ព័ត៌មានជាតិ
បន្លំខ្លួនជាសន្តិសុខ លួចរថយន្តពីបាត់ដំបង ទៅជាប់អន្ទាក់សមត្ថកិច្ចនៅខេត្តតាកែវ
បុរសម្នាក់ ត្រូវសមត្ថកិច្ចចាប់បាន បន្ទាប់ពីបន្លំខ្លួនជាសន្តិសុខលួចរថយន្ត នៅខេត្តបាត់ដំបង បើកទៅដល់ខេត្តតាកែវ ត្រូវជាប់អន្ទាក់សមត្ថកិច្ច។
កាលពីថ្ងៃទី ២៨ ខែតុលា ឆ្នាំ២០២១ វេលាម៉ោង ១១ និង៤០ នាទីថ្ងៃត្រង់ មានករណីលួចយករថយន្តមួយគ្រឿងបានកើតឡើងនៅខាងមុខមន្ទីរពេទ្យឯកជន កែសុីនួន ស្ថិតក្នុងភូមិអូរតាគាំ២ សង្កាត់ទួលតាឯក ក្រុងបាត់ដំបង។
មុនពេលកើតហេតុ ម្ចាស់រថយន្តម៉ាក លុចសុីស ដែលម្ចាស់មានឈ្មោះ អុង ប៊ុនធាង ភេទប្រុស អាយុ៤៣ឆ្នាំ រស់នៅភូមិផ្សារព្រំ សង្កាត់ស្ទឹងកាច់ ក្រុងសាលាក្រៅ ខេត្តប៉ៃលិន បានបើកដឹកឪពុកយកមកព្យាបាលនៅមន្ទីរពេទ្យខាងលើ ដោយនៅពេលមកដល់មានបុរសម្នាក់បានដើរតួជាសន្តិសុខ ហើយកាច់សោរថយន្តបើកទៅរកកន្លែងចតដោយឱ្យម្ចាស់នាំឪពុកចូលទៅក្នុងមន្ទីរពេទ្យ លុះចេញមកវិញក៏បាត់រថយន្តតែម្តង។
ទីបំផុត នៅថ្ងៃទី ៣០ ខែតុលា ឆ្នាំ២០២១ វេលាម៉ោង២១ និង២៥នាទី លោកវរសេនីយ៍ឯក យុគ សារ៉ាត់ បានសហការជាមួយកម្លាំងជំនាញស្នងការនគរបាលខេត្តតាកែវ និងស្នងការបាត់ដំបងចុះបង្ក្រាបករណីរំលោភលើទំនុកចិត្ត ដែលបានប្រប្រព្រឹត្តនៅខេត្តបាត់ដំបងកាលពីថ្ងៃទី ២៨ ខែតុលា ឆ្នាំ២០២១ បានបើកគេចខ្លួនពីបាត់ដំបងមកដល់នៅចំណុចផ្ទះសំណាក់ភ្នំដិនតារា ស្ថិតនៅភូមិផ្សារ ឃុំភ្នំដិន ស្រុកគិរីវង់ ខេត្តតាកែវ និងឃាត់ខ្លួនជនសង្ស័យ០១នាក់ ឈ្មោះ ឡាត់ ឡូ ភេទប្រុស អាយុ ៤២ឆ្នាំ មានទីលំនៅស្រុកសង្កែ ខេត្តបាត់ដំបង។
បច្ចុប្បន្នកម្លាំងជំនាញស្នងការដ្ឋាននគរបាលខេត្តបាត់ដំបង បាននាំជនសង្ស័យទៅសាកសួរនៅស្នងការដ្ឋាននគរបាលខេត្ត ដើម្បីកសាងសំណុំរឿងតាមនីតិវិធីច្បាប់៕
អត្ថបទៈ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង