ព័ត៌មានជាតិ
ឃាត់ខ្លួនមនុស្ស៣នាក់លួចដឹកសាច់ជ្រូកនិងប្រហិតខុសច្បាប់ ស្រាប់តែរកឃ់ើញវិជ្ជមានកូវីដម្នាក់
បាត់ដំបង៖ សមត្ថកិច្ចជំនាញបានឃាត់ខ្លួនមនុស្ស ៣នាក់ពាក់ព័ន្ធករណីលួចដឹកសាច់ជ្រូក និងប្រហិតខុសច្បាប់ចេញពីប្រទេសថៃជិត២តោន និងបានរកឃើញវិជ្ជមានកូវីដ-១៩លើស្ត្រីម្នាក់ក្នុងចំណោមអ្នកទាំង៣នាក់។
លោក វេ គឹមចត់ អធិការនគរបាលស្រុកកំរៀងបានឲ្យដឹងថា ក្រោយពីកម្លាំងសមត្ថកិច្ចជំនាញ
បានធ្វើការការអង្កេតតាមដានអស់រយ:ពេល១០ថ្ងៃកន្លងមក កាលពីចុងសប្តាហ៍កន្លងទៅ កម្លាំងជំនាញបានចុះបង្ក្រាបករណីដឹកទំនិញខុសច្បាប់ចេញពីប្រទេសថៃមួយករណី ហើយឃាត់ខ្លួនបានមនុស្សចំនួន៣នាក់រួមទាំងរថយន្តម៉ាកស៉ាំយ៉ុងចំនួន១គ្រឿងផង។
នៅក្នុងប្រតិបត្តិការឆ្មក់បង្ក្រាបទាំងយប់ កម្លាំងនគរបាលរឹបអូសបាននូវវត្ថុតាងល្មើសទម្ងន់ជិត២តោនក្នុងនោះមាន សាច់ជ្រូកស្រស់ច្រកការ៉ុងចំនួន៨០០គីឡូក្រាម និងប្រហិតច្រកថង់ប្លាស្ទិកប្រមាណជា៧០០គីឡូក្រាមដែលក្រុមឈ្មួញបង្កប់នៅពីក្រោមផ្លែឈើចម្រុះសរុបចំនួន៤០០គីឡូក្រាមផ្សេងទៀត។
ក្រោយការបង្ក្រាបសាច់ជ្រូកនិងប្រហិត សមត្ថកិច្ចរួមជាមួយមន្ត្រីជំនាញបានសហការគ្នាដុតបំផ្លាញចោលរួចរាល់នៅតំបន់ព្រំដែន។ ចំណែកអ្នកពាក់ព័ន្ធដែលសមត្ថកិច្ចឃាត់ខ្លួនបានក្នុងករណីបង្ក្រាបសរុបចំនួន៣នាក់ខាងលើរួមមាន ១, ឈ្មោះ ហេង លីតុង ភេទប្រុសអាយុ១៨ឆ្នាំ ជាអ្នកបើកបរ ២, ឈ្មោះ លី បញ្ញា ភេទប្រុសអាយុ ២០ ឆ្នាំជាអ្នកលើកទំនិញ ដែលទាំង២នាក់មានទីលំនៅក្នុងភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។
ក្រោយការឃាត់ខ្លួនរួចពិនិត្យសំណាកអវិជ្ជមានកូវីដ-១៩ អ្នកទាំង២បានបញ្ជូនទៅមណ្ឌលចត្តាឡីស័ក ចំណែកជនទី៣ គឺជាស្ត្រីម្នាក់មានឈ្មោះ ឆាត់ ណយ អាយុ៤០ឆ្នាំ ដោយស្ត្រីរូបនេះបានអះអាងថា ជាអ្នកសុីឈ្នួលដឹកទំនិញឲ្យឈ្មួញ។ស្ត្រីរូបនេះបានរកឃើញមានផ្ទុកកូវីដ-១៩ ហើយត្រូវមន្ត្រីសុខាភិបាលនាំយកទៅព្យាបាលនៅអនុវិទ្យាល័យកំរៀងភ្លាមៗផងដែរ។
ពាក់ព័ន្ធករណីខាងលើត្រូវផ្នែកជំនាញដកហូតរថយន្ត១គ្រឿងយកទៅរក្សាទុកនៅអធិការដ្ឋាននគរបាលស្រុកកំរៀងដើម្បីរៀបចំបញ្ជូនទៅការិយាល័យជំនាញចាត់ការបន្តតាមនីតិវិធី។ ដោយឡែកអ្នកដែលពាក់ព័ន្ធដោយផ្ទាល់និងប្រយោលជាមួយស្ត្រីម្នាក់ខាងលើត្រូវបានអាជ្ញាធររួមនិងមន្ត្រីជំនាញតាមស្រាវជ្រាវជាបន្តបន្ទប់ដើម្បីអនុវត្តតាមវិធានការនៃក្រសួងសុខាភិបាល៕
អត្ថបទ៖ សៅ សារិទ្ធ
ចុចអាន៖ លែងលះជិត១ខែ សុំជានាគ្នាវិញ ប្រពន្ធមិនព្រមបាញ់មួយគ្រាប់រងរបួសធ្ងន់
ចុចអាន៖ បន្ទាយមានជ័យសម្រេចបិទខ្ទប់ទីតាំងសំណង់ផ្ទះល្វែង សម វិជ័យ រយៈពេល១៤ថ្ងៃ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ