នេះបើយោងតាមផែនទីគោលដៅទេសចរណ៍ខេត្តកំពត។

សហគ្រាសស្រែអំបិលមានទីតាំងនៅតាមបណ្តោយផ្លូវជាតិលេខ ៣៣ មានចម្ងាយត្រឹមតែ ៥ គីឡូម៉ែត្រប៉ុណ្ណោះពីក្រុងកំពត ខណៈទំនប់ម្លេចជាគោលដៅទេសចរណ៍មានចម្ងាយផ្លូវឆ្ងាយជាងគេរហូតដល់ជាង ៥៣ គីឡូម៉ែត្រ ដែលមានទីតាំងស្ថិតនៅតាមបណ្តោយផ្លូវជាតិលេខ ៣ ជាប់ព្រំប្រទល់ខេត្តតាកែវ និងកំពត។

គោលដៅទេសចរណ៍ផ្សេងទៀតមានដូចជា សហគមន៍ទេសចរណ៍ត្រពាំងសង្កែមានចម្ងាយ ៧ គីឡូម៉ែត្រពីក្រុងកំពត រមណីយដ្ឋានដូងទេចម្ងាយ ៩ គីឡូម៉ែត្រ រមណីយដ្ឋានទឹកឈូចម្ងាយ ១០ គីឡូម៉ែត្រ ឧទ្យានព្រះមន្ទីវង្សបូកគោមានចម្ងាយ ៣៨ គីឡូម៉ែត្រពីក្រុងកំពត។

ខាងក្រោមចម្ងាយផ្លូវធ្វើដំណើរសម្រាប់គោលដៅទេសចរណ៍សំខាន់ៗចេញពីក្រុងកំពត៖

-រមណីយដ្ឋានទឹកឈូ Teűk Chhou Rapids (10Km)
-ដូងទេរ Daung Te (9Km)
-ឧទ្យានដងព្រែក River Park (10km)
-ទឹកធ្លាក់វាលតូច Veal Pouch Waterfall (8.6Km)
-ឧទ្យានព្រះមន្ទីវង្សបូកគោ Preah Monivong Bokor National Park (38Km)
-សហគមន៍ព្រែកត្នោត Preaek Tnaot Community (32Km)
-ណាតាយ៉ា រីសត Nataya Resort (20Km)
-សហគ្រាសអំបិល Salt Enterprise (5Km)
-សហគមន៍ត្រពាំងសង្កែ Trapeang Sankae Ecotourism (7Km)
-ភ្នំកំពង់ត្រាច Kampong Trach Cave (38Km)
-សហគមន៍អន្លង់ព្រីង Anlung Pring Sacuary (50Km)
-កសិទេសចរណ៍ចំការម្រេច La Plantation Restaurant (16Km)
-ទំនប់ប្រទ័ក្សក្រឡា Tomnob bror Tak Krala (12Km)
-ភ្នំឈ្ងោក Phnom Chhngok Cave (12Km)
-ទំនប់ម្លេច Tomnob Mlech (53Km)