Connect with us

ព័ត៌មានជាតិ

មន្ត្រីសាខា ក​.​ប​.​ប​. ដុតកំទេច​ផលិតផលខូចគុណភាព និងហួសកាលបរិច្ឆេទ​

បានផុស

នៅ

​​កន្លងទៅ​ថ្មីៗ​នេះ មន្ត្រីសាខា ក​.​ប​.​ប​. ខេត្តបន្ទាយមានជ័យ ស​សហការ​ជាមួយ​មន្ត្រីមន្ទីរពាណិជ្ជកម្មខេត្ត បានចុះ​ចាប់ និងដកហូតផលិតផលដែល​ខូចគុណភាព និងហួសកាលប​បរិច្ឆេទ​ការ​ប្រើ​ប្រាស់​ដាក់លក់​នៅ តាមទីផ្សារ។ ទំនិញ​ខូចគុណភាព​ទាំងអស់នេះ​ត្រូវ​ក្រុម​ឈ្មួញ​ធ្វើ​សកម្មភាពលួច​ដឹកជ​ញ្ជូនខុសច្បាប់តាម ច្រករបៀងចេញពី​ប្រទេសថៃ យកមក​ដាក់លក់​តាម​ទីផ្សាររួមមាន នំ​ធុង មានចំនួន៦៨​ធុង ស្មើ២៧២​គីឡូ ក្រាម ទឹកដោះគោ Dutch Mill មានចំនួន ២០៧០​ដប ស្មើ១,៧១៨.១០​គីឡូក្រាម ទឹកដោះគោស្រស់ Meji មានចំនួន ៣០០​ដប ស្មើ ៦០០​លីត្រ ​យ៉ា​អ៊ួ​រ Dutch Nata De Coco មានចំនួន២១​យួរ ស្មើ ៦៥.៥២​គីឡូ ក្រាម សរុបមានចំនួន ២,៦៥៥.៦២​គីឡូក្រាម។​

នៅ​ព្រឹក​ថ្ងៃទី១២ ខែតុលា ឆ្នាំ២០២១ នេះ ​បានធ្វើ​ពិធី​ដុត​កំទេចចោលនៅទីតាំងដី​ឡូតិ៍​មួយកន្លែងស្ថិតនៅ​សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសាខា ក​.​ប​.​ប​. ខេត្តប​បន្ទាយមានជ័យ និង​មន្ត្រីមន្ទីរពាណិជ្ជកម្មខេត្ត បានប្រាប់​ឲ្យ​ដឹងថា ​ការដុត​កំទេច​ចោលផលិតផលខូចគុណភាព និងហួសកាលបរិច្ឆេទប្រើប្រាស់ មានការ​ចូលរួមលោកស្រី រស់ ​សុ​ផានី អភិបាលរង​ខេត្តបន្ទាយមានជ័យ លោក​ព្រះរាជអាជ្ញា​ខេត្ត អភិបាលស្រុក​ម៉ាឡៃ លោក​ គាត ​ហ៊ុល អភិបាលក្រុង​ប៉ោយប៉ែត និង​មន្ត្រី​ពាក់ព័ន្ធ​ជាច្រើន​នាក់​។​

ក្នុង​ពិធី​ធ្វើ​ការដុត​កំទេចផលិតផលខូចគុណភាព និងហួសកាលប​បរិច្ឆេទ​ការ​ប្រើ​ប្រាស់​នេះ​ លោកស្រី រស់​សុ​ផានី​ បាន​មានប្រសាសន៍ថា​ បណ្ដា​អាជីវករ ពាណិជ្ជករ​ មួយចំនួន​តូច​នៅតែ​បន្ត​បំពាន​ក្នុងការ​អនុវត្ត​ធុរកិច្ច​មិន​សុចរិត​ជាដើម​បណ្ដាល​ឲ្យ​ច្រករបៀង​នៅតាម​បណ្តោយ​ខ្មែរ ថៃ ត្រូវបាន​ក្រុម​ឈ្មួញ​ខុសច្បាប់​នៅតែ​លួច​នាំចូល​ទំនិញ​គ្មាន​ការត្រួតពិនិត្យ​ហូរ​ចូល​យកមក​ធ្វើ​ចរាចរណ៍​នៅ​ទីផ្សារ​មាន​ទាំង​ផលិតផល​ទំនិញ​មួយចំនួន​គ្មាន​ផ្លាកសញ្ញា​បិទ​ស្លាក​សញ្ញា​ជា​ភាសា​ខ្មែរ គ្មាន​ប្រភព​ច្បាស់លាស់ ឬ​ប្រភព​ផលិត​ក្លែងក្លាយ ដែលជា​ហេតុ​បង្ក​ការលំបាក​ក្នុងការ​ស្រាវជ្រាវ​ទប់ស្កាត់​និង​បង្ក្រាប​ហើយ​អាច​បង្ក​ផលប៉ះពាល់​ធ្ងន់ធ្ងរ​ជាយថាហេតុ​ដល់​សុខភាព​សុវត្ថិភាព​របស់​អ្នកប្រើប្រាស់​ជាដើម​៕

អត្ថបទ៖ វ៉ាន់ ណា​ង​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម