ព័ត៌មានជាតិ
សម្ដេច ទៀ បាញ់ ថ្លែងអំណរគុណមិត្តចិន ដែលបាននិងកំពុងជួយកម្ពុជា ក្នុងការប្រយុទ្ធនឹងជំងឺកូវីដ
សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ បានថ្លែងអំណរគុណ និងកោតសរសើរ ដល់រដ្ឋាភិបាលចិន ដែលបាននឹងកំពុង ជួយរដ្ឋាភិបាលកម្ពុជា តាមរយៈការផ្ដល់ជំនួយផ្នែកសុខាភិបាលនានា ជាពិសេសការផ្គត់ផ្គង់វ៉ាក់សាំង ការពារជំងឺកូវីដ-១៩។ ការថ្លែងអំណរគុណ ដល់កោតសរសើរនេះ គ្រាដែលរដ្ឋាភិបាលចិន បានផ្ដល់ជំនួយជាវ៉ាក់សាំង និងសម្ភារៈវេជ្ជសាស្រ្ដជាច្រើនទៀត ដើម្បីឲ្យរាជរដ្ឋាភិបាលកម្ពុជា ប្រយុទ្ធប្រឆាំងជំងឺកូវីដ-១៩។
សម្ដេចពិជ័យសេនា ទៀ បាញ់ បានសរសេរនៅលើទំព័រហ្វេសប៊ុក នាព្រឹកថ្ងៃទី៣ ខែសីហានេះថា «សូម កោតសរសើរ និងថ្លែងអំណរគុណ យ៉ាងជ្រាលជ្រៅបំផុត ចំពោះមិត្តចិន ដែលបាននឹងកំពុងជួយកម្ពុជា ក្នុងការប្រយុទ្ធនឹងជំងឺកូវីដ-១៩ តាមរយៈជំនួយសុខាភិបាលនានា ជាពិសេស ការផ្គត់ផ្គង់វ៉ាក់សាំងបានគ្រប់គ្រាន់ និងទាន់ពេលវេលា ទោះបីជាមិត្តចិនមិនទាន់ បានបញ្ចប់យុទ្ធនាការចាក់វ៉ាក់សាំង ជូនប្រជាជនរបស់ខ្លួនក៏ដោយ»។
ស្ថានទូតចិនប្រចាំកម្ពុជា បានសរសេរ នៅលើទំព័រហ្វេសប៊ុកផ្លូវការ របស់ខ្លួនកាលពីថ្ងៃទី១ ខែសីហាថា ចាប់តាំងពីមានការផ្ទុះឡើង នូវជំងឺវីរុសកូវីដមក ចិន និងកម្ពុជា បានជួយគ្នាទៅវិញទៅមក និងរួមគ្នាជម្នះរាល់ការលំបាកទាំងឡាយ ហើយបង្កើតបានជាគម្រូសម្រាប់កិច្ចសហប្រតិបត្តិការ ទប់ស្កាត់ជំងឺវីរុស ក្នុងសហគមន៍អន្តរជាតិ។ ប្រភពដដែល បានឲ្យដឹងទៀតថា ចាប់តាំងពីដើមឆ្នាំ២០២១នេះ រដ្ឋាភិបាលចិន បានផ្តល់វ៉ាក់សាំងកូវីដ ដល់កម្ពុជាសរុប១៨.៧លានដូស។ ក្នុងនោះ៣.២លានដូស ជាជំនួយឥតសំណង និង១៥.៥ លានដូស ជាការបញ្ជាទិញរបស់ភាគីកម្ពុជា។
ស្ថានទូតចិនប្រចាំកម្ពុជា បានបញ្ជាក់ថា «ក្នុងពេលឆាប់ៗនេះ ភាគីចិន នឹងផ្តល់ជំនួយជាសម្ភារៈបន្ទាន់ ជូនភាគីកម្ពុជា សម្រាប់កិច្ចទប់ស្កាត់ជំងឺវីរុស ដែលមានតម្លៃសរុបជាង២០លានយ័ន។ ក្នុងនោះរួមមាន ម៉ាស៊ីន អុកស៊ីសែនសម្រាប់វេជ្ជសាស្រ្ត ម៉ាស៊ីនជំនួយដកដង្ហើម និងសម្លៀកបំពាក់ការពារជាដើម ដើម្បីជួយកម្ពុជាប្រយុទ្ធប្រឆាំងនឹងជំងឺវីរុស»។
បើតាមស្ថានទូតចិន ចិននិងកម្ពុជា គឺជាបងប្អូនល្អប្រៀបដូចដៃ និងជើង និងជាមិត្តភក្តិល្អ ក្នុងសហគមន៍វាសនារួម។ ភាគីចិន នឹងបន្តធ្វើជាកម្លាំងគាំទ្រ យុទ្ធសាស្ត្រដ៏រឹងមាំ និងជាបង្អែកយុទ្ធសាស្ត្រវ៉ាក់សាំង សម្រាប់កម្ពុជា និងគាំទ្រមិនងាករេ ដល់កិច្ចការងារប្រយុទ្ធប្រឆាំង ជំងឺវីរុសនៅកម្ពុជា។ ដរាបណាជំងឺវីរុសកូវីដនៅកម្ពុជា មិនទាន់បញ្ចប់ ការផ្តល់ជំនួយរបស់ចិនមកកម្ពុជា ក៏មិនអាចបញ្ឈប់បានឡើយ៕ (ដោយ)៖ ឃួន សុភ័ក្រ
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន