ព័ត៌មានជាតិ
កងកម្លាំងសមត្ថកិច្ចមិនត្រូវប្រេីប្រាស់អំណាច ដេីម្បីធ្វើការងារទេ គឺត្រូវប្រេីប្រាស់ច្បាប់ក្នុងបម្រើប្រជាពលរដ្ឋ ប្រកបដោយភាពស្មោះត្រង់
ក្នុងពិធីបិទវគ្គបណ្ដុះបណ្ដាល កម្រិតបឋមវិជ្ជាជីវៈនគរបាលជំនាន់ទី១៤ លើកទី២ នៅសាលានគរបាលជាតិភូមិភាគ២ ខេត្តកំពង់ចាម កាលពីព្រឹកថ្ងៃទី២៣ ខែវិច្ឆិកា ឆ្នាំ២០២០នេះ ឯកឧត្ដម អ៊ុន ចាន់ដា អភិបាលខេត្តកំពង់ចាម បានថ្លែងថា កងកម្លាំងមិនត្រូវប្រេីប្រាស់អំណាច ដេីម្បីធ្វើការងារទេ គឺត្រូវប្រេីប្រាស់ច្បាប់ក្នុងបម្រើប្រជាពលរដ្ឋ ប្រកបដោយភាពស្មោះត្រង់ ។
ក្នុងឱកាសនោះដែរ ឯកឧត្ដម អ៊ុន ចាន់ដា អភិបាលខេត្តកំពង់ចាម បានថ្លែងនូវការកោតសរសើរ ចំពោះកម្មវិធីកំណែទម្រង់ និងផែនការអភិវឌ្ឍរបស់បណ្ឌិត្យសភានគរបាលកម្ពុជា ដើម្បី លើកកម្ពស់គុណភាព និងសមត្ថភាពវិជ្ជាជីវៈរបស់កងកម្លាំងនគរបាលជាតិ ដែលជាធនធានមនុស្សដ៏សំខាន់ សម្រាប់បម្រើការងារក្នុងវិស័យសន្តិសុខ និងសណ្តាប់សារធារណៈជូនប្រជាពលរដ្ឋ ។ ហេីយក៏ស្នើឲ្យប្អូនៗជាសិស្សជ័យលាភីទាំងអស់ ត្រូវយកចំណេះដឹង និងជំនាញដែលបានបណ្ដុះបណ្ដាល ទៅប្រើប្រាស់ឱ្យមានប្រយោជន៍ដល់អង្គភាពការងារ គោរពក្រមសីលធម៌វិជ្ជាជីវៈ មានស្មារតីទទួលខុសត្រូវខ្ពស់លើការងារនិងគោរពប្រតិបត្តិច្បាប់ ព្រមទាំងមានអាកប្បកិរិយានិងឥរិយាបថល្អទាំងក្នុងការងារនិងក្នុងសង្គម ដើម្បីធ្វើខ្លួនឱ្យក្លាយជាពលរដ្ឋល្អនិងមន្រ្តីនគរបាលល្អ ក្នុងការបម្រើសេវាជូនប្រជាពលរដ្ឋផងដែរ ។
ឯកឧត្ដម នាយឧត្តមសេនីយ៍ សាស្រ្តាចារ្យ សេង ផល្លី ប្រធានបណ្ឌិត្យសភានគរបាលកម្ពុជា បានលើកឡើងអំពីការវឌ្ឍនភាព កិត្យានុភាព និងឧត្តមភាពរបស់បណ្ឌិត្យសភា ទាំងក្នុងក្របខណ្ឌជាតិនិង អន្តរជាតិ ក្រោមការដឹកនាំប្រកបដោយគតិបណ្ឌិតដ៏ឈ្លាសវៃបំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងក្រោមការដឹកនាំបញ្ជាផ្ទាល់របស់សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។ ហើយបច្ចុប្បន្ននេះ បណ្ឌិត្យសភានគរបាលកម្ពុជា ទទួលបានជោគជ័យក្នុងការបំពេញភារកិច្ចរបស់ខ្លួនជាបន្តបន្ទាប់ដោយការខិតខំប្រឹងប្រែងបំពេញភារកិច្ចរបស់ ថ្នាក់ដឹកនាំ គ្រូនគរបាលជាតិ និងមន្ត្រីទាំងអស់ ផ្អែកលើផែនការយុទ្ធសាស្ត្រ បទប្បញ្ញត្តិនានា កម្មវិធីកំណែទម្រង់ ការប្រកាន់ខ្ជាប់នូវគុណតម្លៃទាំង៦របស់ខ្លួន គឺ វិន័យ គុណភាព ក្រមសីលធម៌វិជ្ជាជីវៈ ការទទួលខុសត្រូវ ការ ប្តេជ្ញាចិត្ត និងនវានុវត្តន៍ ក្រោមទិសស្លោក «យើងរួមគ្នាកសាងវប្បធម៌គុណភាព»៕
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ