Connect with us

ព័ត៌មានជាតិ

មនុស្សចាស់ជរា ១០០នាក់ នៅខណ្ឌទួលគោកទទួលបានអាវរងា ភួយ ក្រមា និងថវិកាពីសម្ដេចតេជោ និងសម្ដេច​កិតិ្តព្រឹទ្ធ​បណ្ឌិត

បានផុស

នៅ

មនុស្សចាស់ជរាចំនួន ១០០នាក់ មកពីសង្កាត់ទាំង ១០ នៅក្នុងមូលដ្ឋានខណ្ឌទួលគោក ទទួលបានអាវរងា ភួយ ក្រមា និងថវិកា ដែលជាអំណោយដ៏​ថ្លៃ​ថ្លារបស់សម្ដេចតេជោ ហ៊ុនសែន នាយករដ្ឋមន្ត្រី នៃ​​កម្ពុជា និង​សម្ដេច​កិតិ្តព្រឹទ្ធ​បណ្ឌិត ប៊ុនរ៉ានី ហ៊ុន​សែន ប្រធាន​កាកបាទក្រហមកម្ពុជា ខណៈដែលអាកាសធាតុ បានចាប់ផ្តើមចុះត្រជាក់។

ពិធីសំណេះសំណាល និងបាននាំយកអំណោយដ៏​ថ្លៃ​ថ្លា របស់សម្ដេចតេជោនាយករដ្ឋមន្ត្រី និង​សម្ដេច​កិតិ្តព្រឹទ្ធ​បណ្ឌិត ប៊ុនរ៉ានី ហ៊ុន​សែន ជូនប្រជាពលរដ្ឋចាស់ជរា នៅក្នុងខណ្ឌទួលគោកនេះ បានធ្វើឡើងនាថ្ងៃទី ៣ ខែធ្នូ ឆ្នាំ ២០២១ នៅសាលាខណ្ឌទួលគោក ក្រោមវត្តមានលោក ជា ពិសី អភិបាល នៃគណៈអភិបាលខណ្ឌទួលគោក និងលោកស្រី មុំ ចាន់ដានី ប្រធានមន្ទីរសង្គមកិច្ចរាជធានីភ្នំពេញ។

ប្រជាពលរដ្ឋចាស់ជរាទាំង ១០០នាក់ ដោយក្នុងម្នាក់ៗ ទទួលបាន ភួយ ១ អាវរងារ ១ ក្រម៉ា ១ និងថវិកា ចំនួន ៥០,០០០រៀល។

សូមជម្រាបថា លោក ឃួង ស្រេង អភិបាលរាជធានីភ្នំពេញ ក្នុងពិធីប្រគល់អំណោយរបស់សម្ដេច តេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ជូនសមាជិក-សមាជិកា សមាគមមនុស្សចាស់ ដែលមានជីវភាពក្រីក្រនៅក្នុងខណ្ឌដង្កោ កាលពីព្រឹកថ្ងៃទី ១ ខែធ្នូ ឆ្នាំ ២០២១កន្លងមកនេះ បានជំរុញឲ្យអាជ្ញាធរខណ្ឌទាំងអស់ បង្កើតកម្មវិធីដើម្បីផ្ដល់អំណោយរបស់សម្ដេចតេជោ និងសម្ដេចកិត្តិព្រឹទ្ធបណ្ឌិត ដែលមានដូចជា៖ អាវរងា ភួយ ក្រមានិងថវិកា ជូនដល់មនុស្សចាស់នៅក្នុងមូលដ្ឋានរបស់ខ្លួនឲ្យបានលឿន និងទាន់ពេលវេលា ពោលគឺកម្មវិធីនេះត្រូវរៀបចំឡើង កុំឲ្យហួសពីថ្ងៃអាទិត្យក្នុងសប្តាហ៍នេះ។

អនុវត្តតាមការណែនាំនេះ ទើបលោក ជា ពិសី អភិបាលខណ្ឌទួលគោក និងលោកស្រី មុំ ចាន់ដានី ប្រធានមន្ទីរសង្គមកិច្ចរាជធានីភ្នំពេញ រៀបចំជាកម្មវិធីសំណេះសំណាល និងនាំយកអំណោយជូនប្រជាពលរដ្ឋចាស់ជរាទាំង ១០០នាក់នេះ តែម្តង៕

អត្ថបទ៖ ស្រីរ័ត្ន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម