ព័ត៌មានជាតិ

ក្រុងព្រះសីហនុ យប់ឡើងនៅជាប់បម្រាមគោចរ ផ្សាររដ្ឋនិងឯកជនប្រមូលផ្តុំគ្មានសណ្តាប់ធ្នាប់ នៅបន្តបិទ

បានផុស

៥ years មុន

នៅ

ថ្ងៃសុក្រ ៤ មិថុនា ២០២១

ដោយ

អាជ្ញាធរខេត្តព្រះសីហនុ បានកំណត់ភូមិសាស្ត្រក្រុងព្រះសីហនុ និងស្រុកព្រៃនប់ទាំងមូលជាតំបន់លឿង ដោយមានការអនុវត្តការរិតបន្តឹងការធ្វើអាជីវកម្ម និងដាក់បម្រាមគោចរនៅពេលយប់ ដើម្បីទប់ស្កាត់ការឆ្លងរាលដាលជំងឺកូវីដ១៩។

លោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុបានប្រាប់កម្ពុជាថ្មីនៅព្រឹកនេះថា ក្រោយដាក់ភូមិសាស្រ្តក្រុងព្រះសីហនុ និងស្រុកព្រៃនប់ទាំងមូលជា «តំបន់លឿង» រាល់ការធ្វើចរាចរណ៍ពេលយប់ ត្រូវផ្អាកជាបណ្តោះអាសន្នចន្លោះពីម៉ោង ២០(ម្ភៃ) ដល់ម៉ោង៥ (ប្រាំ) លើកលែងតែករណីចាំបាច់មានការអនុញ្ញាតិពីអាជ្ញាធរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឃាង ភារម្យបញ្ជាក់យ៉ាងដូច្នេះថា “អំឡុងការអនុវត្តវិធានការរដ្ឋបាល ការធ្វើចរាចរណ៍ចេញចូលនិងឆ្លងកាត់ សកម្មភាព ការងារមុខរបរ អាជីវកម្ម និងការជួបជុំឬប្រមូលផ្តុំមនុស្សនៅភូមិសាស្រ្តក្រុងព្រះសីហនុ និងស្រុកព្រៃនប់ អនុញ្ញាតឱ្យប្រព្រឹត្តទៅជាធម្មតា តែចាប់ពីម៉ោង ២០(ម្ភៃ) ដល់ម៉ោង៥ (ប្រាំ) ត្រូវបិទជាបណ្តោះអាសន្ន”។

អ្នកនាំពាក្យរូបនេះក៏បានលើកបញ្ជាក់ពីករណីផ្សាររដ្ឋនិងឯកជនដែលមិនរៀបរយ នៅមិនទាន់អនុញ្ញាតិឲ្យបើកដំណើរការវិញទេ យោងតាមតម្រូវការចាំបាច់នៃការឆ្លងរាលដាលជំងឺកូវីដ-១៩។ យ៉ាងណារដ្ឋបាលខេត្ត លើកទឹកចិត្តដល់អាជីវករឱ្យលក់ដូរគ្រឿងឧបភោគ បរិភោគនៅតាមផ្សារម៉ាត ឬផ្សារទំនើប នៅតាមលំនៅឋាន និងនៅតាមទីតាំងដែលរៀបរយ អាចបើកដំណើរការបានដោយត្រូវអនុវត្តស្តង់ដារសុវត្ថិភាពយ៉ាងម៉ឺងម៉ាត់បំផុត។

លោកបញ្ជាក់ថា អាជ្ញាធរនឹងចុះអនុវត្តវិធានការរដ្ឋបាលកន្លែងលក់ដូរគ្រឿងឧបភោគបរិភោគ និង ភោជនីយដ្ឋាន អាហារដ្ឋានលក់អាហារវេចខ្ចប់ដែលមិនរៀបរយ ឬមានការប្រមូលផ្តុំមានហានិភ័យខ្ពស់ក្នុងការចម្លង និងឆ្លងរាលដាលនៃជំងឺកូវីដ-១៩៕

Related Topics:លោក ឃាង ភារម្យ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា