ព័ត៌មានជាតិ
សម្តេចតេជោ ហ៊ុន សែន ជំរុញឱ្យស្ថាប័នរដ្ឋ និងឯកជនទទួលយកជនមានពិការភាពបម្រើការងារកុំមានការរើសអើង
នាឱកាសអបអរទិវាជនពិការជាតិនិងអន្តរជាតិ ៣ ធ្នូ ឆ្នាំ២០២១ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងជាប្រធានកិត្តិយសក្រុមប្រឹក្សា សកម្មភាពជនពិការបានបង្ហាញនូវមនោសញ្ចេតនានឹករលឹក និងព្រួយបារម្ភពីសុខទុក្ខរបស់ជនមានពិការភាពទាំងអស់ ក្នុងប្រទេស និងលើកទឹកចិត្តដល់ជនរួមជាតិទាំងអស់បន្តលើកស្ទួយសុខុមាលភាពជនមានពិការភាពឱ្យកាន់តែប្រសើរឡើងដើម្បីជាឧត្តមប្រយោជន៍របស់វិស័យពិការភាពនៅកម្ពុជា។
សម្ដេចតេជោនាយករដ្ឋមន្រ្តី បានជំរុញដល់ក្រសួងស្ថាប័នរដ្ឋ និងឯកជនឱ្យលើកទឹកចិត្តជនមានពិការភាព ដែលមានលក្ខណសម្បត្តិ និងសមត្ថភាពឱ្យបំពេញមុខងារតួនាទីក្នុងស្ថាប័នរបស់ខ្លួន ដោយគ្មានការរើសអើង ស្របគ្នាជាមួយនឹងការរៀបចំការបង្កលក្ខណៈងាយស្រួលចេញចូលទីកន្លែងសាធារណៈសម្រាប់ជនមានពិការភាព ដូចជាការរៀបចំចំណតយានយន្តពិសេសសម្រាប់ជនមានពិការភាពការធ្វើជម្រាល ការបំពាក់ឧបករណ៍ធ្នាក់ដៃ ទ្វារ បន្ទប់ទឹកជនមានពិការភាព ការដាក់ស្លាកសញ្ញានានានៅតាមទីតាំងសាធា រណៈនិងឯកជនទាំងអស់។
ទន្ទឹមគ្នានេះសម្ដេចតេជោប្រមុខរាជរដ្ឋាភិបាលក៏បានអំពាវនាវដល់ក្រសួងព័ត៌មានឱ្យណែនាំដល់គ្រប់ស្ថានីយវិទ្យុ និងទួរទស្សន៍របស់រដ្ឋ និងឯកជន ព្រមទាំងគ្រប់ប្រព័ន្ធសារព័ត៌មានឱ្យបង្កើនម៉ោងផ្សាយឱ្យបានទូលំទូលាយដោយមានការបកប្រែភាសាសញ្ញាជាពិសេសព័ត៌មានស្ដីពីការរាតត្បាត និងវិធីការពារជំងឺកូវីដ-១៩ដល់ជនមាពិការភាព ខណៈ ក្រសួងសង្គមកិច្ច អតីតយុទ្ធជននិងយុវនីតិសម្បទា ត្រូវបង្កើនល្បឿនក្នុងការធ្វើអត្តសញ្ញាណពិការភាពជូនជនមានពិការភាពគ្រប់រូបទូទាំងប្រទេសដើម្បីបង្កលក្ខណៈងាយ ស្រួលជូនដល់ពួកគាត់អាចប្រើបានក្នុងការទទួលបានសេវាសាធារណៈ និងឯកជន។
ជាមួយគ្នានេះ នៅក្នុងសារអបអរទិវាជនពិការជាតិនិងអន្តរជាតិ ៣ ធ្នូ ឆ្នាំ២០២១ សម្ដេចតេជោនាយករដ្ឋមន្រ្តីបានរំលឹកពីក្ដីមេត្តាធម៌ និងការលះបង់របស់ព្រះមហាក្សត្រនៃព្រះរាជាណាចក្រកម្ពុជា សម្ដេចព្រះបរមនាថ នរោត្តមសីហមុនីនិងព្រះវររាជមាតាដែលជានិច្ចកាលព្រះអង្គទាំងទ្វេតែងយកចិត្តទុកដាក់ដល់សុខទុកកូនចៅមានពិការភាពរបស់ព្រះអង្គដោយ បានប្រោសប្រទានព្រះរាជអំណោយដ៏វិសេសវិសាលថ្លៃថ្លាដល់កូនចៅដែលរងគ្រោះដោយមេរោគកូវីដ-១៩ ពិសេសជនមានពិការភាព។
ក្នុងសារលិខិតដែលមានបួនទំព័រកន្លះក្នុងឱកាសនៃទិវាជនមានពិការភាពកម្ពុជានិងអន្តរជាតិឆ្នាំនេះ សម្ដេចតេជោបានអំពាវនាវដល់គ្រប់ក្រសួងស្ថាប័ន ព្រមទាំងអាជ្ញាធរមានសមត្ថកិច្ចគ្រប់លំដាប់ថ្នាក់យកផែនការយុទ្ធសាស្ត្រជាតិស្ដីពីពិការភាព ២០១៩-២០២៣ អនុវត្តន៍ឱ្យមានប្រសិទ្ធភាព បន្តផ្សព្វផ្សាយវិធានការទប់ស្កាត់ការរាតត្បាតនៃជំងឹកូវីដ-១៩ធ្វើយ៉ាងណាឱ្យដល់ជនមានពិការភាព និងជំរុញដល់ជនមានពិការភាពទាំងអស់ រក្សាវិធានការសុខាភិបាល ដើម្បីការពារខ្លួនពីជំងឺកូវីដ-១៩ផងដែរ។
យោងតាមរបាយការណ៍អគ្គលេខាធិការដ្ឋានក្រុមប្រឹក្សាសកម្មភាពជនពិការ បានឱ្យដឹងថា ជនមានពិការភាពនៅកម្ពុជា មានចំនួនជិត៧០ម៉ឺននាក់ ខណៈដែលស្ថានភាពនៃជនមានពិការភាពត្រូវបានយកចិត្តទុកដាក់ជាបន្តបន្ទាប់ពីរាជរដ្ឋាភិបាល ដើម្បីឱ្យធ្វើឱ្យជនមានពិការភាពទាំងអស់មានលទ្ធភាពចូលរួមក្នុងការអភិវឌ្ឍន៍ប្រទេសបានដូចពលរដ្ឋទូទៅ។
ទិវាជនមានពិការភាពកម្ពុជាលើកទី២៣ និងអន្តរជាតិលើកទី៣៩ ថ្ងៃទី៣ ខែធ្នូ ឆ្នាំ២០២១នេះ ធ្វើឡើងក្រោមប្រធានបទ «ភាពជាអ្នកដឹកនាំនិងការចូលរួមរបស់ជនមានពិការ ភាពដើម្បីឆ្ពោះទៅរកការស្ដារឡើងវិញក្រោយកូវីដ-១៩ ប្រកបដោយ បរិយាបន្ន ផាសុកវត្ថុ និង ចីរភាព» ៕ ដោយ៖ណារី
ពលរដ្ឋក្នុងភូមិព្រែកជាងព្រុំ សង្កាត់វាលស្បូវ ទទួលបានផ្លូវបេតុង១ ខ្សែ
សាខាកាកបាទក្រហមខេត្តកំពង់ចាម ទទួលបានថវិកាជិត ៧០ ម៉ឺនដុល្លារ ពីសប្បុរសជន
សេដ្ឋីនីថៃ Khun sumane ប្រារព្ធខួបកំណើត ៨៨ ឆ្នាំ តែងាកទៅសម្រស់វិញស្អាតមិនប្រួលប្រែ
ព័ត៌មានបឋម ៖ នារីវ័យក្មេងម្នាក់ ធ្លាក់ពីលើអគារមួយកន្លែង នៅខណ្ឌចំការមន មិនទាន់ដឹងមូលហេតុ
មន្ទីរពេទ្យអ៉ីនធ័រឃែរ ឧបត្ថម្ភថវិកា និងបរិក្ខារមន្ទីរពិសោធន៍ ដល់មន្ទីរពេទ្យ ហ្លួង ម៉ែ
មន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
ស្ត្រីអាយុជាង ៣០ ឆ្នាំ ម្នាក់ សង្ស័យត្រូវគេដឹកទៅទម្លាក់ចោលក្នុងដីឡូត៍មួយកន្លែង ដោយសភាពនៅមានដង្ហើម
តំបន់ទឹកធ្លាក់ ៥ លើខ្នងភ្នំត្បែង ក្លាយជាគោលដៅទេសចរណ៍ទាក់ទាញបំផុត របស់ខេត្តព្រះវិហារ
ព័ត៌មានបឋម ៖ នារីវ័យក្មេងម្នាក់ ធ្លាក់ពីលើអគារមួយកន្លែង នៅខណ្ឌចំការមន មិនទាន់ដឹងមូលហេតុ
គូស្នេហ៍ចិន ប្រឹងជម្នះឧបសគ្គគ្រួសារ ដោយសារតែខាងស្រីមានកម្ពស់ជាង២ម៉ែត្រ
-
ចរាចរណ៍១ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
ជីវិតកម្សាន្ដ១ សប្តាហ៍ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍៣ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៣ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៥ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៧ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
កីឡា២ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ព័ត៌មានជាតិ១៥ ម៉ោង agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1