ព័ត៌មានជាតិ

ស្គាល់ច្បាស់ហើយអត្តសញ្ញាណម្ចាស់សណ្ឋាគារសមុទ្រមាស ដែលបង្កប់កាមេរ៉ាពេញបន្ទប់ភ្ញៀវ

បានផុស

៥ years មុន

នៅ

ថ្ងៃពុធ ២៦ ឧសភា ២០២១

ដោយ

ម្ចាស់សណ្ឋាគារសមុទ្រមាស ឈ្មោះ ជា ណារី ភេទស្រី អាយុ ៤៨ ឆ្នាំមានទីកន្លែងកំណើត នៅសង្កាត់លេខ ៣ ក្រុងព្រះសីហនុ ត្រូវបានចាប់ខ្លួននៅថ្ងៃទី២៧ ខែតុលា ពាក់ព័ន្ធនឹងការដាក់បង្កប់កាមេរ៉ាក្នុងបន្ទប់សណ្ឋាគាររបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តុលាការខេត្តព្រះសីហនុ បានចេញដីកាបង្គាប់ឱ្យឃុំខ្លួនដាក់ពន្ធនាគារតាំងពីថ្ងៃទី២៨ ខែ តុលា និងមិនអនុញ្ញាតឱ្យសណ្ឋាគារធ្វើអាជីវកម្មនោះទេ។ ក្រៅពីនេះ តុលាការក៏សម្រេចឱ្យជនល្មើសសងជំងឺចិត្តដល់ជនរងគ្រោះ១ម៉ឺនដុល្លារ។

ម្ចាស់សណ្ឋាគារ វ័យ ៤៨ឆ្នាំ និងអ្នកពាក់ព័ន្ធ ទាំងអស់នេះ ជាប់ទោសពីបទ «អំពើថតរូបភាព នៃបុគ្គលនៅក្នុងទីកន្លែងឯកជនដោយគ្មានការព្រមព្រៀង និងអំពើផលិតរូបភាពអាសអាភាសក្នុងគោលដៅយកទៅប្រើប្រាស់នៅក្នុងការប្រព្រឹត្តិបទល្មើសណាមួយ» ដែលមានចែងឱ្យផ្ដន្ទាទោស តាមបញ្ញាត្តិមាត្រា ២៩ មាត្រា ៣០២ នៃក្រមព្រហ្មទណ្ឌ និងមត្រា ៤ មាត្រា ៣៩ នៃច្បាប់ស្តីពីការបង្ក្រាបអំពើជួញដូរមនុស្ស និងអំពើអាជីវកម្មផ្លូវភេទ។ បច្ចុប្បន្ន ទណ្ឌិតទាំងនោះ កំពុងតែអនុវត្តទោសក្នុងពន្ធនាគារ៕ អត្ថបទ៖ ឡេង ដេត