ព័ត៌មានជាតិ

ស្ថានភាពធ្ងន់ធ្ងរ ក្រុមគ្រូពេទ្យសម្រេចវះកាត់ស្ត្រីពោះធំ ដើម្បីសង្គ្រោះកូនក្នុងផ្ទៃ

បានផុស

៣ years មុន

នៅ

ថ្ងៃចន្ទ ៧ មិថុនា ២០២១

ដោយ

លោកវិជ្ជៈបណ្ឌិត សេង បញ្ញារិទ្ធ ប្រធានមន្ទីរសុខាភិបាលខេត្តព្រៃវែង បានឲ្យដឹងថា អ្នកជំងឺឈ្មោះ យ៉ាត ចេក ភេទស្រី អាយុ២៩ មានផ្ទៃពោះគ្រប់ខែ មានសភាព ហត់ ពិបាកដកដង្ហើម ក្អក ស្ថិតក្នុងស្ថានភាពសង្គ្រោះបន្ទាន់ ហើយមិនទាន់មានសញ្ញាឈឺពោះឆ្លងទន្លេនៅឡើយទេ. G3P1A1 ,SaO2 :89%, RR 35/mn P : 115/mn ,TA 138/ 90mmhg. ហើមជើង។ ដោយឃើញសភាពម្តាយកាន់តែធ្ងន់ធ្ងរទៅៗ លោកប្រធានមន្ទីរពេទ្យបានពិភាក្សា និងធ្វើការពិគ្រោះយោបល់គ្នាយ៉ាងយកចិត្តទុកដាក់ជាមួយក្រុមគ្រូពេទ្យជំនាញ ដើម្បីជួយសង្គ្រោះកូននៅក្នុងផ្ទៃ និងបានសំណូមពរទៅក្រុមគ្រួសារអ្នកជំងឺ ដើម្បីធ្វើការវះកាត់សង្គ្រោះកូន ដោយសារម្តាយមានសភាពធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមគ្រូពេទ្យក៍បានសម្រេច ធ្វើការវះកាត់យកកូនចេញនៅវេលាម៉ោង១០និង៤០នាទី យប់ថ្ងៃទី៤ ខែ មិថុនា ឆ្នាំ២០២១ ដោយធ្វើការវះកាត់សង្គ្រោះកូនបានដោយជោគជ័យ គឺបានកូនប្រុស១ទម្ងន់ 2,8 kg កូនសុខភាពល្អធម្មតា ចំណែកម្តាយក្រោយពីបានវះកាត់យកកូនចេញរួចរាល់ ក្រុមគ្រូពេទ្យបានយកចិត្តទុកដាក់ និងខិតខំសង្គ្រោះបន្តទៀត ។

អត្ថបទ ៖ សៅគ្រី