លោក ហ៊ុន ម៉ាណែត ប្រគល់អាវរងាជាអំណោយរបស់សម្តេចតេជោ ដល់កងពលតូចលេខ៧០

ពិធីប្រគល់និងទទួលនេះ បានធ្វើឡើងនៅព្រឹកថ្ងៃទី១៤ ខែវិច្ឆិកា​​​ ឆ្នាំ២០២០​ស្ថិតនៅទីបញ្ជាការ​កងវិស្វរកម្ម កងទ័ពជើងគោក ស្រុកបាទី​​​ ខេត្តតាកែវ ក្រោមអធិបតីភាពលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក ហើយលោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក មេបញ្ជាការកងពលតូ លេខ៧០ បានចូលរួមទទួលអាវរងារនោះ។

លោកឧត្តមសេនីយ៍ឯក ហ៊ុន ម៉ាណែត បានថ្លែងនៅក្នុងពិធីនោះ ដោយបានផ្តាំផ្ញើ​ឲ្យកងទ័ពបន្ត អនុវត្តតួនាទីចម្បង ក្នុងការបម្រើប្រជាពលរដ្ឋ នឹងការពារបូរណភាពទឹកដី សុខសន្តិភាព ស្ថិរភាព ក៏ដូចជាការជួយសង្គ្រោះពេលមានគ្រោះមហន្ត​​រាយនានា ជាពេលនេះជម្ងឺរាតត្បាតកូវីដ-១៩ បានក្លាយជាគ្រោះមហន្តរាយដ៏ធ្ងន់ធ្ងរ និងកាចសាហាវ ដែលពិភពលោកទាំងមូល រួមទាំងកម្ពុជា យើងកំពុងជួបប្រទះផងដែរ។

ក្នុងឱកាសនោះដែរ លោក ហ៊ុន ម៉ាណែត បាននាំមកនូវការនឹករលឹកពីសំណាក់សម្តេចតេជោ និង​សម្តេចកិតិព្រឹទ្ធ​បណ្ឌិត ដែលសម្តេចទំាងពីរតែងយកចិត្តទុកដាក់គិតគូរគ្រប់ពេល​វេលាអំពី​សុខទុក្ខ​របស់បងប្អូនកងកម្លាំងប្រដាប់អាវុធទាំងអស់ដែលកំពុងឈរជើងបំពេញភារកិច្ចរបស់ខ្លូនយ៉ាងអង់អាចក្លាហាន យកអស់ កម្លាំងកាយចិត្ត៕

កោះកែវ