ព័ត៌មានជាតិ

ក្រុមការងារអាវុធហត្ថ ចុះសួរសុខទុក្ខកម្លាំងអាវុធហត្ថឈរជើងការពារតាមមណ្ឌលសម្រាកព្យាបាលកូវីដ-១៩

បានផុស

៣ years មុន

នៅ

ថ្ងៃអាទិត្យ ២៩ សីហា ២០២១

ដោយ

អនុវត្តតាមការណែនាំរបស់ លោកឧត្ដមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ កាលពីល្ងាចម្សិលមិញ លោកវរសេនីយ៍ឯក សៀ ទីន នាយរងសេនាធិការ និងជាប្រធានក្រុមការងារប្រតិបត្តិប្រយុទ្ធប្រឆាំងជំងឺកូវីដ-១៩ របស់កងរាជអាវុធហត្ថរាជធានីភ្នំពេញ បានដឹកនាំក្រុមការងារចុះសួរសុខទុក្ខកម្លាំងអាវុធហត្ថរាជធានីភ្នំពេញ ដែលឈរជើងការពារមណ្ឌលសម្រាកព្យាបាលកូវីដ-១៩ ចំនួន ២ គោលដៅ ក្នុងនោះ គឺ គោលដៅមណ្ឌលសម្រាកព្យាបាលកូវីដ-១៩ វិទ្យាល័យ ជា ស៊ីម សាមគ្គី និង គោលដៅមណ្ឌលសម្រាកព្យាបាលកូវីដ-១៩ ដឹព្រេមៀរ សែន សុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសចុះសួរសុខទុក្ខនោះផងដែរ ក្រុមការងារក៏បាននាំយកនូវអាហារសម្រន់ និងភេសជ្ជៈ ជូនដល់កងកម្លាំង និងឆ្លៀតត្រួតពិនិត្យទីកន្លែងប្រតិបត្តិការងារ និងស្នាក់នៅប្រចាំថ្ងៃ ក៏ដូចជាសម្ភារៈគ្រឿងបំពាក់សម្រាប់ត្រៀមអន្តរាគមន៍ចាប់បង្ខំបុគ្គលដែលគេចវេះមិនធ្វើចត្តាឡីស័ក និងមិនព្រមអនុវត្តតាមវិធានការរបស់ក្រសួងសុខាភិបាល នៅតាមទីតាំងឈរជើងការពារមណ្ឌលសម្រាកព្យាបាលទាំងពីរ ដើម្បីត្រៀមអនុវត្តបទបញ្ជារបស់ថ្នាក់លើឲ្យមានប្រសិទ្ធភាពខ្ពស់ផងដែរ៕

អត្ថបទ ៖ វិមាន