ព័ត៌មានជាតិ

រដ្ឋបាលខេត្តព្រះសីហនុ បើកការដ្ឋានសាងសង់អាងប្រព្រឹត្តិកម្មទឹកកខ្វក់ទី ៣ នៅមាត់ព្រែកចុងអូរឈើទាល

បានផុស

៥ years មុន

នៅ

ថ្ងៃសុក្រ ១៧ កញ្ញា ២០២១

ដោយ

លោក គួច ចំរើន អភិបាលនៃគណៈអភិបាលខេត្តព្រះសីហនុ និងលោកស្រី នៅព្រឹកថ្ងៃទី១៧ ខែកញ្ញា ឆ្នាំ២០២១ បានធ្វើពិធីសែនព្រេនក្រុងពាលីបើកការដ្ឋានសាងសង់ អាងប្រព្រឹត្តកម្មទឹកកខ្វក់ទី៣ (PS3) មួយកន្លែងស្ថិតនៅភូមិ៤ សង្កាត់លេខ៤ ក្រុងព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីនេះដែរ ក៏មានការចូលរួមពីលោកអភិបាលរងខេត្ត លោកអភិបាលក្រុងព្រះសីហនុ ប្រធានមន្ទីរ អង្គភាពពាក់ពន្ធ លោកឧកញ៉ា ម្ចាស់សណ្ឋាគារ ក្រុមហ៊ុនក្នុងខេត្តព្រះសីហនុជាច្រើនផ្សេងទៀត។

សូមបញ្ជាក់ថា អាងប្រព្រឹត្តកម្មទឹកកខ្វក់ទី៣នេះ (PS3) មានសមត្ថភាពប្រព្រឹត្តកម្មទឹកកខ្វក់ក្នុងបរិមាណ ២០.០០០ម៉ែត្រគូប ក្នុង១ថ្ងៃ សាង សង់លើផ្ទៃដីជាងមួយហិកតា ស្ថិតនៅភូមិ៤ សង្កាត់លេខ៤ ក្រុងព្រះសីហនុ។ សូមបញ្ជាក់ថាបច្ចុប្បន្ននេះ ខេត្តព្រះសីហនុ មានអាងប្រព្រឹត្តកម្មទឹកកខ្វក់ចំនួនពីរ ដែលបានដាក់ឱ្យដំណើរការប្រកបដោយជោគជ័យ ក្នុងនោះមាន អាងប្រព្រឹត្តកម្មទឹកកខ្វក់ទី១ (PS1) មានសមត្ថភាពប្រព្រឹត្តិកម្មទឹកកខ្វក់ក្នុងបរិមាណ ៥,២០០ម៉ែត្រគូប ក្នុង១ថ្ងៃ ស្ថិតនៅភូមិ១ សង្កាត់លេខ៣ ក្រុងព្រះសីហនុ។ អាងប្រព្រឹត្តកម្មទឹកកខ្វក់ទី២ (PS2) មានសមត្ថភាពប្រព្រឹត្តិកម្មទឹកកខ្វក់ក្នុងបរិមាណ ៧,២០០ម៉ែត្រគូប ក្នុង១ថ្ងៃ ស្ថិតនៅភូមិ៤ សង្កាត់លេខ ៤ ក្រុងព្រះសីហនុ។ ទឹកកខ្វក់ក្រោយពីប្រព្រឹត្តិកម្មរួចរាល់ វាមានគុណភាពល្អ មិនមានការបំពុលបរិស្ថាន និងជីវចម្រុះក្នុងសមុទ្រ ។

ទន្ទឹមនោះ រដ្ឋបាលខេត្តព្រះសីហនុ ក៏មានគម្រោងសាងសង់ អាងប្រព្រឹត្តកម្មទឹកកខ្វក់បន្ថែមទៀត ក្នុងក្រុងព្រះសីហនុ ដើម្បីជួយកាត់បន្ថយទឹកកខ្វក់ហូរចូលសមុទ្រ បង្កើនសោភ័ណភាព បរិស្ថានល្អស្អាត៕

អត្ថបទ៖ ស៊ុយ ចាន់ធា

Related Topics:ខេត្តព្រះសីហនុ លោក គួច ចំរើន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា