ព័ត៌មានជាតិ

អាជ្ញាធរខណ្ឌដូនពេញសម្រេចបិទកន្លែងលាងរថយន្តមួយ ខណៈបុគ្គលិកឆ្លងកូវីដ ជាង១០នាក់

បានផុស

៣ years មុន

នៅ

ថ្ងៃពុធ ១៤ កក្កដា ២០២១

ដោយ

អាជ្ញាធរខណ្ឌដូនពេញកាលពីព្រលប់ថ្ងៃទី១៣ ខែកក្កដា ឆ្នាំ២០២១ បានសម្រេចបិទយានដ្ឋានលាងរថយន្តមួយកន្លែង ដោយសារមានបុគ្គលិកនឹងកម្មករបានឆ្លងជំងឺកូវីដ១៩ ជាង១០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យានដ្ឋានលាងរថយន្ត ដែលត្រូវអាជ្ញាធរសម្រេចបិទអាជីវកម្មបណ្ដោះអាសន្ននោះមានយីហោ(មជ្ឈមណ្ឌលថែរក្សានិងបំប៉នសម្រស់រថយន្តនិងមេក្វាយអឺស៍)ដែលមានទីតាំងស្ថិតនៅខាងមុខកន្លែងហូបការពិភពថ្មី នៅផ្លូវលេខ៨៨ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

អាជ្ញាធរខណ្ឌដូនពេញ បានឲ្យដឹងនៅព្រឹកថ្ងៃទី១៤ ខែកក្កដា ឆ្នាំ២០២១នេះ ថាបន្ទាប់ពីក្រុមគ្រូពេទ្យជំនាញបានចុះយកសំណាកលើបុគ្គលិកកម្មករប្រមាណ៣៣នាក់ ឃើញអ្នកវិជ្ជមានចំនួន១២ ត្រូវបានឡានពេញដឹកយកទៅព្យាបាលផងដែរ។

ពាក់ព័ន្ធនឹងបញ្ហានោះដែរ អាជ្ញាធរមូលដ្ឋានក៏សូមជម្រាបដល់បងប្អូនប្រជាពលរដ្ឋ ដែលមកលាងឡានឬមកទទួលសេវានៅទីតាំងនោះ ដែលប៉ះពាល់ផ្ទាល់ឬប្រយោល ដើម្បីសុវត្ថិភាព សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល១៤ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ។និងសូមពាក់ម៉ាស រក្សាគម្លាត ឧស្សាហ៍លាងដៃ គ្រប់ទីកន្លែង គ្រប់ពេលវេលា ដើម្បីសុវត្ថិភាព៕

អត្ថបទ៖ រស្មី