ព័ត៌មានជាតិ

ថ្ងៃទី២៤នេះ ខេត្តបាត់ដំបងរកឃើញអ្នកជំងឺកូវីដ១៩ចំនួន២៥នាក់ បន្ថែមថ្មីទៀត

បានផុស

៥ years មុន

នៅ

ថ្ងៃព្រហស្បតិ៍ ២៤ មិថុនា ២០២១

ដោយ

បាត់ដំបង ៖ នាថ្ងៃទី២៤ ខែមិថុនានេះ រដ្ឋបាលខេត្តបាត់ដំបង ចេញសេចក្តីជូនដំណឹងថា បានរកឃើញអ្នកជំងឺកូវីដ១៩ចំនួន២៥នាក់ បន្ថែមថ្មីទៀត។

ក្នុងនោះអ្នកពាក់ព័ន្ធថ្ងៃ២០ ខែកុម្ភៈចំនួន១២នាក់ និងពលករមកពីប្រទេសថៃចំនួន១៣នាក់និងព្យាបាលជាសះស្បើយចំនួន១៣នាក់។

អ្នកជំងឺកូវីដ១៩ខាងលើ ត្រូវបានបញ្ជូនមកធ្វើចត្តាឡីស័កកម្រិត១ នៅស្រុកនិងក្រុងបាត់ដំបងនិងបានយកសំណាកទៅវិភាគទទួលបានលទ្ធផលនៅថ្ងៃទី២៤ ខែមិថុនានេះ រកឃើញថា មានជំងឺកូវីដ១៩ ហើយបានបញ្ជូនទៅសម្រាកព្យាបាលនៅមន្ទីរពេទ្យបង្អែកនានានិងមន្ទីរពេទ្យបង្អែកខេត្ត។

សូមបញ្ជាក់ថា ចាប់ផ្តើមពីមានការឆ្លងរាលដាលជំងឺកូវីដ១៩ខេត្តបាត់ដំបងមានអ្នកជំងឺកូវីដ១៩ចំនួន៧៣៣នាក់ បានព្យាបាលជាសះស្បើយចំនួន៤២៦នាក់ ករណីស្លាប់០៦នាក់និងកំពុងសម្រាកព្យាបាលនៅតាមមន្ទីរពេទ្យបង្អែកនានាក្នុងខេត្តចំនួន៣០១នាក់៕

ដោយ ៖ សៅ សារិទ្ធ