ជនមានពិការភាពតែងទទួលបានការយកចិត្តទុកដាក់និងបង្កភាពងាយបំផុតក្នុងការចាក់វ៉ាក់សាំងដល់គ្រប់ទីកន្លែង

លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទាបានថ្លែងថា ជនមានពិការភាពទាំងអស់តែង​តែទទួលបានការយកចិត្តទុក្ខដាក់និងបង្កភាពងាយបំផុតពីក្រុមការងារមូលដ្ឋាន ពិសេសរាជរដ្ឋាភិបាលក្នុងការចាក់វ៉ាក់សាំងដល់គ្រប់ទីកន្លែងទោះនៅតំបន់ណាក៍ដោយ។

លោក វង សូត ថ្លែងបែបនេះកាលពីម្សិលមិញ ខណៈអញ្ជើញជួបសំណេះសំណាលសួរសុខទុក្ខ និងចែកអំណោយ​ជូនជនពិការក្រីក្រ តាមសហគមន៍ និងប្រជាពលរដ្ឋរងគ្រោះដោយគ្រោះធម្មជាតិក្នុងឃុំក្រែក ស្រុកពញាក្រែក ខេត្តត្បូងឃ្មុំ។

លោករដ្ឋមន្ត្រីក៏បានថ្លែងនូវការផ្តាំផ្ញើរដល់មន្ត្រីគ្រប់ថ្នាក់មូលដ្ឋាន បងប្អូនប្រជាពលនៅត្បូងឃ្មុំទាំងអស់បន្តអនុវត្តតាមវិធានការ ៣ការពារ ៣កុំ របស់សម្ដេចពុក ឲ្យបានជាប់ជាប្រចាំ នៅពេលចេញក្រៅផ្ទះ ព្រោះមេរោគកូវីដ១៩ គ្មាន រូបរាង គ្មានក្លិន គ្មានស្រមោលឡើយ។

លោករដ្ឋមន្ត្រីក៏បានសំណូមពរឲ្យប្រជាពលរដ្ឋ និងមន្ត្រីរាជការក៏ដូចជនមានពិការភាពទាំងអស់គ្នាទោះមិនទាន់បានចាក់វ៉ាក់សាំងឬបន្ទាប់ពីបានទទួលវ៉ាក់សាំងរួចហើយ ក្តីក៍តែត្រូវបង្កើនការយកចិត្តទុក្ខដាក់បន្ថែមទៀត ក្នុងការអនុវត្តឱ្យបានខ្ជាប់ខ្ជួននូវវិធានការក្រសួងសុខាភិបាល និង វិធានការណ៍ដ៏មុតស្រួច ៣ការពារ ៣កុំ របស់ប្រមុខរាជរដ្ឋាភិបាល ដើម្បីចូលរួមក្នុងការទប់ស្កាត់ការឆ្លងរីករាលដាលនៃជម្ងឺកូវីដ១៩ឲ្យមានប្រសិទ្ធិភាពខ្ពស់ ខណៈដែលជម្ងឺដ៍កាចសាហាវនេះបានឆក់យកអាយុជីវិតប្រជាពលរដ្ឋកម្ពុជាជាង៤០០នាក់និងឆ្លងជាង៤០០០០នាក់ហើយមកដល់ត្រឹមថ្ងៃទី២២​ ខែមិថុនា ឆ្នាំ២០២១នេះ៕

អត្ថបទ ៖ វិមាន