ខេត្តរតនគិរី រកឃើញអ្នកឆ្លងកូវីដថ្មី ចំនួន១៦នាក់បន្ថែម

រដ្ឋបាលខេត្តរតនគិរី បានចេញសេចក្តីប្រកាសព័ត៌មានបានបញ្ជាក់អំពីករណីរកឃើញអ្នកវិជ្ជមានកូវីដ១៩ ថ្មីចំនួន​១៦នាក់បន្ថែមទៀត នៅថ្ងៃទី៤ ខែកក្កដា ឆ្នាំ២០២១។ នេះបើយោងតាមសេចក្តីប្រកាសព័ត៌មានរបស់រដ្ឋបាលខេត្តរតនគិរី បានចេញប្រកាសនៅថ្ងៃទី៥ ខែកក្កដា ឆ្នាំ២០២១ ដែលកម្ពុជាថ្មី ទទួលបាន។

ក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្តរតនគិរី បានខិតខំបន្តស្រាវជ្រាវនិងរកឃើញករណីវិជ្ជមានកូវីដ១៩ ចំនួន១៦នាក់ថ្មីបន្ថែមទៀត សម្រាប់ថ្ងៃទី៤ ខែកក្កដា ឆ្នាំ២០២១ និងករណីព្យាបាលជាសះស្បើយចំនួន៤០នាក់។

អ្នកវិជ្ជមានខាងលើធ្លាប់បានប៉ះពាល់ផ្ទាល់ជាមួយអ្នកវិជ្ជមាន ដែលបានរកឃើញកន្លងមក ដោយតម្រូវឲ្យបុគ្គលទាំងនោះធ្វើតេស្តសំណាក និងមួយចំនួនទៀតមានអាការ:មិនស្រួលខ្លួនបានស្ម័គ្រចិត្តធ្វើតេស្តសំណាក(Rapid Test)ជាលទ្ធផលក្នុងចំណោមសំណាកចំនួន៥១៩នាក់ រកឃើញវិជ្ជមានកូវីដ១៩ចំនួន១៦នាក់។ 

គិតត្រឹមព្រឹកថ្ងៃទី៥ ខែកក្កដា នៅក្នុងខេត្តរតនគិរីរកឃើញអ្នកវិជ្ជមានកូវីដ១៩ សរុបចំនួន៥៥៥នាក់ ព្យាបាលជាសះស្បើយចំនួន១០១នាក់ និងស្លាប់៤នាក់៕

អត្ថបទ ៖ វុទ្ធឦសាន