ព័ត៌មានជាតិ

លោកយាយ ជឹម ជន ដែលកើតកូវីដ បានទទួលមរណភាព ចោលលោកតា សាំង ម៉ោញ ហើយ

បានផុស

៥ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

លោកយាយ ជឹម ជន អាយុ៨២ឆ្នាំ ត្រូវជាប្រពន្ធលោកតា សាំង ម៉ោញ អាយុ៨៧ឆ្នាំ បានទទួលមរណភាពហើយ នៅវេលាម៉ោង៤ និង១៥នាទី ទៀបភ្លឺ ថ្ងៃទី២២ ខែកក្កដា ឆ្នាំ២០២១ ខណៈដែលកំពុងសម្រាកព្យាបាលជំងឺកូវីដ-១៩ នៅខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទំព័រហ្វេសប៊ុកឈ្មោះ បាត់ដំបង – Battambang បានបង្ហោះព័ត៌មាននេះឲ្យដឹង នៅព្រឹកថ្ងៃទី២២ ខែកក្កដានេះថា «លោកយាយ ជឹម ជន អាយុ៨២ឆ្នាំ ត្រូវជាប្រពន្ធលោកតា សាំង ម៉ោញ អាយុ៨៧ឆ្នាំ បានទទួលអនិច្ចកម្មហើយនៅវេលាម៉ោង៤:១៥នាទីទៀបភ្លឺ ថ្ងៃទី២២ កក្កដា ២០២១»។

ទំព័រហ្វេសប៊ុកដដែល បានឲ្យដឹងទៀតថា «ពួកយើងខ្ញុំចូលទៅមើលល្ងាចមិញ ដោយនាំថវិកាចំនួន១០០០ដុល្លារ ជាអំណោយលោក ពាក់មី និងសប្បុរសជន បានដឹងថាមិនស្រួលដែរ និងបានខិតខំជួយគាត់អស់ហើយ នៅតែមិនបានជោគជ័យ»។

ចំណែកទំព័រហ្វេសប៊ុកឈ្មោះ Chem Chanra ចែម ចាន់រ៉ា ដែលគេស្គាល់ថា ជារបស់តារាកំប្លែងនាយពាក់មី បានសរសេរឲ្យដឹងដែរថា «លោកយាយ ជឹម ជន អាយុ៨២ឆ្នាំ ត្រូវជាប្រពន្ធលោកតា សាំង ម៉ោញ អាយុ៨៧ឆ្នាំ បានទទួលអនិច្ចកម្មហើយ នៅវេលាម៉ោង៤:១៥នាទីទៀបភ្លឺ ថ្ងៃទី២២ កក្កដា ២០២១ ចឹងតើបានល្ងាចមិញឃើញលោកតាទទួលលុយតែម្នាក់ ដោយសារលោកយាយគាត់ធ្ងន់ធ្ងរតាំងពីល្ងាច សូមវិញ្ញាណក្ខន្ធលោកយាយបានដល់សុគិតិភព»។

គួរឲ្យដឹងថា លោកយាយ ជឹម ជន អាយុ៨២ឆ្នាំ និងលោកតា សាំង ម៉ោញ អាយុ៨៧ឆ្នាំ ដែលជាប្ដីប្រពន្ធនឹងគ្នា បានរកឃើញវិជ្ជមានជំងឺកូវីដ-១៩ កាលពីថ្ងៃទី១៤ ខែកក្កដា ឆ្នាំ២០២១កន្លងទៅនេះ។ លោកយាយ និងលោកតាទាំងពីរ បានសម្រាកព្យាបាលជំងឺកូវីដ-១៩ នៅមណ្ឌលវិទ្យាល័យសម្ដេចឪ នៅក្នុងក្រុងបាត់ដំបង៕ (ដោយ)៖ ឃួន សុភ័ក្រ