ខេត្តបាត់ដំបង បិទផ្សារជិត ៥០ ទប់ទល់ការឆ្លងកូវីដ១៩ ពិ​សេស​មេរោគកូវីដ Delta

រដ្ឋបាលខេត្តបាត់ដំបងបានចេញសេចក្តីសម្រេចបន្ថែមជាលើកទី២ ដោយសម្រេចបិទខ្ទប់ផ្សារចំនួន២២ផ្សារ បន្ថែមពី​លើសេចក្តីសម្រេចលើកទី១ ចាប់ពី ថ្ងៃទី ១ ខែសីហា រហូតដល់ថ្ងៃទី១៤ សីហា ឆ្នាំ២០២១ ដើម្បីទប់ស្កាត់ ការរាលឆ្លងជំងឺកូវីដ១៩ ដែលនៅតាមទីប្រជុំជនកំពុងប្រឈមខ្លាំង។

វិធានការនេះ បានធ្វើឱ្យផ្សារចំនួន ៤៩ ហើយក្នុងខេត្តបាត់ដំបង ត្រូវបានបិទជាបន្តបន្ទាប់ក្នុងនោះរួមមានផ្សារនៅក្នុងទីប្រជុំជន ក្រុង ចំនួន ២០ និងទីផ្សារនៅតាមបណ្តាស្រុកនានាចំនួន ២៩។

រហូតដល់ថ្ងៃទី ១ ខែសីហានេះ រដ្ឋបាលខេត្តបានដាក់ចេញវិធានការជាបន្តបន្ទាប់ ដើម្បីទប់ស្កាត់ការឆ្លង​រាល​ដាលជំងឺកូវីដ១៩ ជាពិសេសមេរោគបំប្លែងខ្លួន Delta ដែលករណីនេះកំពុងកើនឡើងគួរឱ្យព្រួយបារម្ភ៕

ដោយ: សោ និយមរ័ត្ន