មាន​ចម្ងល់​ពីការ​ចាក់វ៉ាក់សាំង​ដល់​កុមារ សូមទាក់ទង​តាម​លេខ​ទាំង ០៩ ខ្សែ​នេះ

ក្រសួង​សុខាភិបាលបាន​ប្រកាស​លេខ​ទំនាក់ទំនង​ សម្រាប់​បងប្អូនប្រជាពលរដ្ឋដែល​មានចម្ងល់ពាក់ព័ន្ធទៅនឹងការចាក់វ៉ាក់សាំងកូវីដ-១៩ ចំពោះកុមារ និងយុវវ័យ អា​ចទំនាក់ទំនង​សាកសួរ​បាន​។

សូមទំនាក់ទំនងតាមលេខទូរស័ព្ទខាងក្រោមនេះ៖

ក- ក្រុមការងារទំនាក់ទំនងសាធារណៈ/លេខាធិការដ្ឋាន៖

០១២ ៧៧៧ ៧៦០ / ០៨៩ ៩៨០ ៦៦៦ / ០១២ ៩០៤ ៣៨៥

ខ-ក្រុមការងារចុះឈ្មោះ និងប្រព័ន្ធព័ត៌មានវិទ្យា៖

០១២ ៨៩៧ ០៤៣ / ០៨៥ ៧៧៧ ០៥៦ / ០១២ ៨៦៨ ៦៤០

គ-ក្រុមការងារសុវត្ថិភាពវ៉ាក់សាំង និងប្រាស្រ័យទាក់ទងហានិភ័យ៖

០១២ ៨៨៧ ៣៨៧ / ០១២ ៨៣៦ ៨៦៨ / ០១២ ៨៩១ ៥២៧

យុទ្ធនាការ​ចាក់វ៉ាក់សាំង​ចាក់វ៉ាក់សាំងកូវីដ-១៩ (ស៊ីណូរ៉ាក់) ដល់កុមារ និងយុវវ័យចាប់ផ្តើម​ពី​ថ្ងៃ ០១ សីហា​នេះ​តទៅ។ ដំណើរការ​ចាប់ផ្តើម​នឹង​ផ្តល់​អាទិភាព​ដំបូង​ចំពោះកូនចៅឥស្សរជនជាន់ខ្ពស់ នៅ​តាម​ទីតាំង​ដែលបានកំណត់។

ក្រសួង​សុខាភិបាល​បាន​ណែនាំ​ពី​ការ​ដំណើរការ​ចំពោះគ្រប់កុមារ និងយុវវ័យដែលត្រូវមកចាក់វ៉ាក់សាំងកូវីដ-១៩ ត្រូវយកមកជាមួយនូវឯកសារមួយចំនួនដូចខាងក្រោម៖

-កុមារអាយុចាប់ពី១២ ដល់អាយុក្រោម១៥ឆ្នាំ សូមយកមកជាមួយនូវសំបុត្រកំណើត ឬសៀវភៅស្នាក់នៅឬសៀវភៅ គ្រួសារ ឬលិខិតឆ្លងដែន
-យុវវ័យចាប់ពីអាយុ១៥ឆ្នាំ ដល់អាយុក្រោម១៨ឆ្នាំ ត្រូវយកមកជាមួយនូវសំបុត្រកំណើត ឬគ្គិសញ្ញាណប័ណ្ណ សញ្ជាតិខ្មែរ ឬសៀវភៅស្នាក់នៅ ឬសៀវភៅគ្រួសារ ឬលិខិតឆ្លងដែនភ្ជាប់មកជាមួយ។

ជាមួយ​គ្នានេះ ត្រូវ​បំពេញលិខិតព្រមព្រៀងអនុញ្ញាតឱ្យកុមារ និងយុវវ័យ ចាក់វ៉ាក់សាំងកូដ-១៩ ដោយ​មាន​ភ្ជាប់មកជាមួយ ជាលាយលក្ខណ៍អក្សរពីសំណាក់៖

– មាតា-បិតា ឬអាណាព្យាបាល។ ក្នុងករណី កុមារ ឬយុវវ័យនោះស្នាក់នៅឆ្ងាយពីមាតា-បិតា ឬអាណាព្យាបាល តម្រូវឱ្យមាតា-បិតា ឬអាណាព្យាបាល បំពេញនូវលិខិតព្រមព្រៀងនេះជាលាយលក្ខណ៍អក្សរ ហើយផ្ញើតាមប្រព័ន្ធអនឡាញ មកកូនចៅ ដើម្បីផ្តល់ឱ្យគ្រូពេទ្យនៅទីតាំងចាក់វ៉ាក់សាំង

– អ្នកគ្រប់គ្រងចំពោះកុមារកំព្រាដែលរស់នៅតាមមណ្ឌល

– អាជ្ញាធរមូលដ្ឋានក្នុងករណីក្មេងកំព្រាដែលពុំមានអាណាព្យាបាល ឬមិនមានទីតាំងស្នាក់នៅពិតប្រាកដ៕