ព័ត៌មានជាតិ

ក្រសួងហៅមន្ត្រីត្រួតពិនិត្យដំណើរការប្រឡងបាក់ឌុបជិត១០០នាក់ មកបណ្តុះបណ្តាល

បានផុស

៤ years មុន

នៅ

ថ្ងៃចន្ទ ២៣ វិច្ឆិកា ២០២០

ដោយ

ភ្នំពេញ ៖ ក្រសួងអប់រំយុវជននិងកីឡា នៅថ្ងៃទី២៣ ខែវិច្ឆិកា ឆ្នាំ២០២០ បានហៅមន្ត្រីត្រួតពិនិត្យដំណើរការប្រឡងបាក់ឌុបជិត១០០នាក់ មកបណ្តុះបណ្តាលស្តីពីតួនាទី និងភារកិច្ចរបស់ខ្លួនខណៈការប្រឡងនឹងប្រព្រឹត្តិទៅនៅថ្ងៃទី២១ខែធ្នូឆ្នាំ២០២០ខាងមុខ។

សិក្ខាសាលាស្តីពីតួនាទី និងភារកិច្ចរបស់គណៈកម្មការអប្បមាទទូទាំងប្រទេស និងជំនួយការអប្បមាទទូទាំងប្រទេសនេះបានប្រព្រឹត្តិទៅក្រោមអធិបតីផាពលោក បណ្ឌិតសភាចារ្យហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាដោយមានអ្នកចូលរួមសរុបចំនួន៩៥រូប ដែលរួមមានប្រធានគណៈមេប្រយោគទូទាំងប្រទេសប្រចាំរាជធានី ខេត្ត ២៥រូប នាយកគ្រឹះស្ថានបណ្ដុះបណ្ដាលគ្រូ ២៣រូប ប្រធានមន្ទីរអប់រំ យុវជន និងកីឡា រាជធានី ខេត្ត ២៥រូប និងក្រុមការងារស្នូល គ្រូឧទ្ទេស អ្នកសម្របសម្រួល និងជំនួយការ ២២រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងអប់រំការរៀបចំសិក្ខាសាលានេះធ្វើឡើងដើម្បីឱ្យដំណើរការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២១ ធ្នូ ២០២០ ប្រព្រឹត្តទៅស្របតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។

សិក្ខាសាលានេះបានពិភាក្សាផ្តោតទៅលើប្រធានបទចំនួនបួនរួមមាន១.ការរៀបចំយន្តការដំណើរការមណ្ឌលសំណេរ ២.តួនាទី និងភារកិច្ចរបស់គណៈកម្មការអប្បមាទទូទាំងប្រទេស ៣.តួនាទី និងភារកិច្ចរបស់ជំនួយការអប្បមាទទូទាំងប្រទេស និង ៤.បទបញ្ញត្តិ និងកម្រិតវិន័យចំពោះបុគ្គលិកអប់រំ ក្នុងការប្រឡងសញ្ញាបត្រមធ្យមសិក្សាទុតិយភូមិ៕
ដោយ ៖ សំអឿន