Connect with us

ព័ត៌មានជាតិ

សម្ដេចតេជោ ហ៊ុន សែន អនុញ្ញាតឱ្យម្ចាស់ចិញ្ចឹមតោបាន ក្នុងលក្ខខណ្ឌបែបនេះ

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅមុននេះ បានសម្រេចឱ្យម្ចាស់តោ យកតោទៅចិញ្ចឹមវិញហើយ ដោយត្រូវរក្សាសុវត្ថិភាពសម្រាប់អ្នកជិតខាង និងសមាជិកក្នុងផ្ទះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើទំព័រហ្វេសបុក របស់សម្ដេចតេជោ នៅរាត្រីថ្ងៃទី០៤ ខែកក្កដា ឆ្នាំ២០២១នេះ​ សម្ដេចតេជោ បានលើកឡើងថា៖ “ក្រោយក្តាប់បានរឿងសត្វតោ ល្ងាចនេះខ្ញុំបានពិភាក្សាជាមួយរដ្ឋមន្ត្រីក្រសួងកសិកម្ម និងបានឯកភាពគ្នាថាអនុញ្ញាតឱ្យម្ចាស់យកទៅចិញ្ចឹមវិញ ក្នុងលក្ខខណ្ឌម្ចាស់ត្រូវធ្វើទ្រុងឱ្យបានត្រឹមត្រូវ ដើម្បីធានាសុវត្តិភាពទាំងមនុស្សក្នុងផ្ទះ និងអ្នករស់នៅជិតខាង”។

ជាមួយគ្នានេះ សម្ដេចតេជោ ក៏បានថ្លែងអំណរគុណបងប្អូនជនរួមជាតិទាំងក្នុង និងក្រៅប្រទេសដែលបានផ្តល់យោបល់និងអាណិតដល់សត្វតោ។

ទាក់ទងទៅនឹងការផាកពិន័័យ សម្ដេចបានបញ្ជាក់ឆ្លើយតបទៅអ្នក Comment ថា៖ “បើសិនមានផាកពិន័យ ត្រូវជូនត្រឡប់ទៅម្ចាស់ដើមវិញ”។

រូបភាព ម្ចាស់តោបានមកដល់ភ្នំតាម៉ៅ ក្រោយទទួលដំណឹងថា តោអត់ព្រមស៊ីអាហា២ថ្ងៃ កាលថ្ងៃទី២៩ ខែមិថុនា ឆ្នាំ២០២១

គួររំលឹកថា កាល​ពី​ថ្ងៃទី​២៧​ ​ខែ​មិថុនា​ ឆ្នាំ​២០២១ ​អាជ្ញាធរ​ចម្រុះ​រាជធានី​ភ្នំពេញ​ រួម​មាន​ព្រះរាជ​អាជ្ញា​រង​ម្នាក់​ សហការ​ជាមួយ​អង្គការ​ Wildlife Alliance ​បាន​រឹបអូស​សត្វ​តោ​ចិញ្ចឹម​មួយ​ក្បាល​ នៅ​ក្នុង​ផ្ទះ​វីឡា​មួយ​កន្លែង ​ស្ថិត​នៅ​ផ្ទះ​លេខ​២២​ ផ្លូវ​៣០៦ ភូមិ​៧​ សង្កាត់​បឹង​កេងកង​១​ រាជ​ធានី​ភ្នំពេញ​។​​

សត្វ​តោ​នោះ​ ​ត្រូវ​បាន​ដឹង​ថា​ ជា​សត្វ​តោ​ឈ្មោល​មាន​អាយុ ១៨​ ខែ ​និង​ទម្ងន់​ ៧០ គីឡូ​ក្រាម​ ​ហើយ​ក្រោយ​ការដក​ហូត ​ក្រុម​ជួយ​សង្គ្រោះ​ ​បាន​បញ្ជូន​សត្វ​តោ​នេះ​ទៅ​កាន់​មជ្ឈមណ្ឌល​សង្គ្រោះ​សត្វ​ព្រៃ​ភ្នំ​តា​ម៉ៅ ប៉ុន្តែតោនោះមិនស៊ីអាហារអស់រយៈពេលប៉ុន្មានថ្ងៃ។

រូបភាព ​សមត្ថ​កិច្ច​ដក​ហូតសត្វតោ​ពី​ជន​ជាតិ​ចិន បញ្ជូន​ទៅ​សួន​សត្វ​ភ្នំតាម៉ៅ នៅ​ថ្ងៃ​ទី​២៧​ ខែ​មិថុនា ឆ្នាំ​២០២១

យោង​តាម​រដ្ឋបាល​ព្រៃ​ឈើ ​បានឱ្យ​ដឹង​ថា​ សត្វ​តោ​មួយ​ក្បាល​នេះ​ ​ជា​ប្រភេទ​សត្វ​តោ​មក​ពី​តំបន់​អាហ្វ្រិក​ ​ដែល​វា​ចូលចិត្ត​រស់​នៅក្នុង​វាលស្មៅ​។​ សត្វ​តោ​នេះ ​ត្រូវបាន​បុរស​ជន​ជាតិ​ចិន​ ​ទិញ​មក​ចិញ្ចឹម​ក្នុង​តម្លៃ​១​ម៉ឺន​ដុល្លារ​ ក្នុង​មួយ​ក្បាល​។

លោក​ ​គាំ ​សីហា ​នាយក​រង​ខណ្ឌ​ទទួល​បន្ទុក​រួម​ខណ្ឌរ​ដ្ឋ​បាល​ព្រៃឈើ​ ធ្លាប់មានប្រសាសន៍កាលពីចុងខែមិថុនា ថា ​ដោយ​សា​រតែ​ការ​ស្រាវជ្រាវ​រកឃើញ​ថា ម្ចាស់​សត្វ​តោ​ជា​ជន​ជាតិ​ចិន​នេះ​ គ្រាន់​តែ​យក​សត្វ​តោ​នេះ​មក​ចិញ្ចឹម​ដោយ​គ្មាន​ច្បាប់​អនុ​ញ្ញាត។​ ​ដូច្នេះ​ទោស​ទណ្ឌ​ដែល​ជនជាតិ​ចិន​នេះ ​អាច​នឹង​ទទួល​ គឺ​ប្រឈម​នឹង​ការ​ពិន័យ​ជា​អន្តរ​ការណ៍​ប៉ុណ្ណោះ ដោយអាច​ប្រឈម​នឹង​ការ​ពិន័យ​អន្តរ​ការណ៍​ជា​ប្រាក់​ប្រមាណ​ ​៣ ​ម៉ឺន​ដុល្លារ ពោលគឺ ​គាត់​ត្រូវ​ទទួល​ពិន័យ​អន្តរ​ការណ៍​ជា​ប្រាក់​គុណ​នឹង​ ២ ទៅ​៣ ​ដង​នៃ​តម្លៃ​សត្វ​តោ​ដែល​គាត់​ចិញ្ចឹម​នេះ៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៧ នាទី មុន

អាមេរិក ដាក់ទណ្ឌកម្មក្រុមហ៊ុនជួរមុខ ចិន ដែលមានចិត្តចង់កម្ទេចហេដ្ឋារចនាសម្ព័ន្ធសំខាន់ៗ

ព័ត៌មានជាតិ៣៨ នាទី មុន

អភិបាលខេត្តកំពង់ចាម ចុះពិនិត្យវឌ្ឍនភាពការសាងសង់ផ្លូវ និងដោះស្រាយបញ្ហាប្រឈមមួយចំនួនជូនពលរដ្ឋ

ព័ត៌មានអន្ដរជាតិ៤៨ នាទី មុន

តៃវ៉ាន់ ធ្វើសមយុទ្ធយោធាបាញ់មីស៊ីលពីដីទៅអាកាស

ព័ត៌មានជាតិ១ ម៉ោង មុន

កម្មករ-និយោជិត នៃរោងចក្រ ញូ ស្កាយ ព្រីនធីង អរគុណ រាជរដ្ឋាភិបាល ដែលបើកប្រាក់ឈ្នួលដល់ខ្លួន

ព័ត៌មានអន្ដរជាតិ១ ម៉ោង មុន

លោក សេដ្ឋា មិនជួបលោក ថាក់ស៊ីន នៅទីស្នាក់ការបក្ស តែទៅទស្សនា​បាល់ទាត់រវាង ថៃ និងកូរ៉េខាងត្បូង

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២១ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៦ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម