ព័ត៌មានជាតិ

កម្លាំងនគរបាលព្រំដែនឃាត់ខ្លួនជនជាតិថៃ៤នាក់និងជនជាតិខ្មែរម្នាក់បញ្ជូនឲ្យជំនាញចាត់ការតាមផ្លូវច្បាប់

បានផុស

៥ years មុន

នៅ

ថ្ងៃសុក្រ ២១ ឧសភា ២០២១

ដោយ

បន្ទាយមានជ័យ ៖ កម្លាំងនគរបាលព្រំដែនបានធ្វើការឃាត់ខ្លួនជនជាតិថៃចំនួន៤នាក់និងជនជាតិខ្មែរម្នាក់បញ្ជូនឲ្យជំនាញចាត់ការតាមផ្លូវច្បាប់នៅវេលាម៉ោង១១ថ្ងៃត្រង់ ថ្ងៃទី២១ ខែឧសភា ឆ្នាំ២០២១ ស្ថិតក្នុងភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលប៉ុស្តិ៍ការពារព្រំដែនសិលាខ្មែរ បានឲ្យដឹងថា ជនជាតិថៃទាំង៤នាក់ មានស្រី១នាក់ បានលួចឆ្លងដែនមកខ្មែរនិងជនជាតិខ្មែរម្នាក់ប្រុស ជាអ្នកឌុបជនជាតិថៃទាំង៤នាក់ បម្រុងឆ្លងចូលក្នុងភូមិសាស្ត្រក្រុងប៉ោយប៉ែត ត្រង់គោលដៅត្រួតពិនិត្យ មុខប៉ុស្ដិ៍ការពារព្រំដែនសិលាខ្មែរ ស្ថិតក្នុងភូមិសិលាខ្មែរ ឃុំអូរបីជាន់ ស្រុកអូរជ្រៅ ហើយបានឃាត់ខ្លួនទាំងជនជាតិថៃនិងបុរសជនជាតិខ្មែរ អ្នកដឹកតាមម៉ូតូហើយបានប្រគល់ឲ្យនគរបាលជំនាញអន្តោប្រវេសន៍ នៃអធិការដ្ឋាននគរបាលក្រុងប៉ោយប៉ែត ដើម្បីសួរនាំនិងចាត់វិធានការបន្តផងដែរ៕

ដោយ ៖ វ៉ាន់ ណាង