ព័ត៌មានជាតិ
កម្ពុជានាំចេញទំនិញទៅថៃ តិចជាងថៃនាំចូលមកវិញជិត ៨ ដង
ភ្នំពេញ៖ ទំនាក់ទំនងពាណិជ្ជកម្មទ្វេភាគីរវាងកម្ពុជានិងថៃ សម្រេចបានទឹកប្រាក់ជាង ៥,២៤០ លានដុល្លារអាមេរិកនៅក្នុងរយៈពេល៨ខែឆ្នាំ២០២១។ តែក្នុងទំហំពាណិជ្ជកម្មនេះកម្ពុជាទទួលបានផលប្រយោជន៍តិចតួចប៉ុណ្ណោះ ដោយសារសមត្ថភាពផលិតរបស់កម្ពុជានៅមានកម្រិតទាប។
ជាក់ស្ដែងទំហំពាណិជ្ជកម្មរវាងកម្ពុជានិងថៃ មិនមានតុល្យភាពឡើយ។ ក្នុងនោះកម្ពុជានាំចេញទំនិញទៅថៃ តិចជាងថៃនាំចូលមកវិញជិត ៨ ដង។
របាយការណ៍របស់ស្ថានកម្ពុជាប្រចាំប្រទេសថៃបង្ហាញថា រយៈពេល៨ខែឆ្នាំ២០២១ ទំហំពាណិជ្ជកម្មទេ្វភាគីរវាងកម្ពុជា-ថៃ សម្រេចបាន ៥,២៤០ លានដុល្លារអាមេរិកកើនឡើងប្រមាណ១១% បើធៀបនឹងរយៈពេលដូចគ្នានៃឆ្នាំមុនដែលមានទឹកប្រាក់ ៥០៨០ លានដុល្លារអាមេរិក។ ក្នុងការនាំចេញរបស់កម្ពុជាទៅថៃពីខែមករាដល់ខែសីហា មានតម្លៃសរុប ៦២៣ លានដុល្លារអាមេរិក និងការនាំចូលពីថៃមានតម្លៃសរុប ៤៦១០លានដុល្លារ អាមេរិកដែលបង្កើតឱ្យមានឱនភាពទំហំពាណិជ្ជកម្មនៃប្រទេសទាំងពីរចំនួន ៣៩៩០លានដុល្លារអាមេរិក ។
សម្រាប់នៅក្នុងខែសីហា ឆ្នាំ២០២១ ទំហំពាណិជ្ជកម្មទ្វេភាគីកម្ពុជា-ថៃ មានតម្លៃ ៦២៥ លានដុល្លារអាមេរិក ។ ក្នុងនោះការនាំចេញរបស់កម្ពុជាទៅថៃមានតម្លៃ ៥៤.៥លានដុល្លារអាមេរិកថយចុះប្រមាណ ២៥% បើធៀបខែសីហាឆ្នាំ២០២០ ដែលមានទឹកប្រាក់ ៧៣.១ លានដុល្លារអាមេរិក។ ចំណែកឯការនាំចូលពីថៃមានតម្លៃ ៥៧១លានដុល្លារអាមេរិកកើនឡើង ២៨% ធៀបនឹងខែសីហាឆ្នាំ២០២០ ដែលមានទឹកប្រាក់៤៤៥លានដុល្លារអាមេរិក។ ទំហំពាណិជ្ជកម្មកម្ពុជាថៃក្នុងខែសីហានេះ មានអតុល្យភាពជាង ៥០០ លានដុល្លារអាមេរិក ។
ទំនិញដែលកម្ពុជានាំចេញទៅប្រទេសថៃភាគច្រើនគឺផលិតផលវាយនភណ្ឌ កសិផលត្បូងថ្មមានតម្លៃ វត្ថុធាតុដើមកសិកម្មនិងទំនិញពាក់កណ្តាលសម្រេចខណៈកម្ពុ ជាចូលពីថៃមកវិញនូវមានថាមពល ត្រី សាច់ បន្លែនិងផលិតផលសម្រេចដូចជារថយន្ត ជីសរីរាង្គ ស៊ីម៉ង់ គ្រឿងឧបភោគ-បរិភោគ គ្រឿងសំអាងនិងសម្ភារសំណង់៕
អត្ថបទ៖ណារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង