ព័ត៌មានជាតិ
រដ្ឋមន្ត្រីការបរទេសកម្ពុជា អញ្ជើញសហគ្រិនវិនិយោគិនហ្វ្រង់កូហ្វូន មកកម្ពុជា ដើម្បីសហការវិនិយោគរួមគ្នា
ការអញ្ជើញសហគ្រិនវិនិយោគិនហ្វ្រង់កូហ្វូន របស់ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជានេះ ខណៈលោកចូលរួមនៅក្នុងសន្និសីទថ្នាក់រដ្ឋមន្ត្រីការបរទេសហ្វ្រង់កូហ្វូនី (CMF)លើកទី៣៧ នៅទីក្រុងប៉ារីស រយៈពេល២ថ្ងៃ គឺថ្ងៃទី២៤-២៥ ខែវិច្ឆិកា ឆ្នាំ២០២០ (តាមប្រព័ន្ធវីដេអូ)។
ថ្លែងនៅក្នុងកិច្ចប្រជុំនោះ លោកឧបនាយករដ្ឋមន្ត្រី ប្រាក់ សុខុន បានចែករំលែកនូវបទពិសោធន៍ នៃការទប់ស្កាត់ការរីករាលដាល នៃជំងឺកូវីដ១៩ ដោយបានលើកឡើងថា ចាប់តាំងពីដើមដំបូងនៃការប្រយុទ្ធនឹងជំងឺរាតត្បាតជំងឺកូវីដ១៩នេះ យើងបានកែលម្អ វិធីសាស្ត្រ ពង្រឹងសមត្ថភាព និងអនុវត្តដោយម៉ត់ចត់នូវវិធានការធ្វើតេស្តស្វែងរក អ្នកជំងឺកូវីដ-១៩ ការដាក់អ្នកជំងឺឲ្យនៅដាច់ដោយ ឡែក និងបានអនុវត្តគោលនយោបាយផ្សព្វផ្សាយយ៉ាងទូលំទូលាយ។
ទន្ទឹមនឹងនេះ រាជរដ្ឋាភិបាលបានអនុវត្តវិធានការសង្គម-សេដ្ឋកិច្ចបាន យ៉ាងទាន់ពេលវេលា។ ជំនួយត្រូវបានផ្តល់ជូនដល់ប្រជាជនដែលបាត់បង់ការងារ , ការបន្ធូរបន្ថយបន្ទុកពន្ធសម្រាប់ក្រុមហ៊ុន, និងការលើកទឹកចិត្តវិនិយោគិនឲ្យ បង្កើតការងារ។ សេចក្តីសម្រេចចិត្តស្តីពី “ការរស់នៅជាមួយគ្នា” ជាប្រធានបទដែលត្រូវ នឹងការពិតជាក់ស្តែងពេលនេះជាងពេលណាៗទាំងអស់ និងបង្ហាញយ៉ាងច្បាស់ ពីហេតុផលចាំបាច់សម្រាប់យើងរួមដៃគ្នា។
ក្នុងស្មារតីដូចគ្នានេះ កម្ពុជាបានលើក តម្កើងគុណតម្លៃនៃសាមគ្គីភាពរវាង ប្រជាជនតាមរយៈការទទួលស្វាគមន៍នាវាកម្សាន្ត Ms Westerdam ដែលផ្ទុក អ្នកដំណើរចំនួន ២២០០ នាក់ ឲ្យចូលចតនៅកំពង់ផែរបស់កម្ពុជា ដែលនាវា នេះបានស្វែងរកទីតាំងចូលចិត្តអស់រយៈពេលពីរសប្តាហ៍មកហើយ។ នាពេលថ្មីៗនេះផងដែរ កម្ពុជាបានផ្តល់ជំនួយជូនដល់ប្រទេសឡាវនូវម៉ាសចំនួន ២លាន រួមជាមួយសម្ភារៈគ្រឿងបរិក្ខារពេទ្យជា ច្រើនទៀត ហើយនៅពេលឆាប់ៗ ខាង មុខនេះ កម្ពុជាក៏នឹងផ្តល់នូវជំនួយដូចគ្នានេះ ជូនប្រទេសមីយ៉ាន់ម៉ាផងដែរ។
តំណាងឲ្យកម្ពុជា លោករដ្ឋមន្ត្រីបានប្រកាសគាំទ្រយ៉ាងពេញទំហឹងចំពោះសកម្មភាពនានា ដែលមានចែង នៅក្នុងសេចក្តីសម្រេចស្តីពី ការរស់នៅជាមួយគ្នា ដើម្បីប្រយុទ្ធប្រឆាំងនឹងជំងឺរាតត្បាតកូវីដ-១៩។ ជាមួយគ្នានោះ កម្ពុជាបានបញ្ជាក់ជាថ្មីនូវការប្តេជ្ញាចិត្តរបស់ខ្លួនចំពោះ ពហុភាគីនិយម និងការជឿជាក់របស់ខ្លួនចំពោះអង្គការសុខភាពពិភពលោក។
លោកឧបនាយករដ្ឋមន្ត្រី ប្រាក់ សុខុន លើកឡើងទៀតថា “បច្ចុប្បន្ននេះ អាស៊ី-ប៉ាស៊ីហ្វិកបានក្លាយជាតំបន់សេដ្ឋកិច្ចសេរីនាំមុខគេ នៅលើពិភពលោក។ កម្ពុជាដែលជាប្រទេសនិយាយភាសាបារាំង សូមអញ្ជើញ សហគ្រិន វិនិយោគិនហ្វ្រង់កូហ្វូន មកជួបដៃគូហ្វ្រង់កូហ្វូននៅកម្ពុជា ដើម្បី សហការវិនិយោគរួមគ្នាប្រកបដោយថាមពល។ សហគ្រិន អ្នកវិនិយោគិន ហ្វ្រង់កូនទាំងនោះ នឹងបានជួបប្រាស្រ័យទាក់ទងជាភាសាបារាំងជាមួយ អ្នកទទួលបន្ទុកផ្នែកសេដ្ឋកិច្ចមកពីវិស័យសាធារណៈនិងឯកជន ហើយពួកគេ នឹងបានមើលឃើញនូវឱកាសវិនិយោគនានាដែលគួរចាប់យក”៕
ដោយ ៖ កោះកែវ
-
ព័ត៌មានអន្ដរជាតិ១ សប្តាហ៍ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ១ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាបជួយកសិករដាំដុះដំណាំកសិកម្ម
-
ព័ត៌មានអន្ដរជាតិ១ សប្តាហ៍ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ