ព័ត៌មានជាតិ

បង្ក្រាបមុខសញ្ញាពាក់ព័ន្ធនឹងគ្រឿងញៀន ឃាត់ខ្លួន៧នាក់

បានផុស

៤ years មុន

នៅ

ថ្ងៃអាទិត្យ ១៥ វិច្ឆិកា ២០២០

ដោយ

ជនសង្ស័យ ចំនួន៧នាក់ ត្រូវកម្លាំងអធិការដ្ឋាននគរបាលស្រុកឧដុង្គ ឃាត់ខ្លួន និងដកហូតវត្ថុ តាងថ្នាំញៀនមួយចំនួន ។

សមត្ថកិច្ច នៃផែនការងារប្រឆាំងគ្រឿងញៀន ខេត្តកំពង់ស្ពឺ ប្រាប់ឲ្យដឹងថា កម្លាំងអធិការដ្ឋាននគរបាលស្រុកឧដុង្គ បានធ្វើការបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀន ឃាត់ខ្លួនមនុស្ស ប្រុស ស្រី ៧នាក់ កាលពីវេលាម៉ោង ២ និង៣០នាទី រំលងអាធ្រាត្រ ឈានចូលថ្ងៃទី១៥ ខែវិច្ឆិកា ឆ្នាំ២០២០ នៅចំណុចភូមិក្រាំងពុទ្រ្ទា ឃុំព្រះស្រែ ស្រុកឧដុង្គ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វត្ថុតាងដកហូត រួមមាន ម្សៅក្រាមពណ៌សថ្លា សង្ស័យជាគ្រឿងញៀន ២៣កញ្ចប់ (១៣តូច , ១មធ្យម និង ៩ធំ) , WY ២៧គ្រាប់ , ជញ្ជីងថ្លឹងគ្រឿងញៀន ១គ្រឿង , ម៉ូតូ ៤គ្រឿង , ទូរស័ព្ទដៃ ៣គ្រឿង , អាវុធកែច្នៃ ១ ដើម , ប្រាក់រៀល ៥៥៥,៥០០រៀល , ប្រាក់ដុល្លារ ៦១ដុល្លា , លុយថៃ ២០,០០០បាត , លុយដុង ១០,០០០ដុង រួមនឹងឧបករណ៍ប្រើប្រាស់គ្រឿងញៀន មួយចំនួនទៀត ។

ចំពោះករណីនេះ ការិយាល័យជំនាញខេត្តកំពង់ស្ពឺ កំពុងកសាងសំណុំរឿង បញ្ជូនទៅតុលាការ ដើម្បីចាត់ការតាមនីតិវិធី ៕

អត្ថបទ ៖ រ៉ាវុទ្ធ