ព័ត៌មានជាតិ
ក្រសួងការងារនឹងប្រារព្ធទិវាជាតិអប់រំបណ្តុះបណ្តាលបច្ចេកទេសវិជ្ជាជីវៈ លើកទី៤ ឆ្នាំ២០២១នៅថ្ងៃស្អែក
ភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈនឹងប្រារព្ធទិវាជាតិអប់រំបណ្តុះបណ្តាលបច្ចេកទេសវិជ្ជាជីវៈ លើកទី៤ ឆ្នាំ២០២១ តាមប្រព័ន្ធអនឡាញ នៅថ្ងៃទី១៥ ខែមិថុនា ឆ្នាំ២០២១ស្អែកនេះ។
លោក បណ្ឌិត អ៊ិតសំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងក្នុងឱកាសអញ្ជើញថតថ្លែងសុន្ទរកថា ត្រៀមចូលរួមអបអរសាទរក្នុងទិវានេះថា ក្នុងស្មារតីបន្តអនុវត្តវិធានការទប់ស្កាត់ការរីករាលដាលនៃជំងឺកូវីដ-១៩ ដ៏កាចសាហាវ ការរៀបចំទិវាជាតិក្នុងឆ្នាំនេះ ត្រូវបានបន្តធ្វើក្នុងទម្រង់ជាយុទ្ធនាការតាមគ្រប់ប្រព័ន្ធផ្សព្វផ្សាយ ដូចដែលបានរៀបចំនៅក្នុងឆ្នាំ២០២០ កន្លងមកដែរ។
លោក រដ្ឋមន្ត្រី បានបន្តថា ការប្រារព្ធទិវានេះធ្វើឡើងក្នុងគោលបំណងបង្កើនការយល់ដឹងទូលំទូលាយទូទាំងប្រទេសអំពីសារៈសំខាន់នៃការអប់រំបណ្តុះបណ្តាលបច្ចេកទេស និងវិជ្ជាជីវៈ នៅក្នុងការអភិវឌ្ឍន៍ជំនាញឱ្យកាន់តែមានគុណភាព និងប្រសិទ្ធភាព សំដៅលើកកម្ពស់សមត្ថភាពរបស់ប្រជាពលរដ្ឋគ្រប់រូប ក្នុងការចាប់យកឱកាសការងារកាន់តែល្អ និងលើកស្ទួយកម្រិតជីវភាពកាន់តែប្រសើរឡើង។
លោក បណ្ឌិត អ៊ិត សំហេង បានបន្តទៀតថា ទិវាជាតិអប់រំបណ្តុះបណ្តាលបច្ចេកទេសវិជ្ជាជីវៈ លើកទី៤ ឆ្នាំ២០២១ឆ្នាំនេះធ្វើឡើង ក្រោមប្រធានបទ “TVET ធ្វើឲ្យជំនាញកាន់តែប្រសើរ និងប្រាក់ចំណូលខ្ពស់” ដែលនឹងត្រូវធ្វើការផ្សព្វផ្សាយនៅម៉ោង ៨និង៣០ នាទី ព្រឹក តទៅតាមរយៈនៅលើហ្វេសប៊ុកផេក របស់ក្រសួងការងារ និងបណ្តុះបណ្តាលវិជ្ជាជីវៈ និងហ្វេសប៊ុកផេក TVET News នៅថ្ងៃទី១៥ ខែមិថុនា ឆ្នាំ២០២១។
គួរបញ្ជាក់ថា ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ហៅថា TVET DAY ត្រូវបានរាជរដ្ឋាភិបាលកំណត់យកថ្ងៃទី១៥ ខែមិថុនា ជារៀងរាល់ឆ្នាំ ក្នុងគោលបំណងលើកកម្ពស់ការអប់រំបណ្តុះបណ្តាលបច្ចេកទេស និងវិជ្ជាជីវៈ និងធ្វើការផ្សព្វផ្សាយទៅដល់សិស្ស និស្សិត យុវជន មាតាបិតា អាណាព្យាបាល សាធារណជន និងផ្នែកឯកជនឱ្យបានយល់ដឹងពីសារៈសំខាន់នៃការអប់រំបណ្តុះបណ្តាលបច្ចេកទេស និងវិជ្ជាជីវៈ ក្នុងការជំរុញការអភិវឌ្ឍកម្លាំងពលកម្មជំនាញប្រកបដោយគុណភាព និងប្រសិទ្ធភាពឱ្យឆ្លើយតបទៅនឹងតម្រូវការទីផ្សារការងារក្នុង និងក្រៅប្រទេស៕
ដោយ ៖ សំអឿន
រយៈពេល ១ ឆ្នាំ សាខាកាកបាទក្រហមកម្ពុជា ខេត្តក្រចេះ ចុះជួយឧបត្ថម្ភដល់ពលរដ្ឋជួបការលំបាក ខ្វះខាត សរុបចំនួន ៦៤១ គ្រួសារ
ក្រសួងការងារ និងអង្គការ ILO បញ្ចប់វគ្គបណ្តុះបណ្តាលក្នុងការជំរុញការងារសមរម្យ និងយុត្តិធម៌សង្គម
រដ្ឋមន្រ្តីក្រសួងរ៉ែ៖ សង្គមសម័យទំនើប ចង់ជោគជ័យ ត្រូវសិក្សាជាប់ជាប្រចាំ និងត្រៀមខ្លួនសម្រាប់ការផ្លាស់ប្ដូរ
ឯកអគ្គរដ្ឋទូតអឺរ៉ុប៖ សហភាពអឺរ៉ុបនឹងបន្តជាដៃគូដែលអាចទុកចិត្តបានរបស់កម្ពុជា
លោក ម៉េង ស្រ៊ុន ចុះសួរសុខទុក្ខ និងយកអំណោយឱ្យបុរសម្នាក់ដែលជួបគ្រោះថ្នាក់ចរាចរណ៍នៅខេត្តកំពង់ស្ពឺ
ប៉ាគីស្ថានចោទឥណ្ឌាថាបាញ់មីស៊ីលលើមូលដ្ឋានទ័ពអាកាសរបស់ខ្លួនចំនួនបីកន្លែង
ប្រទេសសមាជិកណាតូ បិទផ្លូវមិនឲ្យមេដឹកនាំស្លូវវ៉ាគីនិងស៊ែប៊ីឆ្លងកាត់ទៅមូស្គូ
កាន់តែមិនស្រួលខ្លាំង! ប៉ាគីស្ថាន កោះហៅមន្ត្រីនុយក្លេអ៊ែរ មកប្រជុំគ្នា ក្រោយបាញ់មីស៊ីលសងសឹកឥណ្ឌា
តើសង្គ្រាមកំពុងកើតនៅប្រទេសណាខ្លះនៅទូទាំងពិភពក្នុងឆ្នាំ២០២៥?
គីម ជុងអ៊ុន៖ កូរ៉េខាងជើងលូកដៃក្នុងសង្គ្រាមរុស្ស៊ី-អ៊ុយក្រែន ដើម្បីការពារ «ប្រជាជាតិបងប្អូន»
-
ព័ត៌មានជាតិ១ សប្តាហ៍ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ៤ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ៧ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
ព័ត៌មានអន្ដរជាតិ៥ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៣ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៣ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៥ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ២ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ