ព័ត៌មានជាតិ
ប្អូនស្រីឈ្លោះគ្នាជាមួយសង្សារ បងប្រុសជួយបញ្ចេញកំហឹងជំនួស ត្រូវសមត្ថកិច្ចចាប់ខ្លួន
ជនសង្ស័យម្នាក់ ដែលជាប់ពាក់ព័ន្ធនឹងអំពើហិង្សា ដោយមានស្ថានទម្ងន់ទោស (ប្រើពូថៅ) ត្រូវបានកម្លាំងសមត្ថកិច្ច នៃអធិការដ្ឋានស្រុកមោងឫស្សី ចុះឃាត់ខ្លួនភ្លាមៗ។ ចំណែកភាគីរងគ្រោះ ក៏បានបញ្ជូនទៅសង្គ្រោះ នៅមន្ទីរពេទ្យបង្អែក ខេត្តបាត់ដំបងភ្លាមៗ ផងដែរ។
សមត្ថកិច្ចមូលដ្ឋាន បានឲ្យដឹងថា ហេតុការណ៍ ដែលបង្កឲ្យមានការភ្ញាក់ផ្អើល នៅក្នុងចំណតរថយន្តមួយ គឺបានកើតឡើងនៅថ្ងៃទី២២ ខែកញ្ញា ឆ្នាំ២០២១ វេលាម៉ោង ៩ព្រឹក ស្ថិតនៅចំណុចក្រុមទី៨ ភូមិព្រៃព្រាល ឃុំព្រៃស្វាយ ស្រុកមោងឫស្សី ខេត្តបាត់ដំបង។
ប្រភពដដែលបានបន្តថា ករណីហិង្សានេះ គឺបានប្រព្រឹត្តឡើងដោយជនសង្ស័យឈ្មោះ នៅ វ៉ិត ភេទប្រុស អាយុ៣៥ឆ្នាំ មានទីលំនៅភូមិស្តុកប្រវឹក ឃុំស្តុកប្រវឹក ស្រុករុក្ខគិរី ខេត្តបាត់ដំបង ប្រដាប់ដោយពូថៅ បានធ្វើសកម្មភាពវាយទៅលើ ជនរងគ្រោះឈ្មោះ អ៊ុត ចន្នី ភេទប្រុស អាយុ៣០ឆ្នាំ មានទីលំនៅភូមិអង្គខ្ជាយខាងត្បូង ឃុំដានគោម ស្រុកអង្គរជ័យ ខេត្តកំពត បណ្តាលឲ្យត្រូវចំក្បាលលើត្រចៀកខាងស្តាំ ១កន្លែងរងរបួសធ្ងន់ បញ្ចូនទៅកាន់មន្ទីរពេទ្យ បង្អែកខេត្តបាត់ដំបង។
បើតាមការបំភ្លឺពីជនរងគ្រោះ បានបញ្ជាក់ថា ខ្លួនជាមួយ និងប្អូនស្រីរបស់ជនសង្ស័យឈ្មោះ នៅ ស្រីមុំ អាយុ២៦ ឆ្នាំ បានធ្វើការនៅក្នុងភ្នំពេញជាមួយគ្នា ហើយក៏បានស្រលាញ់គ្នា ព្រមទាំងបានជួលបន្ទប់ស្នាក់នៅ ជាមួយគ្នារយ:ពេល ១ឆ្នាំមកហើយ។
ជនរងគ្រោះ បានបន្តថា លុះនៅថ្ងៃទី១៩ កញ្ញាកន្លងទៅថ្មីៗនេះ ពួកគេទាំង២នាក់ ក៏បានឈ្លោះប្រកែកគ្នា ទើបនាង ក៏បានឡើងឡានមកស្រុកកំណើតវិញ។ ដោយទ្រាំមិនបាន និងដោយសារបារម្ភពីនាងផង ខ្លួនក៏បានធ្វើដំណើរមកភូមិរបស់នាង ដោយដើរតួជាអង្គការ ដើរស៊ើបសួរពីអ្នកភូមិទើបដឹងថា នាងបានមកដល់ផ្ទះមែន ទើបរកវិធីចាំឃ្លាំមើលនាង។
ចៃដន្យនៅព្រឹកថ្ងៃទី២២ កញ្ញានេះ ឈ្មោះ នៅ ស្រីមុំ បានប្រាប់បងប្រុស (ជនសង្ស័យ) ថា ខ្លួនមិនហ៊ាននៅភូមិទេ ខ្លាចខាងប្រុសមករករឿង ទើបសុំឲ្យបងប្រុស ជួយជូននាងឡើងទៅផ្លូវជាតិ ដើម្បីឡើងឡានទៅក្រុងកំពង់សោម រកការងារធ្វើ។ ឯបងប្រុសក៏ព្រមជូន តែបុរសរូបនេះ ក៏បានដាក់ពូថៅតាមខ្លួន ខ្លាចក្រែងប្រុសស្នេហ៍ របស់ប្អូនស្រីមកតាមរករឿង។
នៅពេលទៅដល់ចំណតរថយន្ត ពួកគេក៏បានឃើញបុរសនោះមកដល់មែន ទើបបងប្រុសដើរតំរង់ទៅរក ដោយទាញពូថៅ វាយទៅលើក្បាល បែកឈាម ផ្អើលដល់សមត្ថកិច្ចចាប់ខ្លួនភ្លាមៗ តែម្តង។ ដោយបច្ចុប្បន្ននេះ ជនសង្ស័យ កំពុងរៀបចំបញ្ជូនទៅកាន់ស្នងការដ្ឋាន នគរបាលខេត្តហើយ ដើមចាត់វិធានការតាមផ្លូវច្បាប់៕
អត្ថបទ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ