Connect with us

ព័ត៌មានជាតិ

គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​៣៨​ខ្សែ នៅ​ក្រុង​សៀមរាប សម្រេចបាន​ជាង ៩០​ភាគរយៈ​ហើយ គិត​ត្រឹម​ខែវិច្ឆិកា ឆ្នាំ​២០២១

បានផុស

នៅ

សៀម​រា​ប ៖ ក្នុងឱកាស​ដឹកនាំ​ក្រុមការងារ​បច្ចេកទេស​ចុះ​ពិនិត្យ​វឌ្ឍនភាព​គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​ចំនួន ៣៨​ខ្សែ នៅ​ក្រុង​សៀមរាប ខេត្តសៀមរាប នៅ​ព្រឹក​ថ្ងៃទី​៧ ខែធ្នូ ឆ្នាំ​២០២១​នេះ ឯកឧត្ដម​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន និង​ជា​អនុប្រធាន​ប្រចាំ បាន​ឲ្យ​ដឹងថា គិត​ត្រឹម​ខែវិច្ឆិកា ឆ្នាំ​២០២១ គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ ៣៨​ខ្សែ នៅក្នុង​ក្រុង​សៀមរាប បានសម្រេច​ជាង​៩២,៧២​ភាគរយ​ហើយ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​ទេសរដ្ឋមន្ត្រី បាន​មានប្រសាសន៍ថា ក្នុង​ដំណើរ​ចុះ​ពិនិត្យ​ស្ថានភាព​នៃ​ការ​សាង់សង​នា​ពេល​នេះ គឺ​ពិនិត្យមើល​ក្រុម​ជំនាញ​បច្ចេកទេស​ពាក់ព័ន្ធ ចុះ​ពិនិត្យ​បច្ចេកទេស​នៃ​ការ​អ៊ុត​កៅស៊ូ​បេតុង (AC) ការដាំ​កូន​រុក្ខជាតិ​លម្អ​សោភ័ណភាព​នៅតាម​បណ្ដោយ​ទ្រូងផ្លូវ ការ​អ៊ុត​ភ្ជាប់​មុខតំណ​បេតុង​កៅស៊ូ គំនូស​សញ្ញា​ចរាចរណ៍ គំនូស​ចែក​ទ្រូងផ្លូវ រង្វង់​មូល​ព្រះរាជដំណាក់ ខឿន​ចិញ្ចើមផ្លូវ គំនូស​សញ្ញា​ចរាចរណ៍​សម្រាប់​អ្នក​ថ្មើរជើង ការ​ដាំ​ស្មៅ និង​ផ្កា​លំអ​សួន និង​ការ​ដាំ​បង្គោល​ភ្លើង​បំភ្លឺ​ផ្លូវ​សាធារណៈ​ផងដែរ​។ ជា​មួយ​គ្នា​នេះ ឯកឧត្តម​ទេសរដ្ឋមន្ត្រី បាន​ណែនាំ​ឱ្យ​ក្រុមការងារ​ជំនាញ​បច្ចេកទេស​របស់​អង្គភាព​សាងសង់​ទាំងអស់ ចំពោះ​ផ្លូវ​ជិះ​កង់ ឬ​ដើរ ត្រូវ​ត្រួតពិនិត្យ​គុណភាព​ផ្លូវ​ដែល​បាន​អ៊ុត​កៅស៊ូ​រួច​ឲ្យ​បាន​ច្បាស់​លាស់ ដើម្បី​ធានាបាន​នូវ​គុណភាព​រឹងមាំ​ប្រើប្រាស់​ជាប់​បាន​យូរ​អង្វែង​។ ឯកឧត្តម ក៏បាន​សំណូមពរ​ឱ្យ​ក្រុមការងារ​ជំនាញ​បច្ចេកទេស​ពាក់ព័ន្ធ ពិនិត្យ​លទ្ធភាព​ដាំ​ផ្កា​មុខ​ផ្លូវ​ចូលទៅ​កាន់​ប្រាសាទអង្គរវត្ត ដើម្បី​ទាក់ទាញ​ភ្ញៀវ​ទេសចរណ៍​ជាតិ​-​អន្តរជាតិ ស័ក្តិ​សមជា​មជ្ឈមណ្ឌល​វប្បធម៌ ប្រវត្តិសាស្ត្រ ក៏ដូចជា​ជួយ​បង្កើន​សោភ័ណភាព​ថែម​មួយកម្រិត​ទៀត និង​ត្រូវ​យកចិត្តទុកដាក់​លើ​ការដឹកជញ្ជូន​កៅស៊ូ​ស្រោច​ផ្លូវ​ឱ្យបាន​ហ្មត់ចត់​ទៅកាន់​ការដ្ឋាន ជៀសវាង​កុំឱ្យ​ស្រក់​នៅតាម​ដងផ្លូវ ធ្វើឱ្យ​បាត់បង់​សោភ័ណភាព​ផ្លូវ ដែល​បាន​ស្ថាបនា​រួច​។

ក្នុង​ឱកាស​នោះ​ដែរ ឯកឧត្តម​ទេសរដ្ឋមន្ត្រី ក៏បាន​ដឹកនាំ​ក្រុមការងារ​ចុះ​ពិនិត្យមើល​ស្ពាន​ដែល​បាន​សាងសង់​ឆ្លងកាត់​ដងស្ទឹង​សៀមរាប និង​បាន​ស្នើឱ្យ​អ្នកជំនាញ​បច្ចេកទេស​ក្រោម​ឱវាទ លាបថ្នាំ​ពណ៌​ដូចគ្នា​លើ​តួ​ស្ពាន និង​បង្កាន់ដៃស្ពាន​ចំនួន ៥​កន្លែង​។ ជាមួយ​នោះ​ក្រុមការងារ​ក៏បាន​ពិនិត្យឃើញ​បញ្ហា​កំហុស​បច្ចេកទេស​បន្តិច​បន្តួច​ក្នុងអំឡុង​ពេលធ្វើការ​អ៊ុត​កៅស៊ូ និង​បាន​ណែនាំ​ឱ្យ​ក្រុមការងារ​បច្ចេកទេសរ​បស់​អង្គភាព​សាងសង់ ក៏ដូចជា​អ្នកជំនាញ​បច្ចេកទេស​ពាក់ព័ន្ធ ធ្វើការ​កែតម្រូវ​ឱ្យបាន​សមស្រប​ទៅនឹង​ស្តង់ដា​បច្ចេកទេស​នៃ​ការសាងសង់​។

គួរ​រម្លឹក​ផង​ដែរ​ថា គម្រោង​កែលម្អ​ហេដ្ឋារចនាសម្ព័ន្ធ​ផ្លូវ​ក្នុង​ក្រុង​សៀមរាប ខេត្តសៀមរាប​ចំនួន​៣៨ ខ្សែ នេះ មាន​ប្រវែង​សរុប ១០៦,៤២​គីឡូម៉ែត្រ ប្រើប្រាស់​ថវិកាជាតិ​សរុប​ប្រមាណ​ជាង ១៤៩.២១៦.៥៩៥​ដុល្លារ​អាមេរិក ដោយ​ក្នុង​នោះ​ចំនួន ៩​លាន​ដុល្លារ​អាមេរិក ចំណាយ​លើ​ការងារ​ចាំបាច់​ក្នុងការ​រៀបចំ ស្ថាបនា​ប្រព័ន្ធ​បង្ហូរ​ទឹកភ្លៀង និង​ទឹក​កខ្វក់ ហើយ​ចំពោះ​ការសាងសង់​នេះដែរ គ្រោង​នឹង​បញ្ចប់​នៅ​ចុងឆ្នាំ​២០២១ ត្រូវបាន​សម្ពោធ​បើក​ការដ្ឋាន​សាងសង់ កាលពី​ថ្ងៃទី​៣០ ខែវិច្ឆិកា ឆ្នាំ​២០២០ ក្រោម​អធិបតីភាព​ដ៏​ខ្ពង់ខ្ពស់​របស់​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា៕

ដោយ ៖ គឿន​វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

រាជធានី​ភ្នំពេញ​និង​រដ្ឋធានី​វៀង​ចន្ទ ជំរុញ​ទំនាក់ទំនង​ការទូត​រវាង​ទីក្រុង​ទាំងពីរ​ឲ្យ​កាន់តែ​ល្អប្រសើរ​មួយកម្រិត​ថែមទៀត

កីឡា៣ ម៉ោង មុន

ចូល​រួម​សាទរ​ ភ្នំពេញ​​ក្រោន​ ឈ្នះ​​ជើង​ឯក​លីគ​កំពូល​​កម្ពុជា​​២០២២

ព័ត៌មានជាតិ៣ ម៉ោង មុន

បណ្តា​រាជធានី​និង​រដ្ឋធានី​អាស៊ាន​ទទួល​បាន​បទពិសោធន៍​អភិវឌ្ឍ​ទីក្រុង​ជាច្រើន ដើម្បី​ប្រែ​ក្លាយទៅជា​ទីក្រុង​ឆ្លាត​វៃ​និង​មាន​ភាព​ធន់

ព័ត៌មានជាតិ៤ ម៉ោង មុន

លោកស្រី​បណ្ឌិត អ៊ី​រ៉ា​វាទី ជិន​ដ្រា​ដេ​វី កោត​ស​សើរ​អភិបាល​រាជធានី​ភ្នំពេញ​ចំពោះ​ការរៀបចំ​វេទិកា AMF និង​កិច្ចប្រជុំ MGMAC ឆ្នាំ​២០២២ ប្រកបដោយ​ភាពជោគជ័យ

ជីវិតកម្សាន្ដ៤ ម៉ោង មុន

អាយុ ៦០ឆ្នាំហើយ ស្ដេចកំប្លែង ​ទិនហ្វី នៅតែមាំទាំ ដើរលេងដូចយុវវ័យ

Sokha Hotels

ព័ត៌មានពេញនិយម