ព័ត៌មានជាតិ

តារាសម្តែង រចនា រ៉ាវាឌី ប្រភពបង្ហើបថា ឆ្លងជំងឺកូវីដ-១៩ ខណៈដៃគូសម្តែងលោក ព្រីន វិជ្ជមាន

បានផុស

៣ years មុន

នៅ

ថ្ងៃអាទិត្យ ៤ កក្កដា ២០២១

ដោយ

តារាសម្តែងស្រី រចនា រ៉ាវាឌី ត្រូវបានប្រភពព័ត៌មានលើកឡើងថា នាងបានតេស្តរកឃើញឆ្លងជំ ងឺកូវូដ-១៩ ខណៈដៃគូសម្តែងលោក ព្រីន ក៏បានប្រកាសរកឃើញឆ្លងជំងឺនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈដំណឹងនៃការឆ្លងជំងឺកូវីដ-១៩ដ៏កាចសាហាវនេះ មិនត្រូវបានតារាស្រី រចនា រ៉ាវាឌី បញ្ជាក់ឲ្យមហាជនបានដឹងជាសាធារណៈនោះទេ។ ប៉ុន្តែអ្វីដែលគេចាប់អារម្មណ៍ គឺមានមិត្តភក្តិក្នុងចង្កោមសិល្បៈជាមួយជាមួយគ្នាបានបង្ហោះសារជូនពរ ឲ្យនាងឆាប់បានជាសះស្បើយពីជំងឺមួយនេះផងដែរ ។

កម្ពុជាថ្មីកាលពីព្រលប់ថ្ងៃទី០៣ ខែកក្កដា ឆ្នាំ២០២១ ម្សិលមិញបានភ្ជាប់ទំនាក់ទំនងដើម្បីធ្វើការសួរនាំកញ្ញា រចនា រ៉ាវាឌី តាមបណ្តាញសង្គម(ឆាត)ហ្វេសប៊ុកដែរតែនាងមិនមានការឆ្លើយតបឡើយ។

ដោយឡែកតារាសម្តែងលោក មុំ សុទ្ធរ៉ា ដែលជាអ្នកសិល្បៈរួមអាជីពក៏បានបង្ហោះសារតាមហ្វេសប៊ុកភ្ជាប់ជាមួយរូបភាពកញ្ញា រចនា រ៉ាវាឌី ថាប្អូនស្រីបងជាមនុស្សរឹងមាំ អ្វីក៏គាត់អាចតតាំងបានដែរឆាប់ជាណា ជំងឺនេះជាជំងឺសាហាវដែលយើងមិនអាចមើលឃើញមុន។

លោកបន្តថា ពួកយើងត្រូវចូលរួមការពារឲ្យបានទាំងអស់គ្នាណា រចនា រ៉ាវាឌី ប្រកាន់ឲ្យជាប់នូវអនុសាសន៍៣កុំ ៣ការពារ។ ចំណែកលោក បញ្ញា សិទ្ធ ក៏បានលើកឡើងថា បងជូនពរឲ្យឆាប់ជាត្រឡប់មកធ្វើការបន្តទៀតណាហ្វេនៗនៅរង់ចាំយើងបន្តទៀត Better soon na រចនា រ៉ាវ៉ាឌី ៕