ព័ត៌មានជាតិ
ប្រជាពលរដ្ឋ ឃុំតាឡាត ខេត្តស្ទឹងត្រែង ស្នើអាជ្ញាធរជួសជុលស្ពានឈើទ្រុឌទ្រោម
ប្រជាពលរដ្ឋជាច្រើនគ្រួសាររស់នៅភូមិស្វាយរៀង ឃុំតាឡាត ស្រុកសេសាន ខេត្តស្ទឹងត្រែង បានសំណូមពរដល់អាជ្ញាធរជួយជួសជុលស្ពានឈើទ្រុធទ្រោម ដើម្បីសម្រួលដល់ការធ្វើដំណើរឆ្លងកាត់ ជៀសវាងមានគ្រោះថ្នាក់ដោយយថាហេតុ។
លោក សា រិទ្ធ រស់នៅក្នុងភូមិស្វាយរៀង ឃុំតាឡាត ស្រុកសេសាន បានបង្ហាញពីភាពលំបាកក្នុងការធ្វើដំណើរឆ្លងកាត់ស្ពានទ្រុឌទ្រោមបាក់ស្រុត ដោយមិនទាន់ឃើញមានអាជ្ញាធរភូមិ ឃុំ ស្រុក មកចុះពិនិត្យ និងសាងសង់ជួសជុលស្ពានជូនពលរដ្ឋនៅឡើយ។
លោក សា រិទ្ធ បានឱ្យដឹងទៀតថា ការធ្វើដំណើរលំបាករបស់សិស្សានុសិស្សទៅសាលារៀន និងបងប្អូនប្រជាពលរដ្ឋ យកកសិផលទៅកាន់ទីផ្សារ ជួបការលំបាកខ្លាំង ដោយសារស្ពានឈើមានការបាក់ស្រុត ដោយមិនទាន់មានថ្នាក់ដឹកនាំចុះមកធ្វើការកែសម្រួលនៅឡើយ។
លោកបន្តថា ភាពលំបាករបស់បងប្អូនប្រជាពលរដ្ឋភូមិនេះ នៅពេលប្រមូលផលបានពីការដាំដុះ ត្រូវដឹកទៅលក់ដូរនៅទីផ្សារ គឺដឹកមិនបានឡើយ ដោយស្ពានបាក់ខូច ជាពិសេសនៅពេលឈឺស្កាត់ ឬស្រ្តីឈឺពោះឆ្លងទន្លេ មានការប្រឈមហានិភ័យខ្លាំងមែនទែន។
យុវជន ប៊ុន លី ជាសិស្សរៀននៅសាលាបឋមសិក្សា ស្វាយរៀង ក្នុងភូមិសាស្ត្រខាងលើ បានបង្ហាញពីការលំបាកក្នុងពេលធ្វើដំណើរទៅសាលារៀនជាងរៀងរាល់ថ្ងៃ ដោយសារការបាក់ពុកផុយក្ដារស្ពាន ធ្វើឱ្យរអិលដួលពេលមានភ្លៀងធ្លាក់ និងពេលខ្លះធ្លាក់ស្ពានក៏មាន។
ប្រជាពលរដ្ឋ ក្នុងភូមិខាងលើបានសំណូមពរដល់អាជ្ញាធរគ្រប់ជាន់ថ្នាក់ចុះពិនិត្យ និងស្ថាបនាស្ពានឈើនេះ ដើម្បីឱ្យសិស្សានុសិស្ស ប្រជាពលរដ្ឋងាយស្រួលក្នុងការធ្វើដំណើរ យកកសិផលទៅកាន់ទីផ្សារ រូមទាំងការទៅរកសេវាសុខាភិលផងដែរ៕
អត្ថបទ៖ ងិន លីម
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល