ព័ត៌មានជាតិ
អភិបាលខេត្តកំពង់ស្ពឺបង្កើនប្រាក់ពិន័យចំពោះបុគ្គលមិនគោរពដោយចេតនានូវវិធានការរដ្ឋបាល
អភិបាលខេត្តកំពង់ស្ពឺបានកែសម្រួលកម្រិតទឹកប្រាក់សម្រាប់ការពិន័យអន្តរការណ៍តាមវិធានការរដ្ឋបាល នីមួយៗ ចំពោះបុគ្គលដែលមិនគោរពដោយចេតនា នូវវិធានការរដ្ឋបាលក្នុងការទប់ស្កាត់ការឆ្លងរាលដាល ជំងឺកូវីដ-១៩ របស់រដ្ឋបាលខេត្ត ដោយពិន័យចាប់ពី២៥ម៉ឺនរៀងរហូតដល់ជាប់ពន្ធនាគារ។
លោក វ៉ី សំណាង អភិបាលខេត្តកំពង់ស្ពឺ បានឱ្យដឹងនៅក្នុងសេចក្ដីសម្រេចចុះថ្ងៃទី០៩ ខែសីហាថា ប្រភេទវិធានការរដ្ឋបាលរួមមាន ទី១ បុគ្គលដែលមិនអនុវត្តនូវកាតព្វកិច្ចពាក់ម៉ាស់ និងកាតព្វកិច្ចរក្សាគម្លាតរក្សាសុវត្ថិភាពបុគ្គលនឹងទទួលប្រាក់ពិន័យអន្តរការណ៍២៥០.០០០ រៀល ។ ទី២បុគ្គលដែលមិនគោរពដោយចេតនានូវវិធានការរឹតត្បិត ឬការហាមឃាត់ការធ្វើដំណើរត្រូវពិន័យ២លាន៥សែនរៀល។ ទី៣បុគ្គលដែលមិនគោរពដោយចេតនានូវវិធានការរឹតត្បិត ឬការហាមឃាត់ការជួបជុំ ឬប្រមូលផ្ដុំត្រូវពិន័យ២លានរៀល ។ ទី៤ បុគ្គលដែលមិនគោរពដោយចេតនានូវវិធានការហាមឃាត់សកម្មភាពការងារមុខរបរឬអាជីវកម្មត្រូវពិន័យ៣លានរៀល។ ទី៥ បុគ្គលដែលមិនគោរពដោយចេតនានូវវិធានការរឹតត្បិត ឬការហាមឃាត់ការធ្វើចរាចរណ៍ចេញចូលតំបន់ ឬទីកន្លែងដែលមានការឆ្លងរាលដាលជំងឺកូវីដ១៩ ត្រូវពិន័យ៣លានរៀល ។ ទី៦
បុគ្គលដែលមិនគោរពដោយចេតនានូវវិធានការបម្រាមគោចរត្រូវពិន័យ៣លាន៥សែនរៀល ។ ទី៧បុគ្គលដែលមិនគោរពដោយចេតនានៅវិធានការបិទខ្ទប់តំបន់ ឬទីកន្លែងដែលមានការឆ្លងរាលដាលជំងឺកូវីដ១៩ ត្រូវពិន័យ៤លានរៀល ។ ទី៨ បុគ្គលដែលមិនគោរពដោយចេតនានូវវិធានការរដ្ឋបាល ឬការហាមឃាត់ការធ្វើពាណិជ្ជកម្មលើទំនិញដែលជាហានិភ័យ ឬជាប្រភេទនៃការឆ្លងរាលដាលជំងឺកូវីដ១៩ត្រូវពិន័យ៥លានរៀលនិងទី៩បុគ្គលដែលមិនគោរពដោយចេតនានូវវិធានការរដ្ឋបាលផ្សេងទៀតដែលមានភាពចាំបាច់ដើម្បីឆ្លើយតបនឹងការទប់ស្កាត់ការឆ្លងរាលដាលនៃជំងឺកូវីដ១៩ ត្រូវពិន័យ២លាន ៥សែនរៀល។
លោកអភិបាលខេត្តបានបន្តថា ការពិន័យអន្តរកាលនៃសេចក្តីសម្រេចនេះជាសមត្ថកិច្ចរបស់មន្ត្រីដែលមាននីតិសម្បទាជានគរបាលយុត្តិធម៌រដ្ឋបាលខេត្តកំពង់ស្ពឺនឹងត្រូវចេញបង្កាន់ដៃពិន័យអន្តរកាលជូនបុគ្គលដែលមិនគោរពដោយចេតនាវិធានការរដ្ឋបាលខាងលើ ដើម្បីឱ្យបង្កាន់ដៃបុគ្គលនោះបង់ប្រាក់ពិន័យអន្តរការណ៍តាមកំហុសដែលខ្លួនបានប្រព្រឹត្តក្នុងរយៈពេល៣០ថ្ងៃ គិតចាប់ពីថ្ងៃទទួលបានបង្កាន់ដៃការពិន័យអន្តរកាល។
លោកអភិបាលបានបន្តទៀតថា ការចេញបង្កាន់ដៃពិន័យអន្តរកាលត្រូវធ្វើឡើងចំនួន៣ច្បាប់ដោយមួយច្បាប់សម្រាប់ប្រគល់ជូនបុគ្គលដែលមិនគោរពដោយចេតនាវិធានការរដ្ឋបាល និងពីរច្បាប់ទៀតសម្រាប់រក្សាទុកជាឯកសារ។
លោកអភិបាលខេត្តបានព្រមានថា ចំពោះបុគ្គលដែលបានប្រព្រឹត្តល្មើសនឹងវិធានការរដ្ឋបាលខាងលើក្នុងករណីអំពើល្មើសត្រូវបានប្រព្រឹត្តម្តងទៀតការសម្រេចពិន័យអន្តរការណ៍ត្រូវកើនឡើងទ្វេដងនៃប្រាក់ពិន័យដែលបានសម្រេចដូចមុនហើយចំណូលដែលប្រមូលបានពីការពិន័យ ត្រូវកត់ត្រាពីចំណូលរបស់រដ្ឋបាលខេត្តកំពង់ស្ពឺ។
លោកអភិបាលខេត្តបានបន្ថែមថា ការពិន័យអន្តរកាលតាមវិធានការរដ្ឋបាលអាចអនុវត្តបានក្នុងករណីបុគ្គលដែលប្រព្រឹត្តសារភាពទោសកំហុសនិងយល់ព្រមបង់ពិន័យស្របតាមខ្លឹមសារវិធានការរដ្ឋបាលក្នុងរយៈពេល៣០ថ្ងៃ។ ក្នុងករណីបុគ្គលដែលមិនបានបង់ប្រាក់ពិន័យក្នុងអំឡុងពេលកំណត់ខាងលើមន្ត្រីរដ្ឋបាលខេត្តដែលមាននីតិសម្បទាជានគរបាលយុត្តិធម៌និងកសាងសំណុំរឿងបញ្ជូនទៅតុលាការបន្ថែមនូវការទទួលរងការពិន័យអន្តរការណ៍ខាងលើ។
ក្នុងករណីដែលបណ្ដាលឱ្យមានការចម្លងជំងឺកូវីដ១៩ទៅអ្នកដទៃនោះបុគ្គលល្មើសនឹងទទួលរងការផ្ដន្ទាទោសដាក់ពន្ធនាគារ និងទោសពិន័យជាប្រាក់ស្របតាមមាត្រាទី១០ នៃច្បាប់ស្ដីពីវិធានការទប់ស្កាត់ការឆ្លងរីករាលដាលជំងឺកូវីដ១៩និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត៕
អត្ថបទ ៖ សំអឿន
តារាថៃច្រើននាក់ រត់ប្រាស់អាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ