ព័ត៌មានជាតិ
ខេត្តកំពតបើកយុទ្ធនាការចាក់វ៉ាក់សាំងការពារជំងឺកូវីដ-១៩ ជូនពលរដ្ឋលើកទី៣ ជាង១៣ម៉ឺន៥ពាន់ដូស បន្ថែមទៀត
ខេត្តកំពតបានបើកយុទ្ធនាការចាក់វ៉ាក់សាំងការពារជំងឺកូវីដ១៩ ជូនពលរដ្ឋលើកទី៣ប្រមាណជាង១៣ ម៉ឺន៥ពាន់ដូសបន្ថែមទៀត នៅស្រុកចំនួន៤ ដោយចាក់នៅតាមទីតាំងចំនួន៧កន្លែង។
លោក ជាវ តាយ អភិបាល នៃគណៈអភិបាលខេត្តបានឱ្យដឹងថា ការផ្តល់វ៉ាក់សាំងការពារជំងឺកូវីដ១៩ ជូនពលរដ្ឋដោយស្ម័គ្រចិត្ត ទូទៅនៅខេត្តកំពត មកដល់ពេលនេះមានចំនួន៣លើករួចមកហើយ។ ដោយឡែកនៅលើកទី៣ ចាប់ផ្ដើមដំបូងសម្រាប់ថ្ងៃទី១៣ ខែកក្កដា ឆ្នាំ២០២១ ដោយចាក់ជូនដល់ពលរដ្ឋរស់នៅក្នុងក្រុងកំពត ក្រុងបូកគោ និងពលរដ្ឋរស់នៅទីប្រជុំជននៃស្រុកទឹកឈូ ស្រុកគីរី និងស្រុកកំពង់ត្រាច ។
លោកអភិបាលខេត្តបានបន្តថា ក្នុងយុទ្ធនាការនៃការចាក់វ៉ាក់សាំងការពារកូវីដ១៩ ជូនប្រជាពលរដ្ឋក្នុងពេលនេះ មានមណ្ឌលផ្តល់វ៉ាក់សាំងចំនួន៧ទីតាំង គឺនៅមន្ទីរពេទ្យបង្អែកខេត្តកំពត,សាលាបឋមសិក្សាហ៊ុន សែន១មករា, មន្ទីរពេទ្យអនុស្សាវរី ស៊ុន យ៉ាឃៀល,មណ្ឌលសុខភាពត្រពាំងរពៅ, មណ្ឌលសុខភាពត្រពាំងសង្កែ,មន្ទីរពេទ្យបង្អែកស្រុកកំពង់ត្រាច, មណ្ឌលសុខភាពត្រពាំងរាំងស្រុកជុំគិរី,ដែលមានវ៉ាក់សាំងកូវីដ១៩ ពីរប្រភេទ គឺស៊ីណូវ៉ាក់ និងស៊ីណូហ្វាម សរុបចំនួន១៣៥.៨៥២ដូស។
លោកអភិបាលខេត្តបានបន្តថា សម្ដេចតេជោ ប្រមុខរាជរដ្ឋាភិបាលក៏បានសម្រេចផ្ដល់ជូនវ៉ាក់សាំងការពារជំងឺកូវីដ១៩នេះជាបន្តបន្ទាប់៣លើករួចមកហើយ ដែលគិតមកដល់ពេលនេះមានចំនួនវ៉ាក់សាំសរុប១៧ម៉ឺន៦ពាន់៨៥៦ដូស ដើម្បីចាក់ជូនប្រជាពលរដ្ឋផងដែរ ។
លោក ជាវ តាយ ក៏បានស្នើដល់ក្រុមគ្រូពេទ្យទាំងអស់ឱ្យយកចិត្តទុកដាក់ក្នុងការផ្ដល់វ៉ាក់សាំងជូនប្រជាពលរដ្ឋនៅពេលនេះឱ្យបានល្អ និងបានអំពាវនាវដល់បងប្អូនប្រជាពលរដ្ឋទាំងអស់សូមឲ្យចូលរួមចាក់វ៉ាក់សាំងឲ្យបានគ្រប់ៗគ្នា នៅពេលវ៉ាក់សាំងមកដល់ជាបន្តបន្ទាប់ និងត្រូវអនុវត្តតាមវិធានការសុខាភិបាល ពិសេសតាមការអំពាវ និងការណែនាំរបស់ប្រមុខរាជរដ្ឋាភិបាលឱ្យបានត្រឹមត្រូវបើទោះបីបានចាក់វ៉ាក់សាំងហើយ ក៏ត្រូវប្រកាន់ខ្ជាប់នូវការអនុវត្តវិធានការ ៣កុំ៣ការពារ ឱ្យបានជាប់ជាប្រចាំទាំងអស់គ្នាផងដែរ៕
អត្ថបទ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១០ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ