ព័ត៌មានជាតិ

អគ្គិភ័យឆេះផ្ទះស្តុកគ្រឿងអគ្គិសនីមួយកន្លែងផ្អើលសមត្ថកិច្ចចុះអន្តរាគមន៍

បានផុស

៥ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

ផ្ទះស្តុបគ្រឿងអគ្គិសនីមួយកន្លែងដែលមានទីតាំង នៅតាមបណ្ដោយផ្លូវ៤០៤ ស្ថិតក្នុងសង្កាត់ទំនប់ទឹក ខណ្ឌបឹងកេងកង ត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អើលដល់សមត្ថកិច្ចចេញរថយន្តពន្លត់អគ្គិភ័យមកអន្តរាគមន៍កាលពីវេលាម៉ោង៦និង៤០នាទីព្រឹក ថ្ងៃទី១៩ ខែសីហា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មានពីកន្លែង កើតហេតុបានឲ្យដឹងថា ទីតាំងផ្ទះល្វែងខាងលើជាទីតាំងស្តុកគ្រឿងអគ្គិសនី។ នៅពេលកើតហេតុស្រាប់តែឃើញមានហុយផ្សែងខ្មៅចេញពីជាន់ទី២ លាយជាមួយនឹងអណ្ដាតភ្លើងយ៉ាងសន្ធោសន្ធៅ ទើបបង្កការភ្ញាក់ផ្អើលដល់ប្រជាពលរដ្ឋស្រែកឆោឡោនាំគ្នាជួយយកបំពង់ពន្លត់អគ្គិភ័យមកបាញ់ពន្លត់អស់ជាច្រើនបំពង់ តែមិនអាចគ្រប់គ្រងអណ្ដាតភ្លើងបានទើបរាយការណ៍ជូនអាជ្ញាធរមូលដ្ឋានដើម្បីសុំជំនួយរថយន្ដពន្លត់អគ្គិភ័យចេញអន្តរាគមន៍ផងតែម្ដង ។

ជាមួយគ្នានោះ មន្ត្រីជំនាញការិយាល័យបង្ការពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ក្នុងហេតុការណ៍នេះដែរ គឺកម្លាំងអន្តរាគមន៍មានការពិបាកបន្តិចក្នុងការជួយបាញ់ពន្លត់ដោយសារតែក្នុងផ្ទះបានស្តុកគ្រឿងអគ្គិសនីច្រើនពេក។

ក្នុងហេតុការណ៍នេះ មានបុរសម្នាក់បានរលាកខ្លួនបន្តិចបន្ទួចក្នុងការចូលទៅយកសម្ភារ: ដោយមិនមានមនុស្សណាម្នាក់គ្រោះថ្នាក់ដល់អាយុជីវិតនោះឡើយ ។ និងមិនរាលដាលដល់ផ្ទះរបស់ប្រជាពលរដ្ឋជិតខាងនោះទេ។ ចំពោះមូលហេតុ នៃការឆាប់ឆេះផ្ទះស្តុកគ្រឿងអគ្គិសនីខាងលើនេះ សមត្ថកិច្ចសង្ស័យថា បណ្ដាលមកពីឆ្លងចរន្តអគ្គិសនី៕

អត្ថបទ ៖ សុខា