Connect with us

ព័ត៌មានជាតិ

អគ្គិភ័យ​ឆេះ​បន្ទប់​ដាក់​សម្ភារៈ​មួយ​កន្លែង ​ក្នុង​ក្រុង​បាត់ដំបង​ដោយ​មិនទាន់​ដឹង​មូលហេតុ​សមត្ថកិច្ច​កំពុង​ស្រាវជ្រាវ

បានផុស

នៅ

​បន្ទប់​ដាក់​សម្ភា​រៈ​១​កន្លែង​ ត្រូវ​បាន​អគ្គិភ័យ​ឆាបឆេះ​បង្ក​ការភ្ញាក់ផ្អើល​កាល​ពី​រសៀល​ថ្ងៃទី​១០​ ខែសីហា ​ឆ្នាំ​២០២១​ នៅវេលា​ម៉ោង​៣​និង​នាទី​៣៥​ នៅត្រង់ចំណុច​ក្រុមទី​១​ភូមិ​២០​ឧសភា​ សង្កាត់​ស្វាយប៉ោ​ ក្រុង​បាត់ដំបង​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​តាម​របាយការណ៍​បឋម​ពី​សមត្ថកិច្ច​ក្រុង​បាត់ដំបង​បាន​ឲ្យ​ដឹងថា ករណី​គ្រោះ​អគ្គិភ័យ​ដែល​បានកើត​ឡើង​នៅ​ចំណុច​ខាងលើ​ បាន​បណ្តាល​ឲ្យ​ឆេះ​បន្ទប់​ដាក់​សម្ភា​រៈ​ចំនួន​១​កន្លែង​របស់​ជនរងគ្រោះ​ឈ្មោះ​ សុខ សេរី​រ័ត្ន​ ភេទ​ស្រី ​អាយុ​៣៦​ឆ្នាំ មាន​ទីលំនៅ​ខាងលើ​ដែល​ធ្វើ​នៅ​លើ​ផ្លូវឌឿងហែម​ក្រោយ​ផ្ទះ​។ ចំណែក​សម្ភារៈ​ខូចខាត ​ក្នុង​ហេតុការណ៍​ខាងលើ​ជាបឋម​រួមមាន​មាន៖ បន្ទប់​១​ខ្នង​ទំហំ​២​ម​×៤​ម​,​សម្ភារៈមួយ​ចំនួន​មាន​ពូក​,​កៅអី​និង​សម្ភារៈ​ថ្មី​ទើប​យក​មក​ដាក់​មួយ​ចំនួន​ផ្សេងៗ​ទៀត ហើយ​សម្ភារៈដែល​ត្រូវ​បាន​ខូចខាត​គិត​ជា​ទឹកប្រាក់​សមត្ថកិច្ច​នៅ​មិនទាន់​ដឹង​នៅឡើយ​ដោយ​ក្តាប់​មិន​ទាន់បាន​រហូតមកដល់​ពេលនេះ​។

​សមត្ថកិច្ច​បានបញ្ជាក់​ថា ​ក្រោយពី​ហេតុការណ៍​ខាងលើ​បាន​កើត​ឡើង​ភ្លាមៗ​នោះ​សមត្ថកិច្ច​បានចេញ​រថ​យន្ត​ពន្លត់អគ្គិភ័យ​ចំនួន​០២​គ្រឿង​ ហើយ​ប្រើប្រាស់​ទឹក​អស់​ចំនួន​០២​រថយន្ត​ទើប​គ្រប់គ្រង​ស្ថានភាព​បាន​ទាំងស្រុង​មិន​រាលដាល​ដល់​លំនៅឋាន​អ្នកជិតខាង​បាន​បន្ត​ទៀតហើយ​ក្នុង​គ្រោះ​អគ្គីភ័យ​នេះ​ មិនមា​ន​គ្រោះថ្នាក់​ដល់​មនុស្ស​ឡើយ​។ សមត្ថកិច្ច​បញ្ជាក់​បន្ត​ថា ​ចំណែក​មូលហេតុ​នៃ​ការឆេះ​នេះ​ សមត្ថកិច្ច​នៅ​មិនទាន់​ដឹង​អំពី​មូលហេតុ​នៅឡើយ​ឋិត​ក្នុង​ការ​ស្រាវជ្រាវ​លើ​ករណីនេះ​បន្តទៀតថា ​តើ​បណ្តាលមកពី​មូលហេតុ​អ្វី​ដែល​បង្ក​ឲ្យ​មាន​អគ្គិភ័យ​ឆាបឆេះ​នេះ​ដោយ​ពិតប្រាកដ​៕​

អត្ថបទ៖ សៅ សារិទ្ធ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម