Connect with us

ព័ត៌មានជាតិ

សរុ​ប​តួលេខ​ មាន​បុគ្គលិកអប់រំ និងសិស្សជាង ១០០ នាក់​ឆ្លង​កូវីដ​នៅ​ភ្នំពេញ

បានផុស

នៅ

ប្រធានមន្ទីរអប់រំយុវជននិងកីឡារាជធានីភ្នំពេញមានប្រសាសន៍ថា ចាប់តាំងពីថ្ងៃទី១៥ ខែកញ្ញា រហូតដល់ថ្ងៃទី០២ខែធ្នូឆ្នាំ២០២១ នៃការបើកដំណើរការគ្រឹះស្ថានសិក្សាឡើងវិញនៅរាជធានីភ្នំពេញ មានបុគ្គលិកអប់រំនិងសិស្សានុសិស្សប្រមាណ​ជាង ១០០នាក់ ឆ្លងជំងឺកូវីដ១៩។

លោក ហែម ស៊ីណារ៉េត ប្រធានមន្ទីរអប់រំយុវជននិងកីឡារាជធានីភ្នំពេញបានមានប្រសាសន៍នៅថ្ងៃទី០៣ធ្នូនេះថា ក្នុងចំណោមអ្នកឆ្លងចំនួន ១១១នាក់ មាន១០២នាក់ត្រូវបានក្រុមគ្រូពេទ្យអនុញ្ញាតឱ្យចេញមកផ្ទះវិញហើយ បន្ទាប់ពីលទ្ធផល​តេស្តលើកទី២ អវិជ្ជមានក្នុងនោះមានសិស្សានុសិស្សចំនួន ៥៩ នាក់ និងបុគ្គលិកអប់រំចំនួន ៤៣ នាក់បានជាសះស្បើយ ត្រូវបានគ្រូពេទ្យណែនាំឲ្យបន្តធ្វើចត្តាឡីស័កនៅតាមផ្ទះរៀងៗខ្លួនរយៈពេល ២សប្ដាហ៍ទៀត។

លោក ហែម ស៊ីណារ៉េត ប្រធានមន្ទីរអប់រំយុវជននិងកីឡារាជធានីភ្នំពេញ
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបើកសាលារៀនឡើងវិញគ្រប់គ្រឹះស្ថានសិក្សាអនុវត្តបានល្អប្រសើរ លោកគ្រូ អ្នកគ្រូ និងសិស្សានុសិស្ស បានយកចិត្តទុកដាក់ចូលរួមអនុវត្តវិធានការ ការពារបានល្អប្រសើរគ្រប់ៗគ្នា ដូចជាពាក់ម៉ាស់ និងមិនឲ្យមានការចេញលេង មិនអនុញ្ញាតឲ្យសិស្សទាក់ទងគ្នាពីថ្នាក់មួយទៅថ្នាក់មួយទៀត។

លោកប្រធានមន្ទីរបានបន្តទៀតថា គ្រប់គ្រឹះស្ថានសិក្សាបានបន្ត យកសេចក្ដីណែនាំរបស់ក្រសួងអប់រំ យុវជន និងកីឡា-លិខិតណែនាំរបស់រដ្ឋបាលរាជធានីភ្នំពេញស្ដីពីវិធានការការពារជំងឺកូវីដ១៩ជាពិសេស សារាចរ របស់ប្រមុខរាជរដ្ឋាភិបាល និងសេចក្ដីណែនាំរបស់រដ្ឋបាលរាជធានីភ្នំពេញ ទៅផ្សព្វផ្សាយបន្ថែមដល់សិស្សានុសិស្ស៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម