ឧតុនិយម​ជូនដំណឹង សប្តាហ៍​ខាង​មុខ​នេះ កម្ពុជា​រង​ឥទ្ធិពល​សម្ពាធ​ទាប នឹង​មាន​ព្យុះ​ភ្លៀង​គ្រប់​តំបន់

ក្រសួង​ធនធានទឹក និង​ឧតុនិយម បាន​ជូនដំណឹង​ពី​ថ្ងៃ ១៦ ដល់ ២២ មិថុនា​នេះ ​ប្រទេស​កម្ពុជា នឹងទទួលឥទ្ធិពលពីខ្យល់មូសុង​និរតីក្នុងកម្រិត ពីមធ្យមទៅបង្គួរ គួបផ្សំនឹងប្រព័ន្ធសម្ពាធទាបភាគខាងលើ​ បង្ក​ឲ្យ​មាន​ភ្លៀងធ្លាក់​ បាតុភូត​ផ្គរ រន្ទះ​ ខ្យល់កន្រ្តាក់ និង​តំបន់មាត់សមុទ្រ​មាន​រលកសមុទ្រ​ធំៗ។

ស្ថានភាពបែបនេះនឹងធ្វើឲ្យ ៖

១-បណ្តាខេត្តនៅតំបន់វាលទំនាបកណ្តាល

– សីតុណ្ហភាពអប្បបរមា មានពី ២៣-២៦ °C ,
– សីតុណ្ហភាពអតិបរមា មានពី ៣៣-៣៦ °C
– នឹងមានភ្លៀងធ្លាក់ក្នុងកម្រិតពីតិចទៅបង្គួរ ។ ទន្ទឹមនោះបាតុភូតផ្គរ រន្ទះ ខ្យល់កន្ត្រាក់ (Thunderstorm) ក៏កើតមានផងដែរ។

២-បណ្តាខេត្តជាប់ប់ជួរភ្នំដងរែក និងខ្ពង់រាបឦសាន ៖

– សីតុណ្ហភាពអប្បបរមា មានពី ២៣-២៦ °C
– សីតុណ្ហភាពអតិបរមា មានពី ៣១-៣៤ °C
– នឹងមានភ្លៀងធ្លាក់ក្នុងកម្រិតពីមធ្យមទៅបង្គរ ។ ពិសេសនៅភាគឦសាន ភាគខាងជើងនៃជួរភ្នំដងរែក។ ឯបាតុភូតផ្គរ រន្ទះ ខ្យល់កន្ត្រាក់ (Thunderstorm) ក៏កើតមានផងដែរ។

៣-តំបន់មាត់សមុទ្រ ៖

– សីតុណ្ហភាពអប្បបរមា មានពី ២៣-២៦ °C ជាសែន
– សីតុណ្ហភាពអតិបរមា មានពី ២៧-៣០ °C
– នឹងមានភ្លៀងធ្លាក់ក្នុងកម្រិតពីតិចទៅបង្គរ ។ ទន្ទឹមនោះក៏អាចមានខ្យល់ភ្លៀង ផ្គរ រន្ទះ គួបផ្សំនិងរលកសមុទ្រមធ្យម។