ព័ត៌មានជាតិ

ប្តីរត់កង់បី ប្រពន្ធកម្មការិនីរោងចក្រ ធ្វើចត្តាឡីស័ក ១៤ ថ្ងៃ គ្មានរោគសញ្ញា តេស្តចុងក្រោយឆ្លងកូវីដ ១៩

បានផុស

៤ years មុន

នៅ

ថ្ងៃចន្ទ ២៦ មេសា ២០២១

ដោយ

អាជ្ញាធរខេត្តកំពង់ធំ បានប្រកាសវិជ្ជមានកូវីដ ១៩ លើពលរដ្ឋពីរនាក់ជាប្តីប្រពន្ធ ដែលប្តីមុខរបររត់កង់បី និងប្រពន្ធជាកម្មការិនីរោងចក្រ។

បើតាមការឲ្យដឹងរបស់អាជ្ញាធរ ប្តីប្រពន្ធទាំងពីរនាក់នេះប្តីមានឈ្មោះឌឹម សុឃឿន អាយុ ២៦ ឆ្នាំ មុខរបររត់កង់បី និងប្រពន្ធឈ្មោះសួន ឡៃហួរ អាយុ ២០ ឆ្នាំ មុខរបរកម្មការិនីរោងចក្រឌីឡាក់។ ពួកគេទាំងពីររស់នៅបន្ទប់ជួលនៅរាជធានីភ្នំពេញ។

តាមប្រភពអាជ្ញាធរ នៅថ្ងៃទី ១០ ខែមេសា ឆ្នាំ២០២១ ប្តីប្រពន្ធទាំងពីរនាក់បានធ្វើដំណើរមកស្រុកកំណើត ពេលមកដល់ប៉ុស្តិត្រួតពិនិត្យព្រំប្រទល់ខេត្តកំពង់ចាម និងកំពង់ធំ បានជិះគេចប៉ារ៉ាសសមត្ថកិច្ចតាមផ្លូវទឹកឆា។

ពេលមកដល់ផ្ទះ អាជ្ញាធរឃុំបានចុះវាស់កម្តៅ និងឲ្យធ្វើចត្តាឡីស័កនៅផ្ទះភ្លាមៗ។ នៅថ្ងៃទី ១១ ខែមេសា ឆ្នាំ២០២១ ត្រូវបានបញ្ជូនទៅធ្វើចត្តាឡីស័កនៅវិទ្យាល័យទ្រៀល។

រយៈពេលធ្វើចត្តាឡីស័ក អ្នកទាំងពីរមិនមានរោគសញ្ញាសង្ស័យនោះទេ ហើយនៅថ្ងៃ ២៤ ខែមេសា គ្រូពេទ្យបានទៅយកសំណាក ទទួលលទ្ធផលវិជ្ជមាននៅថ្ងៃ ២៥ ខែមេសា ឆ្នាំ២០២១ និងត្រូវនាំទៅសម្រាកព្យាបាលនៅមន្ទីរពេទ្យបង្អែកបារាយណ៍-សន្ទុក៕