ព័ត៌មានជាតិ

ក្រៅពីគម្រោងផ្តល់អំណោយក្នុងអំឡុងរាតត្បាតជំងឺកូវីដ-១៩ក្រុមហ៊ុន ហ៊ិននីគែន (ខេមបូឌា) មានបំណងកាត់បន្ថយផលប៉ះពាល់បរិស្ថាន

បានផុស

៥ years មុន

នៅ

ថ្ងៃចន្ទ ១៧ ឧសភា ២០២១

ដោយ

ក្រុមហ៊ុន ហ៊ិននីគែន (ខេមបូឌា) មានបំណងកាត់បន្ថយផលប៉ះពាល់បរិស្ថាន ព្រមទាំងលើកកម្ពស់ការពិសារប្រកបដោយការទទទួលខុសត្រូវផងដែរ។ ស្ថិតក្រោមពាក្យស្លោកចូលរួមអភិវឌ្ឍពិភពលោកដ៏ល្អប្រសើរ ក្រុមហ៊ុន ហ៊ិននីគែន (ខេមបូឌា) បានកាត់បន្ថយបរិមាណទឹកយ៉ាងច្រើនដែលក្រុមហ៊ុនប្រើប្រាស់ដើម្បីផលិតស្រាបៀររបស់ខ្លួន ដោយសម្រេចបានឋានៈថា ជាក្រុមហ៊ុនផលិតស្រាបៀរដែលមានប្រសិទ្ធភាពសន្សំសំចៃទឹកបំផុតមួយនៅទូទាំងតំបន់អាស៊ីប៉ាស៊ីហ្វិក។ ក្រុមហ៊ុនក៏បានកាត់បន្ថយការបញ្ចេញកាបូនឌីអុកស៊ីត ៥០% ផងដែរគិតចាប់ពីឆ្នាំ២០១៣មក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីនេះ ក្រុមហ៊ុនបានវិនិយោគទឹកប្រាក់រាប់លានដុល្លារលើរោងចក្រប្រព្រឹត្តិកម្មសំណល់រាវនៅរោងចក្រផលិតស្រាបៀររបស់ខ្លួននៅជាយរាជធានីភ្នំពេញ ដែលជារោងចក្រប្រព្រឹត្តិកម្មសំណល់រាវដំបូងគេក្នុងប្រទេសកម្ពុជា។ ក្រុមហ៊ុនក៏ប្រើប្រាស់ឡើងវិញនូវជីវឧស្ម័នសម្រាប់ថាមពលកម្តៅផងដែរ។ ក្រុមហ៊ុន ហ៊ិននីគែន (ខេមបូឌា) ក៏មានបំណងលើកកម្ពស់ការពិសារគ្រឿងស្រវឹងប្រកបដោយការទទួលខុសត្រូវផងដែរ។ ១០% នៃថវិកាសម្រាប់ប្រព័ន្ធផ្សព្វផ្សាយរបស់ម៉ាកយីហោ Heineken® ត្រូវបានចំណាយលើការផ្សព្វផ្សាយការពិសារគ្រឿងស្រវឹងប្រកបដោយការទទួលខុសត្រូវជាមួយនឹងយុទ្ធនការ “ពេលស្រវឹង សូមកុំបើកបរ”។

ក្រុមហ៊ុន ហ៊ិននីគែន (ខេមបូឌា) ក៏គាំទ្រដល់ការបង្ហាញតម្លាភាពផងដែរតាមរយៈការផ្តល់ព័ត៌មានអំពីគ្រឿងផ្សំ និងកម្រិតអាហារូបត្ថម្ភនៅលើស្រាបៀរគ្រប់ម៉ាកយីហោទាំងអស់របស់ខ្លួន៕

ដោយ ៖ កោះកែវ