ព័ត៌មានជាតិ
ព្រឹកនេះ តាមរោងចក្រធ្វើតេស្តកម្មកររកកូវីដ មុនអនុញ្ញាតឱ្យចូលធ្វើការ
ទោះបីជារាជរដ្ឋាភិបាលបានប្រកាសការធ្វើតេស្តរកកូវីដ១៩ ទៅលើកម្មករនិយោជិតក្រោយពិធីបុណ្យភ្ជុំផ្អែកលើគោលការណ៍ស្ម័គ្រចិត្ត និងមិនមានការផាកពិន័យក៏ដោយ ក៏នៅថ្ងៃចូលធ្វើការដំបូងនេះមានរោងចក្រសហគ្រាសភាគច្រើន បានស្ម័គ្រចិត្តធ្វើតេស្តរកជំងឺកូវីដ១៩ ទៅលើកម្មករនិយោជិតរបស់ខ្លួនជាមុនសិនទើបអនុញ្ញាតឱ្យចូលធ្វើការ។
លោក អាត់ ធន់ ប្រធានសហភាពការងារកម្ពុជាបានមានប្រសាសន៍នៅព្រឹកថ្ងៃទី១១តុលានេះថា នៅថ្ងៃធ្វើការដំបូងនេះមានរោងចក្រសហគ្រាសជាច្រើន បានធ្វើតេស្តរកជំងឺកូវីដ១៩ដល់បុគ្គលិកកម្មករនិយោជិតរបស់ខ្លួនជាមុនសិន ទើបអនុញ្ញាតឱ្យចូលធ្វើការ បើទោះបីជារាជរដ្ឋាភិបាលបានប្រកាសការធ្វើតេស្តដោយស្ម័គ្រចិត្តក៏ដោយ។
«និយោជកគួរតែធ្វើតេស្តដល់កម្មករ មុនចូលធ្វើការវិញពិសេសធ្វើតេស្តទៅលើកម្មករនិយោជិតណា ដែលមានការសង្ស័យដូចជាក្តៅខ្លួន ឬមានអាការៈមិនស្រួលខ្លួន ផ្តាសាយត្រូវធ្វើតេស្តជាដាច់ខាត ហើយអ្នកសង្ស័យតេស្តរួចហើយបញ្ជួនបន្តទៅតេស្តនៅម៉ាស៊ីនធំជាបន្តទៀត ដើម្បីបញ្ជាក់កាន់តែច្បាស់។ ប្រសិនបើមិនធ្វើតេស្ត នៅពេលដែលមានអ្នកឆ្លង គឺខាតបង់ប្រាក់កាក់ដោយសារអាចបិទក្រុមហ៊ុន ប៉ះពាល់ដល់ច្រវ៉ាក់ផលិតកម្ម»។
លោកបានបន្តទៀតថា «ជាទូទៅការធ្វើតេស្តរហ័សជាវិធីមួយ ដែលធ្វើឱ្យរកមុខសញ្ញាឃើញអាចកាត់បន្ថយនូវហានិភ័យផ្សេងៗបាន។ អីចឹងការធ្វើតេស្តរហ័សមិនអាក្រក់ទេប់ទោះបីជាវាចំណាយច្រើនជាងមុនតែក៏មានប្រយោជន៍ច្រើនដែរ»។
យ៉ាងណាក៏ដោយ លោកទទួឡស្គាល់ថា មានរោងចក្រសហគ្រាសភាគច្រើនបានធ្វើតេស្តទាំងអស់ ហើយរោងចក្រណាដែលមិនសូវមានលទ្ធភាព អាចធ្វើតេស្តត្រឹម៥០ភាគរយ។ បុគ្គលិកកម្មករដែលសង្ស័យអាចអនុញ្ញាតឱ្យគាត់សម្រាកនៅផ្ទះ មិនចាំបាច់ឱ្យចូលធ្វើការទេដើម្បីបញ្ជៀសហានិភ័យ។
ក្រសួងការងារនិងបណ្តុះបណ្តាលវិជ្ជាជីវៈបានលើកឡើងថា ដើម្បីចូលរួមចំណែកប្រយុទ្ធ និងទប់ស្កាត់ការរីករាលដាលទ្រង់ទ្រាយធំ នៃជំងឺកូវីជ-១៩ នៅតាមរោងចក្រ សហគ្រាស ក៏ដូចជាការរៀនរស់នៅតាមគន្លងប្រក្រតីភាពថ្មី និងការត្រៀមបើកសកម្មភាពសេដ្ឋកិច្ចឡើងវិញ ក្រសួងសូមលើកទឹកចិត្តឱ្យម្ចាស់ ឬនាយករោងចក្រ សហគ្រាស ត្រៀមឧបករណ៍ធ្វើតេស្តរហ័សរករោគកូវីដ-១៩ សម្រាប់ធ្វើតេស្តរកមេរោគកូវីដ-១៩ដល់កម្មករនិយោជិតរបស់ខ្លួន ក្រោយពេលឈប់សម្រាកក្នុង ពិធីបុណ្យភ្ជុំបិណ្ឌ ឆ្នាំ២០២១។
ក្រសួងបានបញ្ជាក់ថាការធ្វើតេស្ករហ័សរកមេរោគកូវីដ-១៩. នេះគឺផ្អែកលើគោលការណ៍ស្ម័គ្រចិត្ត និងមិនមានការផាកពិន័យទៅលើម្ចាស់ ឬនាយករោងចក្រ សហគ្រាស និងកម្មករនិយោជិតឡើយ៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល