Connect with us

ព័ត៌មានជាតិ

មន្ត្រីវប្បធម៌កំពង់ឆ្នាំង ចុះស្រង់ទិន្នន័យ “ព្រះវិហារបុរាណ” វត្តយុគន្ធរ ដើម្បីអភិរក្សបេតិកភណ្ឌជាតិ

បានផុស

នៅ

មន្ត្រីការិយាល័យបេតិកភណ្ឌ នៃមន្ទីរវប្បធម៌ និងវិចិត្រសិល្បៈខេត្តកំពង់ឆ្នាំង នាព្រឹកថ្ងៃសុក្រ ទី៨ ខែឧសភា ឆ្នាំ២០២៦ បានចុះស្រង់ទិន្នន័យ ដើម្បីរៀបចំសាលកបត្របញ្ជាក់អត្តសញ្ញាណព្រះវិហារបុរាណ នៅ វត្តយុគន្ធរ ស្ថិតនៅភូមិឆ្នុកទ្រូ ឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះស្រង់​ទិន្នន័យ ដឹកនាំដោយ​ លោក​ សិត​ ស​ អនុប្រធាន​មន្ទីរ​វប្បធម៌​និង​វិចិត្រសិល្បៈ​ខេត្ត​កំពង់ឆ្នាំង ដោយមានការចូលរួមពីមន្ត្រី​នគរបាល​បេតិកភណ្ឌ​​ ​មន្ត្រី​ និង​មន្ត្រី​កិច្ច​សន្យា​ នៃ​មន្ទីរ​វប្បធម៌​និង​វិចិត្រសិល្បៈ​ខេត្ត។ ការងារនេះក៏មាន​ការ​និមន្ត​ និង​មាន​ការ​ឯកភាព​យល់ព្រម និងការគាំទ្រពីព្រះចៅអធិការវត្តផងដែរ។

គួរបញ្ជាក់ថា វត្តយុគន្ធរ ជាវត្តបុរាណដ៏សំខាន់មួយនៅតាមបណ្តោយបឹងទន្លេសាប ដែលមានព្រះវិហារកសាងតាំងពីឆ្នាំ១៩៣៣។ ព្រះវិហារនេះ មានរាងតូចច្រឡឹង ប៉ុន្តែសម្បូរទៅដោយក្បាច់លម្អស្ថាបត្យកម្មបែបបុរាណ ចាប់ពីខឿនក្រោម រហូតដល់កំពូលដំបូល ដែលបង្ហាញពីអត្តសញ្ញាណវប្បធម៌ និងសិល្បៈខ្មែរយ៉ាងច្បាស់លាស់។

ការចុះស្រង់ទិន្នន័យ និងរៀបចំសាលកបត្របញ្ជាក់អត្តសញ្ញាណនេះ គឺជាជំហានសំខាន់មួយ ក្នុងការពារ និងអភិរក្សបេតិកភណ្ឌវប្បធម៌ជាតិ ឱ្យបានគង់វង្សសម្រាប់ជំនាន់ក្រោយ៕

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម