ព័ត៌មានជាតិ
រដ្ឋបាលខណ្ឌដូនពេញទទួលអំណោយជាថ្នាំលេបគ្រុនផ្ដាសាយ គ្រុនក្ដៅចំនួន៨០០ឈុតពីសប្បុរសជន
រដ្ឋបាលខណ្ឌដូនពេញបានទទួលអំណោយពីក្រុមហ៊ុនអ៊ីវ៉ា(Eva) ផលិតទឹកកកអនាម័យ និងលោកអគ្គនាយកទូរទស្សន៍ប៉ុស្ដិ៍លេខ៥ រួមទាំងសហការី បានសហការគ្នាផ្ដល់ការឧបត្ថម្ភជាថ្នាំលេប ប្រភេទបំបាត់ការឈឺចាប់ ផ្ដាសាយ គ្រុនក្ដៅ សរុបចំនួន៨០០ឈុត ដើម្បីចែកជូនដល់បងប្អូនប្រជាពលរដ្ឋក្រីក្រ។
រដ្ឋបាលខណ្ឌដូនពេញ កាលពីល្ងាចថ្ងៃច័ន្ទថ្ងៃទី១៤ ខែមិថុនា ឆ្នាំ២០២១ បានទទួលអំណោយឧបត្ថម្ភទាំងនោះដើម្បីធ្វើការចែករំលែកដល់មន្ដ្រីរាជការក្រោមឱវាទ ព្រមទាំងបងប្អូនប្រជាពលរដ្ឋក្រីក្រ កំពុងខ្វះខាតក្នុងដំណាក់កាលប្រយុទ្ធប្រឆាំងនឹងជំងឺកាចសាហាវកូវីដ១៩ ។
ក្នុងកាយវិការដ៏ប្រពៃថ្លៃថ្លានេះ ក្រុមហ៊ុនអ៊ីវ៉ា ពិតជាបានចូលរួមចំណែកយ៉ាងសកម្មជាមួយរាជរដ្ឋាភិបាល ក្រោមការដឹកនាំដ៏ឈ្លាសវៃរបស់សម្ដេចអគ្គមហាសេនាបតីតេជោ ហ៊ុន សែននាយករដ្ឋមន្ដ្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ពិសេសបានចូលរួមចំណែកដោយផ្ទាល់ជាមួយរដ្ឋបាលរាជធានីភ្នំពេញ ក្រោមការដឹកនាំរបស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ដើម្បីប្រយុទ្ធប្រឆាំងនឹងការឆ្លងរីករាលដាលជំងឺកូវីដ១៩ និងជួយសម្រាលបន្ទុកក្នុងការចំណាយទិញថ្នាំព្យាបាលជំងឺមួយចំណែកទៀត របស់បងប្អូនប្រជាពលរដ្ឋយើង សំដៅចូលរួមថែរក្សាសុខុមាលភាពប្រជាជន តាមរយៈសកម្មភាពដ៏ថ្លៃថ្លានេះផងដែរ ។
ក្នុងនាមរដ្ឋបាលខណ្ឌដូនពេញ និងក្នុងនាមប្រជាពលរដ្ឋខណ្ឌដូនពេញ សូមជូនពរដល់ លោកអគ្គនាយកក្រុមហ៊ុនអ៊ីវ៉ា និង ឯកឧត្តមអគ្គនាយកទូរទស្សន៍ប៉ុស្ដិ៍លេខ៥ ព្រមទាំងសហការី សូមជួបប្រទះតែសេចក្ដីសុខ និងជោគជ័យគ្រប់អាជីវកម្ម និងភារកិច្ច៕
អត្ថបទ ៖ រស្មី
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ