ព័ត៌មានជាតិ

អាវុធហត្ថរាជធានីអរគុណសប្បុរសជនដែលផ្ដល់ស្បៀងដល់អាវុធហត្ថក្នុងយុទ្ធនាការរប្រឆាំងកូវីដ-១៩និងសង្គ្រោះពលរដ្ឋរងគ្រោះដោយទឹកជំនន់

បានផុស

៥ years មុន

នៅ

ថ្ងៃព្រហស្បតិ៍ ២៨ តុលា ២០២១

ដោយ

ភ្នំពេញ ៖ ក្នុងនាមតំណាងអាវុធហត្ថរាជធានីភ្នំពេញលោកវរសេនីយ៍ឯក សរ សុភ័ណ្ឌ មេបញ្ជាការ អាវុធហត្ថខណ្ឌដង្កោ បានថ្លែងអំណរគុណចំពោះសប្បុរសជន ដែលផ្ដល់ស្បៀងដល់អាវុធហត្ថក្នុងយុទ្ធនាការរប្រឆាំងកូវីដ-១៩រួមនឹងប្រតិបត្តិការ សង្គ្រោះ និងជម្លៀស ពលរដ្ឋរងគ្រោះ ដោយជំនន់ទឹកភ្លៀង នៅតាមសណ្តស្ទឹងព្រែកត្នោតនារសៀល ថ្ងៃទី២៨ ខែតុលា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា នៅមូលដ្ឋានអាវុធហត្ថខណ្ឌដង្កោ លោកវរសេនីយ៍ឯក សរ សុភ័ណ្ឌ មេបញ្ជាការ អាវុធហត្ថខណ្ឌដង្កោ បានទទួលថវិកា ចំនួន ៤,០០០,០០០ រៀល – ត្រីខកំប៉ុង ២០ កេស – មីកំប៉ុង ២០ កេស – ភេសជ្ជៈIZE ៥០ កេស – ទឹកសុទ្ធ ២០ កេស – អង្ករ ២០ ការ៉ុង – អាល់កុល ២០កាន – ម៉ាស់ ១០ កេស ពី លោក គឹម រតនៈ ម្ចាស់បុរី ប៊ុន លី បឹងតាម៉ាត ប្រគល់ជូនអាវុធហត្ថខណ្ឌដង្កោ សម្រាប់ប្រើប្រាស់ជាប្រយោជន៍ ក្នុងយុទ្ធនាការ បង្ការ ទប់ស្កាត់ ការរីករាលដាលជំងឺកូវីដ-១៩ ក៏ដូចជា ប្រតិបត្តិការ សង្គ្រោះ និងជម្លៀស ពលរដ្ឋរងគ្រោះ ដោយជំនន់ទឹកភ្លៀង នៅតាមសណ្តស្ទឹងព្រែកត្នោតដែលកំពុងជន់លិចលំនៅឋានបងប្អូនប្រជាពលរដ្ឋរាប់ពាន់គ្រួសារ។

ក្នុងឱកាសនោះ លោកវរសេនីយ៍ឯក សរ សុភ័ណ្ឌ បានសម្តែងនូវការថ្លែងអំណរគុណយ៉ាងជ្រាលជ្រៅ ចំពោះ លោក គឹម រតនៈ ម្ចាស់បុរី ប៊ុន លី បឹងតាម៉ាត ដែលមានចិត្តជ្រះថ្លាឧបត្ថម្ភ ថវិកា ម៉ាស អាល់កុល រួមនឹងគ្រឿងឧបភោគបរិភោគ ដល់អាវុធហត្ថខណ្ឌដង្កោ នាពេលនេះ គឺពិតជាមានសារៈសំខាន់បំផុត សម្រាប់ប្រើប្រាស់ជាក់ស្តែងក្នុងអង្គភាព៕

ដោយ ៖ វិមាន