ព័ត៌មានជាតិ
ប្រធានសម្ព័ន្ធ DGB Financial Group ស្នើសុំឲ្យឯកអគ្គរាជទូតកម្ពុជា ជួយណែនាំបុគ្គលិក
កូរ៉េ ៖ ប្រធានសម្ព័ន្ធ DGB Financial Group លោក Kim Tae Oh បានស្នើសុំអោយឯកអគ្គរាជទូតកម្ពុជា ជួយណែនាំបុគ្គលិកសំខាន់ៗមួយចំនួន ដើម្បីកាន់មុខនាទីសំខាន់ៗក្នុងធនាគារ DGB Bank នៅកម្ពុជា។
ការស្នើនេះធ្វើឡើង នាចុងសប្តាហ៍នៃខែវិច្ឆិកានេះពោលគឺ ខណៈប្រតិភូស្ថានទូតកម្ពុជា អញ្ជើញទៅបំពេញទស្សនកិច្ចនៅទីស្នាក់ការ DGB Financial Group និងជួបពិភាក្សាជាមួយថ្នាក់ដឹកនាំ ដើម្បីសិក្សាស្វែងយល់ និងពង្រីកកិច្ចសហប្រតិបត្តិការ។
មន្ត្រីស្ថានទូតកម្ពុជាប្រចាំនៅប្រទេសកូរ៉េបានឲ្យដឹងថា ឆ្លើយតបតាមការអញ្ជើញ លោក ឡុង ឌីម៉ង់ ឯកអគ្គរាជទូតកម្ពុជា និងសហការី នៅចុងសប្តាហ៍នៃខែវិច្ឆិកា បានអញ្ជើញបំពេញទស្សនកិច្ច និងជួបពិភាក្សាការងារ ជាមួយលោក Kim Tae Oh ប្រធានសម្ព័ន្ធ DGB Financial Group និង DGB Bank នៅទីស្នាក់ការនាទីក្រុងថេហ្គូ ដែលបច្ចុប្បន្ន DGB Bank ក៏បាននឹងកំពុងមានប្រតិបត្តិការជាច្រើនសាខាផងដែរនៅកម្ពុជា។
លោក Kim Tae Oh ប្រធានសម្ព័ន្ធ DGB Financial Group បានថ្លែងអំណរគុណដល់ប្រតិភូស្ថានទូតកម្ពុជាដែលបានបំពេញទស្សនកិច្ចនៅទីស្នាក់ការកណ្ដាល ហើយនិងសូមថ្លែងអំណរគុណដល់លោកទូត ដែលបានជួយបង្កលក្ខណៈដល់ធនាគារ ក៏ដូចជាការគាំទ្រដល់សេវាកម្មធនាគារដែលកំពុងបំពេញប្រតិបត្តិការជាមួយនឹងប្រជាជនកម្ពុជា ក៏ដូចជាសហគមន៍កម្ពុជានៅប្រទេសកូរ៉េ។ ឆ្លៀតក្នុងឱកាសនេះលោកប្រធានក៏បានស្នើសុំលោកទូត ជួយណែនាំបុគ្គលិកសំខាន់ៗមួយចំនួន ដើម្បីកាន់មុខនាទីសំខាន់ៗក្នុងធនាគារ DGB Bank នៅកម្ពុជា។
លោកឡុង ឌីម៉ង់ បានទទួលយកសំណើរនេះ និងបានលើកឡើងថា ក្រោយដំណើរទស្សនកិច្ចរបស់សម្ដេចតេជោនាយករដ្ឋមន្ត្រីមកកាន់សាធារណរដ្ឋកូរ៉េ ក៏ដូចជាគោលនយោបាយ New Southern policy របស់លោកប្រធានាធិបតី មូន ជេអ៊ីន ប្រទេសកម្ពុជា និងកូរ៉េ បានដំណើរការ និងបញ្ចប់ការចរចាជុំទី៣លើកិច្ចព្រមព្រៀងដោះដូរពាណិជ្ជកម្មសេរី FTA រវាងប្រទេសទាំងពីរ ហើយកាន់តែល្អប្រសើរនោះ ក្នុងកិច្ចប្រជុំកំពូលអាស៊ាន កាលពីថ្មីៗកន្លងទៅគឺសម្រេចបានកិច្ចព្រមព្រៀងផ្លាស់ប្ដូរពាណិជ្ជកម្មសេរីរវាងប្រទេសនៃសមាជិកអាស៊ាន និងសាធារណរដ្ឋកូរ៉េ ចិន ជប៉ុន អូស្ត្រាលី ញ៉ូសឺលេន RSEP។ នេះជាឱកាស និងកាលានុវត្តភាពពិសេសមួយសម្រាប់វិនិយោគកូរ៉េ និងវិស័យធនាគារ ដើម្បីបណ្ដាក់ និងពង្រីកទុនរកស៊ីនៅកម្ពុជា ហើយក៏ស្នើសុំលោកប្រធាន DGB Financial Group ដើម្បីពិនិត្យសិក្សាលើឱកាសនេះ ដែលស្ថានទូតនឹងគាំទ្របង្កលក្ខណៈ។ ប្រតិភូទាំងពីរភាគី បានជជែកគ្នាដោយភាពស្និទ្ធស្នាល និងទទួលទានអារហាររួមគ្នាផងដែរ៕
ដោយ ៖ ស្រីរ័ត្ន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ