Connect with us

ព័ត៌មានជាតិ

កងពលតូចថ្មើរជើងលេខ៤២ បើកវគ្គហ្វឹកហ្វឺនបំប៉នពង្រឹងវរសេនាតូចលេខ៤២៤

បានផុស

នៅ

នៅព្រឹកថ្ងៃទី០៩ ខែតុលា ឆ្នាំ២០២១ កងពលតូចថ្មើរជើងលេខ៤២ បានប្រារព្ធពិធីបើកហ្វឹកហ្វឺនបំប៉នពង្រឹងវរសេនាតូចលេខ៤២៤ និងហ្វឹកហ្វឺនម្ចាស់ការតាមបណ្តាកងឯកភាពចំណុះ កងពលតូចថ្មើរជើងលេខ៤២ យោធភូមិភាគទី៤ ក្រោមអធិបតីភាព ឯកឧត្តម ឧត្តមសេនីយ៍ទោ អេង ហឿង មេបញ្ជាការរង យោធភូមិភាគទី៤ ប្រចាំទិសទី៣ តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ពៅ ហេង មេបញ្ជាការរង កងទ័ពជើងគោក មេបញ្ជាការ យោធភូមិភាគទី៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱនោះដែរមានការអញ្ជើញចូលរួម មេបញ្ជាការរង តំបន់ប្រតិបត្តិការសឹករងខេត្តឧត្តរមានជ័យ ស្នងការរងខេត្តឧត្តរមានជ័យ មេបញ្ជាការរង កងរាជអាវុធហត្ថឧត្តរមានជ័យ មេបញ្ជាការរង កងការពារព្រំដែនគោកលេខ៤០២។

ផែនការបើកវគ្គហ្វឹកហ្វឺននេះមានរយៈពេល ៩១ថ្ងៃ គិតចាប់ពីថ្ងៃទី០៩ ខែតុលា ឆ្នាំ២០២១ ដល់ថ្ងៃទី០៨ ខែមករា ឆ្នាំ២០២២ ពេលវេលាហ្វឹកហ្វឹកហ្វឺនមួយសប្តាហ៍មាន ០៦ថ្ងៃ មួយថ្ងៃ ០៧ម៉ោង ព្រឹក ០៤ម៉ោង ល្ងាច ០៣ ម៉ោង ដែលមានសិក្ខាកាមហ្វឹកហ្វឺនចំនួន ១,១០០ នាក់ ហ្វឹកហ្វឺនមានកញ្ចប់ថវិកាចំនួន ១០០ នាក់ និងហ្វឹកហ្វឺនម្ចាស់ការតាមបណ្តាកងឯកភាពចំនួន ១,០០០ នាក់។

លោក ឧត្តមសេនីយ៍ទោ អេង ហឿង មេបញ្ជាការរង យោធភូមិភាគទី ៤ មានប្រសាសន៍ផ្តាំផ្ញើដល់សិក្ខាកាមទាំងអស់ឲ្យយកចិត្តទុកដាក់ទៅលើខ្លឹមសារមេរៀននីមួយៗ និងចាប់យកឲ្យបានរាល់មេរៀនដែលគ្រូបានបង្រៀន ហើយក៏បានជូនពរដល់សិក្ខាកាមឲ្យទទួលបានជោគជ័យក្នុងការហ្វឹកហ្វឺន ឆ្នាំ២០២១នេះ និងឆ្នាំបន្តបន្ទាប់ទៅមុខទៀត ជាពិសេសត្រូវបន្តអនុវត្តវិធានការណែនាំរបស់ប្រមុខរាជរដ្ឋាភិបាល និង ក្រសួងសុខាភិបាល ៣កុំ ៣ការពារ ដើម្បីឲ្យជៀសផុតពីជម្ងឺកូវីដ-១៩ ឲ្យបានគ្រប់ៗគ្នា៕

អត្ថបទ៖ ចាន់ ធី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម