ព័ត៌មានជាតិ
លួចបានម្ដងគិតថាម្ចាស់មិនដឹង ចូលមកម្ដងទៀតចាប់ជាប់ប្រគល់ឲ្យសមត្ថកិច្ច
ជនសង្ស័យម្នាក់ត្រូវជាប់អន្ទាក់ដោយកាមេរ៉ាសុវត្ថិភាពបន្ទាប់ពីធ្វើសកម្មភាពលួចទូរស័ព្ទ និងនាឡិកាដៃទំនើបហើយគេព្យាយាមគេចខ្លួនបានជាង១០ថ្ងៃ។
មន្ត្រីប៉ុស្តិ៍នគរបាលរដ្ឋបាលស្រះចកនៃអធិការដ្ឋាននគរបាលខណ្ឌដូនពេញ បានឲ្យដឹងថា ជនសង្ស័យត្រូវបានឃាត់ខ្លួនកាលពីល្ងាចថ្ងៃទី១១ ខែវិច្ឆិកា ឆ្នាំ២០២១។
ករណីអំពើលួចទូរស័ព្ទដៃ និងនាឡិកាដៃ នោះកើតឡើងនៅចំណុចរោងកម្មករស្នាក់នៅក្រុមហ៊ុនឆាយណា ប៊ូមីង ខនស្ត្រាក់សិនអេនជីនារីង ផ្លូវលេខ១៦៩ ភូមិ០១ សង្កាត់ស្រះចក ខណ្ឌដូនពេញ កាលពីថ្ងៃទី២៧ ខែតុលា ឆ្នាំ២០២១ វេលាម៉ោង២១និង០០នាទីយប់។
សមត្ថកិច្ចបានឲ្យដឹងថា ជនសង្ស័យមានឈ្មោះ ខុន សុខជា ភេទប្រុស អាយុ២៦ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ។ ចំណែកជនរងគ្រោះឈ្មោះ XU YUCHYUN ភេទប្រុស អាយុ៣០ឆ្នាំ ជនជាតិចិន មុខរបរវិស្វករសំណង់ សា្នក់នៅរោងកម្មករក្រុមហ៊ុន ឆាយណា ប៊ូមីង ខនស្ត្រាក់សិន អេនជីនារីង ផ្លូវលេខ១៦៩ ភូមិ០១ សង្កាត់ស្រះចក ខណ្ឌដូនពេញ រាជធានីភ្នំពេញ បាត់បង់ទូរស័ព្ទដៃមួយគ្រឿងម៉ាក Iphone ១២ Pro Max ពណ៌ខៀវ ប្រើស៊ីមលេខ០៨៥ ៨៨៣៨១៦ និងនាឡិកាដៃមួយគ្រឿងម៉ាកហូវ៉ៃ ពណ៌ខ្មៅ។
កាលពីថ្ងៃទី២៧ ខែតុលា ឆ្នាំ២០២១ វេលាម៉ោង២១និង០០នាទី ជនសង្ស័យបានចូលក្នុងបន្ទប់ដេករបស់ជនរងគ្រោះ លួចយកទូរស័ព្ទដៃ និងនាឡិកាដៃបានសម្រេច រួចគេចខ្លួនបាត់ ពេលជនរងគ្រោះកំពុងដេកលង់លក់ក្នុងបន្ទប់ ដោយមិនបានចាក់សោរទ្វារ។ ក្រោយពីបាត់ទូរស័ព្ទដៃ និងនាឡិកាដៃ ជនរងគ្រោះបានឆែកកាមេរ៉ាសុវត្ថិភាពឃើញនិងចំណាំមុខជនសង្ស័យបាន (តែពុំបានដាក់ពាក្យបណ្តឹងនៅប៉ុស្តិសមត្ថកិច្ចទេ)។ លុះនៅថ្ងៃទី១១ ខែវិច្ឆិកា ឆ្នាំ២០២១ វេលាម៉ោង១៣និង០០នាទី ជនសង្ស័យបានចូលក្នុងបរិវេនការដ្ឋានក្រុមហ៊ុនបំរ៉ុងធ្វើសកម្មភាពលួចទៀត ត្រូវជនរងគ្រោះឃើញទាន់ស្រែកផ្អើលឆោឡោ ស្របកម្លាំងសមត្ថកិច្ចល្បាតក្នុងមូលដ្ឋានទៅដល់អន្តរាគមន៍ធ្វើការឃាត់ខ្លួនជនសង្ស័យ នាំមកប៉ុស្តិ៍នគរបាលរដ្ឋបាលស្រះចកធ្វើការសាកសួរ។
ក្រោយពីសាកសួរជនសង្ស័យឈ្មោះ ខុន សុខជា បានសារភាពថាខ្លួនពិតជាបានចូលធ្វើសកម្មភាពលួចយក ទូរស័ព្ទដៃ និងនាឡិកាដៃរបស់ជនរងគ្រោះ នៅចំណុចខាងលើ កាលពីថ្ងៃទី២៧ ខែតុលា ឆ្នាំ២០២១ វេលាម៉ោង២១និង០០នាទីពិតប្រាកដមែន។
ចំពោះមុខកម្លាំងជំនាញខណ្ឌប៉ុស្តិ៍ កំពុងប្រើប្រាស់វិធានការជំនាញសួរចម្លើយ នឹងកសាងសំណុំរឿងបញ្ជូនទៅសាលាដំបូងតាមនីតិវិធីច្បាប់៕
អត្ថបទ៖ រស្មី
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ចរាចរណ៍៥៩ នាទី ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore